LOVE IN NORWAY [ Completed ]

0.7 [ unicode ]

" ကျင်းကော် အစာမစားဘူးလား "

ပြတင်းပေါက်အပြင်မှာကျနေတဲ့နှင်းတွေကို ထိုင်ကြည့်နေတဲ့ကျင်းကော်က ငြိမ်ငြိမ်သက်သက်။ ရိပေါ်ကတော့ ကျင်းကော်ကိုပွတ်သပ်ရင်း အစာချော့ကျွေးနေပေမယ့် ကျင်းကော်ကတုပ်တုပ်တောင်မလှုပ်...

ယောကျ်ားလေးနှစ်ယောက်နေတဲ့အိမ်က ဆူညံသံမရှိ၊  ငြိမ်ငြိမ်သက်သက်။ ကျွန်တော်အလုပ်သွားချိန်ဆိုရင် အိမ်မှာတစ်ယောက်ထဲကျန်နေခဲ့မယ့် ရိပေါ့်နေရာကိုဝင်စဉ်းစားမိတော့ အကြံတစ်ခုကခေါင်းထဲချက်ချင်းပေါ်လာခဲ့တယ်။ ခွေးတစ်ကောင်မွေးဖို့စဉ်းစားမိပေမယ့်... ခွေးဟောင်သံက ဘေးအိမ်တွေကိုအားနာဖို့ကောင်းတယ်လို့ရိပေါ်ကပြောတော့ ခွေးအစား ကြောင်တစ်ကောင်ကိုပဲမွေးဖြစ်ခဲ့တယ်။ အအေးပိုင်းဒေသမှာ အကောင်ကြီးကြီး၊ အမွေးရှည်ရှည်နဲ့ Forest Cat တွေကိုမွေးလေ့ရှိပေမယ့်.... ရိပေါ်နဲ့ကျွန်တော်ကတော့ အမွှေးပါးပါး၊ခြေတံတိုတိုနဲ့ မျက်လုံးဝိုင်းဝိုင်းလေးဖြစ်တဲ့ ကျင်းကော်ကိုပဲရွေးချယ်ခဲ့ကြတယ်။

ကျင်းကော်က ရိပေါ်နဲ့သိပ်တူတယ်။ ခပ်ချေချေနေတတ်ပေမယ့် ချစ်ဖို့တအားကောင်းတယ်။ တိရစ္ဆာန်တွေကို သိပ်သဘောမကျတတ်ဘူးလို့ ပြောခဲ့တဲ့ကောင်လေးက ကျင်းကော်ကိုတော့ သည်းသည်းလှုပ်ချစ်တယ်။ ကျင်းကော်ကတော့ ရိပေါ့်ကိုဆို ရရင်ရသလို ချေနေတာပါပဲ...