LOVE IN NORWAY [ Completed ]

Final [ unicode ]

" ကျန့်ကော  သက်သာလား "

အိပ်နေတဲ့ ကျွန်တော့်ကိုအတင်းလာနှိုးနေတဲ့ ရိပေါ်က အေပရွန်ပန်းရောင်ကြီးကိုဝတ်ထားသေးတယ်။စိတ်ပူနေဟန်နဲ့စောင့်ကြည့်နေတဲ့မျက်လုံးတွေကလည်းအရည်တွေလဲ့လို့

" ဟမ် နာနေသေးလား "

ကျွန်တော်ခေါင်းခါပြပြီး အေပရွန်ပန်းရောင်နဲ့ချစ်ဖို့ကောင်းနေတဲ့ အကောင်ပေါက်ဆံပင်တွေကိုဆွဲဖွပစ်လိုက်တယ်။ အဖြစ်အပျက်ကတော့ ညစာစားပြီး ပန်းကန်ဆေးမယ်ဆိုကာ မီးဖိုချောင်ထဲဝင်သွားတဲ့ ရိပေါ့်အော်သံကနေစတာပဲ။ စိုးရိမ်စိတ်တွေများပြီးပြေးဝင်လာတဲ့ ကျွန်တော်က ဆပ်ပြာအဆီတွေနင်းမိပြီးချော်လဲရာကနေ ခါးနာသွားရတယ်
ရိပေါ့်မျက်နှာကတော့ မိုးပြိုမတက်ပါပဲ

" ကျွန်တော်သာမအော်ရင် ကောလည်းပြေးဝင်လာမှာမဟုတ်ဘူး ကျစ်! ဘာလို့အော်လိုက်မိတာလဲမသိဘူး.. ဆပ်ပြာဗူးလေးမှောက်တာလေးကို "

ကုတင်ကိုလက်သီးနဲ့တဘုန်းဘုန်းထုနေတဲ့ ရိပေါ့်လက်တွေကို ရှောင်းကျန့်ကဖမ်းဆွဲရတယ်။ ဒီကလေးက ရှောင်းကျန့်ကိုအနာတရမဖြစ်စေချင်ဘူးဆိုတာ ရှောင်းကျန့်ကသိတယ်
ရိပေါ်က ရှောင်းကျန့်ကိုသိပ်ချစ်တယ်

" ဘာမှမဖြစ်ဘူး ကဲ! ဘာတွေချက်ထားလဲ
ကော ဗိုက်ဆာပြီ "

ရှောင်းကျန့်ကိုဆွဲထူလို့ ရိပေါ်ကမီးဖိုချောင်ဘက်ကိုဦးတည်တယ်။ ထမင်းစားပွဲပေါ်မှာတော့ ပူပူနွေးနွေးခေါက်ဆွဲပြုတ်လေးနှစ်ပန်းကန်ကြောင့် ရှောင်းကျန့်ကပြုံးမိသွားတယ်

* နောက်မှ ဟင်းချက်သင်တန်းစုံစမ်းရမယ် *

ခပ်တိုးတိုးရေရွတ်လိုက်တဲ့ ရိပေါ့်စကားသံကို ရှောင်းကျန့်ကသေချာကြားလိုက်ရတယ် စိတ်ထဲမှာကြည်နူးမှုလေးကလည်းဖြတ်ပြေးတယ်.. ဟင်းချက်တာ သူ့စတိုင်မဟုတ်ဘူးဆိုတဲ့ကောင်လေးက ရှောင်းကျန့်အတွက်ကြောင့်သင်တန်းတောင်တက်မယ်လုပ်နေတယ်မဟုတ်လား
ကြက်ဥသုံးလုံးတောင်ထည့်ပြုတ်ထားတဲ့  ခေါက်ဆွဲပြုတ်ပန်းကန်လေးကတော့ ချစ်ခြင်းတွေအပြည့်နဲ့...

. . . . .

Tromsø ကတော့ နှင်းဖြူဖြူတွေကြား တဖန်ပြန်ပြီးအသက်ဝင်လာပြီဖြစ်တယ်.. ပြတင်းတံခါးအပြင်ဘက်မှာ နှင်းတွေကတဖွဲဖွဲကျဆင်းနေလေရဲ့