LOVE IN NORWAY [ Completed ]

1.1 [ unicode ]

ချုံချင်းရဲ့ရာသီဥတုက Tromsøလောက်အချမ်းဓာတ်မကဲ
ပြတင်းပေါက်ဘေးက ခုတင်လေးမှာတော့ ရိပေါ်က ကျုံ့ကျုံ့လေးအိပ်မောကျနေလေရဲ့

ပါးနဲ့မားရဲ့ အစီအမံကောင်းမှုကြောင့် ရိပေါ်နဲ့ကျွန်တော်က ခုတင်တစ်ခုစီခွဲအိပ်ရတယ်။ မနေနိုင်တဲ့ ကျွန်တော်က နှစ်ယောက်အတူအိပ်မယ်ပြောကြည့်တော့ မိဘအိမ်မှာဆင်ခြင်ရမယ်လေလို့ ရိပေါ်က သတိပေးတယ်
ကလေးငယ်က ဒီလိုလည်းသိတတ်သေးတာ

" ရိပေါ် ... ရိပေါ် ထတော့လေ
နေမြင့်တဲ့အထိအိပ်ရင် ခေါင်းကိုက်လိမ့်မယ် ထတော့ လာ "

ခေါင်းအုံးကိုခွထားကာ ခွေခွေလေးအိပ်နေတဲ့ ကလေးငယ်ကို ဆွဲထူတော့ အိပ်ချင်မူးတူးနဲ့ လက်ထဲပါလာတယ်

" ကြည့်ပါဦး.. ဆံပင်တွေကလည်းထောင်နေတာပဲ "
ဖိအိပ်ထားလို့ ထိုးထိုးထောင်ထောင်ထွက်နေတဲ့ဆံပင်မွှေးတွေကို လက်နဲ့အသာသပ်ပေးတော့ မျက်လုံးကြီးမှိတ်ပြီးငြိမ်နေပြန်ရဲ့

" ကောအရင်ဆင်းနှင့်ရမလား?
မျက်နှာသစ်ပြီးလိုက်ခဲ့လေ "

" ဟမ် မရဘူး! ခဏစောင့်ပေး ကျန့််ကော
တူတူသွားမယ် "

ခုတင်ပေါ်က လှစ်ခနဲဆင်းပြီး ရေချိုးခန်းထဲပြေးဝင်တယ်
အိပ်ထားတာကြည့်ပါဦး.. စောင်တွေတောင်အောက်ကိုပြုတ်ကျလုနီးပါးဖြစ်နေပြီ
အကုန်ဆွဲသိမ်းပေးပြီး ရေချိုးခန်းကထွက်လာမယ့် ကလေးငယ်ကိုစောင့်ရတယ်။ ပြန်တွေးကြည့်တော့ ကျွန်တော့်ရဲ့လက်ရှိအခြေအနေက တအားစိတ်ချမ်းသာစရာကောင်းလွန်းတယ်။ မိသားစုအစုံအလင်အပြင် ချစ်ရတဲ့သူပါ အတူရှိနေတဲ့ဘဝ၊ ပူပန်စရာတစ်ခုမှမရှိတဲ့ဘဝမျိုးကို ပိုင်ဆိုင်ထားတာဟာ ကံကောင်းတာထက်ကိုသာလွန်နေပြီ
တကယ်ကို ကလေးငယ် ကျွန်တော့်ဘဝထဲဝင်လာကတည်းက ကံကောင်းမှုတွေနဲ့အပြည့်ဖြစ်နေခဲ့တာပဲ