Oops! Ang larawang ito ay hindi sumusunod sa aming mga alituntunin sa nilalaman. Upang magpatuloy sa pag-publish, subukan itong alisin o mag-upload ng bago.
" ရိပေါ် ကောသွားပြီနော် "
နှင်းတဖွေးဖွေး Tromsøရဲ့မနက်ခင်း၌ ချစ်ရသူရဲ့အိမ်တံခါးဝရှေ့...
အေးတိအေးစက်နိုင်တဲ့ကောင်လေးကတော့ နှုတ်ခမ်းလေးတွန့်ရုံပြုံးပြီး လက်လေးအသာယမ်းပြတယ်။
အလုပ်သွားခါနီးတိုင်း ချစ်ရတဲ့သူမျက်နှာကို အပြေးကြည့်ပြီး တစ်နေ့တာကိုစတင်တာ အကျင့်တစ်ခုဖြစ်နေပြီ။ ရင်ဘတ်ချင်းနီးပေမယ့် လူချင်းမရင်းနှီးသေးသလို... အရင်စပြီးရင်ခွင်ထဲတိုးဝင်ခဲ့တဲ့ကောင်လေးက တကယ်တမ်းကျတော့ လက်လေးအကိုင်ခံဖို့ကိုတောင် မဝံ့မရဲဖြစ်နေတတ်တယ်။ ဘယ်လောက်ထိ စိတ်ဒဏ်ရာနက်ရှိုင်းခဲ့လဲမသိပေမယ့် လူတွေကိုယုံကြည်ဖို့ကြောက်ရွံ့နေသေးတယ်ထင်ပါရဲ့...
. . . . .
အလုပ်လုပ်နေရပေမယ့် စိတ်ကတော့တခြားနေရာ.
အစားကိုသေချာမစားတဲ့ရိပေါ်က... ဝယ်ပေးခဲ့တာတွေရောကုန်အောင်စားပါ့မလားမသိ။ ဖုန်းတကိုင်ကိုင်နဲ့ ဖင်တကြွကြွဖြစ်နေတဲ့ပုံစံကို လုပ်ဖော်ကိုင်ဖက်တွေကတောင်ကြည့်ပြီး ရယ်နေကြပြီ။
ကျွန်တော်တော့ တကယ်ကို ရောဂါရင့်နေပြီပဲ...
်အတွေးများနေတုန်း ကိုင်ထားတဲ့ဖုန်းဆီကအသံမြည်လာလို့ ကြည့်လိုက်တော့...
* ထမင်းစားပြီးပြီလား *
ဟားးးး ဖုန်းဆက်ပြီးမေးရင်ဘာဖြစ်မှာမို့တုန်း?
တကယ့်အဆိုးကောင်လေး!
ရေခဲတုံးလေးရဲ့ မသိမသာသောဂရုစိုက်ခြင်းတွေက ကျွန်တော်သဘောကျရတဲ့ နွေးထွေးမှုတွေထဲကတစ်ခု။ ရိပေါ်က လူရှေ့သူရှေ့အကဲမပိုပြတတ်သလို နောက်ကွယ်၌လည်း ထိုနည်းလည်းကောင်း။ သို့ပေမယ့် အချင်းချင်းခံစားမိနေတဲ့ ချစ်ခြင်းတရားတွေအကြောင်း... လူတကာကိုလိုက်ပြောစရာမလိုအပ်ဘူးမဟုတ်လားးး
![LOVE IN NORWAY [ Completed ]](https://img.wattpad.com/cover/207105857-64-k91720.jpg)