LOVE IN NORWAY [ Completed ]

0.2 [ unicode ]

ကျယ်လောင်လှတဲ့ နှိုးစက်သံကြောင့် မျက်လုံးအစုံကိုပွတ်သပ်ရင်း ငုတ်တုတ်ထထိုင်မိတယ်။ အိပ်မှုန်စုံမွှားနဲ့ မနီးမဝေး အိပ်ရာနံဘေးက ပြတင်းပေါက်ဘက်ကိုမျက်နှာမူလိုက်တော့.....
အိုးးးး နှင်းတွေတောင်တော်တော်ကျနေပြီပဲ
ပြတင်းတံခါးဘောင်တွေမှာ နှင်းခဲထူထူတွေကနေရာယူထားပြီး...ကာရံထားတဲ့ မှန်ချပ်ကြည်ကြည်တွေပေါ်မှာတော့ နှင်းမှုန်ဖြူဖြူဖွေးဖွေးတို့က ကပ်ညိနေရဲ့...

Norwayရဲ့အအေးဆုံးလတွေထဲက တစ်ခုဖြစ်တဲ့ ဒီဇင်ဘာလ။
အမြဲလိုလို စိုစွတ်နေတတ်ပြီး ရံဖန်ရံခါမှ နှင်းကျလေ့ရှိတဲ့ မွေးရပ်မြေ ချုံချင်းမြို့နဲ့ယှဉ်ရင်တော့... အေးတာကိုသဘောကျတဲ့ ကျွန်တော့်အတွက် Norwayရဲ့ရာသီဥတုက ပိုပြီးနှစ်ခြိုက်စရာကောင်းတယ်။
အင်းးး ဒီလိုမနက်ခင်းမျိုးအတွက် မရှိမဖြစ်က ကော်ဖီပူပူတစ်ခွက်!
ကော်ဖီခွက်ပူပူနွေးနွေးကို လက်နှစ်ဖက်နဲ့အုပ်ကိုင်ရင်း မနက်ခင်းအလှကို ခံစားရတာကို လူတော်တော်များများကသဘောကျကြတယ် ... ကျွန်တော်လည်းအပါအဝင်ပေါ့ ...

. . . . .

ီဒီနေ့က စိတ်ချမ်းသာစရာကောင်းတဲ့ တနင်္ဂနွေနေ့၊
Tromsøမြို့လေးရဲ့မြေပြင်ထက်မှာတော့ လမ်းတောင်မမြင်ရလောက်အောင် နှင်းခဲထူထူတွေကဖုံးထားတယ်။ ဘယ်နေရာကြည့်ကြည့် ဖြူလွှလွှနှင်းတွေသိုင်းခြုံထားတာကြောင့် မျက်စိပသာဒအေးချမ်းတာကတော့ အမှန်ပဲ။
အမွှေးပွပွအနွေးထည်ပေါ်မှာ ကုတ်အင်္ကျီထူထူကိုဝတ်၊ အိမ်တံခါးကိုသေချာပိတ်ပြီး Legoloftetဆိုင်ဆီသွားမယ်။ အန်တီနက်တလီ့အမျိုးသားကတော့ သူ့ရဲ့ခြံရှေ့က နှင်းတွေကိုရှင်းလင်းနေရင်း လက်လှမ်းပြလေရဲ့...
နှင်းတွေအရမ်းကျနေတာကြောင့် စက်ဘီးနင်းဖို့အဆင်မပြေတာတော့ ဝမ်းနည်းစရာပဲ။
မာဖလာထူထူကိုလည်ပင်းထက် ခပ်တင်းတင်းဆွဲပတ်လိုက်တယ် အင်းးး ဒီနေ့တော့ လမ်းလျှောက်ရမယ့်ပုံပါပဲ