LOVE IN NORWAY [ Completed ]

0.8 [ unicode ]

Norwayရဲ့ ဇန်နဝါရီလက အအေးဓာတ်ပြင်းထန်တယ်။ ပိတ်ရက်တွေကုန်လွန်ပြီးပြီဖြစ်တာကြောင့် နှင်းတဖွေးဖွေး Tromsøလမ်းမကြီးထက်မှာတော့ လူတွေရှုပ်နေရဲ့
အလုပ်ပြန်တက်ရတဲ့နေ့တွေက တအားစိတ်ညစ်စရာကောင်းတယ်။ အိမ်မှာရှိနေတဲ့ သံယောဇဉ်လေးကြောင့် အလုပ်သွားဖို့ကိုစိတ်မပါတော့ပေမယ့် အဆိုးအပေလေးသွားချင်တဲ့နေရာတွေ ပို့ပေးနိုင်တဲ့ ကားလေးတစ်စီးဝယ်မှဖြစ်မယ်ဆိုတဲ့အတွေးနဲ့ ခြေလှမ်းတွေက အလုပ်နေရာဆီဦးတည်တယ်

Auroraကြည့်တဲ့ ခရီးစဉ်နောက်ပိုင်း ရိပေါ်က ကျွန်တော့်ကိုပိုခင်တွယ်လာတယ်။ နေထိုင်မှုစရိတ်မြင့်မားတဲ့ Norwayလိုနိုင်ငံမျိုးမှာ ဘာအလုပ်မှမလုပ်ပဲ တစ်ယောက်တည်းရပ်တည်နိုင်တဲ့အကြောင်း၊ လစဉ်လတိုင်း ဘဏ်စာအုပ်ထဲဝင်နေတဲ့ သုံးမကုန်တဲ့ငွေပမာဏတွေအကြောင်း၊ နောက်ထပ် တစ်ချို့သောအကြောင်းအရာတွေကို ခက်ခဲစွာနဲ့ ရိပေါ့်ပါးစပ်က ကိုယ်တိုင်ထုတ်ပြောတယ်။ လိုလေသေးမရှိထားပေးတဲ့မိဘအကြောင်းကိုကြားရတော့ ရိပေါ့်အတွက်ဝမ်းသာမိပေမယ့် နွေးထွေးမှုဆိုတဲ့အရာက ငွေနဲ့ဝယ်လို့ရနိုင်တဲ့အရာမဟုတ်။ မှားယွင်းတဲ့စောင့်ရှောက်မှုတွေကြောင့် ရိပေါ့်ပုံစံအခြားကလေးတွေနဲ့မတူပဲကြီးပြင်းခဲ့ရတဲ့အကြောင်းကို ကျွန်တော်နားလည်လာတယ်။ ကလေးငယ်ကို ပိုပြီးစောင့်ရှောက်ရမယ်...