{ الحب الأعمي }
الحلقه 45
خشيت للشقه هاديه اندور ع حياه بحتت في مطبخ في صاله مش قاعده خشيت لدار النوم
ونبحت
يوسف: حياه 😳
ونلقا حياه مقعمزه ع ارض ومتكيا ع دولاب وكراعها كلها دم وتبكي ومنهره
لما شفت شكلها هكي وجعتني وانقهرت عليها
انا: لما ركبني يوسف من دروج بالقوه كراعي لخياطه امتاعها انفكت وتمت توجع فيا بكل وقعد الجرح ينزف
وكانت خالطه عندي ادموع من سطير الجرح ومن الي صار مع عمتي ومن معاملة يوسف ليا وفوق من هذا كلا كنت انحس في روحي مش عارف كني دايخا
يوسف: قرب مني ومسك كراعي
تؤتؤ من امتا وهيا هكي
انا: نبكي بالعبره حول ماتلمسنيش انت كلا منك . وقعدت نبكي بصوت عالي
كأن عندي حد ميت
لدرجة حسيت يوسف مستغرب في بكيتي لان اول مره يشوفني نبكي بطريقه هذي
يوسف: حقك عليا والله ماكان قصدي لما شفت امي منهره هكي مش عارف شن صارلي
انا: حول يايوسف حول خطاني ماديرليش شي
يوسف: كيف مانلمسكش وكراعك تنزف قاعده
انا: حول تو نصبي نعرف نمشي مش محتاجه لمساعدتك
وجيت بنصبي حسيت الدنيا برمت بيا وفقدت توازني
مسكني يوسف من خصري ومسك يدي
يوسف: مفجوع حياااه كنك
انا: تمدت ع سرير ورقدت ع بطني و كنت انحس بدوخا قويه بكل بذات لما نرفع راسي
يوسف: جا عند راسي كنك شن اتحسي
انا: غميت راسي في المخده خطاني يايوسف
ومانندريش الا ع يد يوسف ماسك خصري
وطبس بجسما الي كان ضاغط ع ظهري وحط راسا قريب مني
وعند وذني وقعد يهمسلي
يوسف: كيف انخطاك وانتي حالتك هكي ماتهونيش راكي
انا: نحكي وغما وجهي . لا هنت عليك وصار الي صار فكني من طروح توا وحول من فوقي عنديش جهد لكي راه
يوسف: باهي بحتي فيا
انا: مانيش يايوسف راه والله دايخا حول
يوسف: دايخا من لبكا بحتي فيا بس وريني وجهك
انا: مانيش
يوسف: بحتي فيا خيرلك راني نقلبك
انا: بحتت فيه بنص عين وكان نص شعري مغطي وجهي
حول يوسف شعري من علي وجهي
ونزل بيدا ع حواجبي قعد يملس عليهن
ونزل ع عيوني الي غمضتهن
ومسح دمعا نزلا ع خدي ونزل باسني بوسا خفيفا ع خدي
انا: صبي من عليا
يوسف: كني ثقيل عليك
انا:اها لو سمحت
يوسف: كني توا قعدت ثقيل
انا: تؤ يايوسف
يوسف: قلبا كنك
انا: لاقلبا لا كبدتا فكني من كذب
يوسف: وانتي شاكه انك مش قلبي
انا: حول مش قلب ماحد انا
يوسف: لا قلبي انا
انا: لا مش قلبك كان قلبك راك مادرتيش فيا هكي
يوسف: سقم روحا ورقد مقبلني وجهاً لوجه
وانا كنت راقده ع بطني وهو متكي ع جنبا وقريب مني واااجد
مش كان قلبي معناها مانديرش هكي انتي قلبي ونحبك وغصبن عنك بس مزعلتيني منك ودرت هكي عشان اتبطلي عصبيا امتاعك وبالنسبه لل انا امبدري درتا فا حقك عليا فيه
وانا اسف
