LOVE IN NORWAY [ Completed ]

1.3 [ unicode ]

ဆောင်းရာသီမှာယုန်မည်းလေးတွေအစာရှာထွက်တဲ့အခါ နှင်းတွေကျဆင်းတာကြောင့် ယုန်ဖြူလေးတွေဖြစ်သွားတတ်တယ်လို့ ပြောစမှတ်တွင်ကြတဲ့ ကာလကိုကျော်လွန်လာခဲ့ပြီဖြစ်တယ်

Tromsø ရဲ့ဒီနှစ်ကတော့ နှင်းတွေအရည်ပျော်ပြီး ဆောင်းရာသီအမြန်ကုန်လွန်တယ်။ ဧပရယ်ကတော့ နှစ်တစ်နှစ်ရဲ့အစိုစွတ်ဆုံးလ.. မိုးလည်းတအားရွာသလို နှင်းတွေလည်းတမြေ့မြေ့အရည်ပျော်နေတာကြောင့် ဘယ်နေရာကြည့်ကြည့် စိုစွတ်မှုကိုခံစားရတယ်။ ထိုလိုအချိန်ဆို ထီးရောင်စုံလေးတွေက လမ်းမပေါ်မှာဟိုပြေးဒီပြေးနဲ့ ခံစားမှုတစ်ခုကိုပေးတယ်

" ဒီနေ့ရော နောက်ကျမှာလား "

" မသိဘူးလေ ကောရဲ့
လူကတအားများလာတော့ ကျွန်တော်ကအချိန်ပြည့်သင်ပေးရသလိုဖြစ်နေတော့တာ "

အခုတလော ရိပေါ်ကအိမ်သိပ်မကပ်ဘူး
အကြောင်းကတော့ အကကျောင်းမှာလူပိုများလာရခြင်းကနေစတယ်။ အကပိုင်းကိုစိတ်ပါဝင်စားတဲ့သူတွေများလာတဲ့အပြင် ကလေးငယ်တွေက ကျောင်းလည်းပိတ်ထားကြတာကြောင့် ရိပေါ်တို့အကကျောင်းလေးက လူတအားစည်နေတယ်။ ဒါကြောင့် အချိန်ပိုင်းဆရာအဖြစ်ဝင်လုပ်ခဲ့တဲ့ကလေးငယ်က အခုတော့အချိန်ပြည့်ဆရာဖြစ်နေလေရဲ့

" ခြေထောက်ကိုဂရုစိုက်နော်
ရိပေါ်တစ်ခုခုဖြစ်ရင် အင်းး ကောအကြောင်းအသိဆုံးမဟုတ်လား "

ထမင်းစားပွဲပေါ်မှာတင်ထားတဲ့လက်ကိုဆွဲယူပြီး ကလေးငယ်က သူ့ပါးပြင်နဲ့အသာအပ်တယ်။ ကြောင်လေးတွေသခင်ကိုကပ်ချွဲသလို ကျွန်တော့်လက်ဖမိုးကို သူ့ပါးပြင်နဲ့ပွတ်သပ်နေတဲ့ရိပေါ်ကသိပ်ချစ်ဖို့ကောင်းတယ်
တဖွဖွလည်းနမ်းနေသေးးးး