LOVE IN NORWAY [ Completed ]

1.4 [ unicode ]

Tromsø ရဲ့မနက်ခင်းတွေကတော့ ပြုံးချင်စရာကောင်းနေတော့တာပဲ

နောက်ကျောကနေ ခါးကိုလာဖက်ပြီး ခေါင်းလေးအတင်းတိုးဝှေ့နေတဲ့ ရိပေါ့်ကြောင့် ပြန်အိပ်ဖို့အတွေးတွေကလွင့်စင်ကုန်တယ်။ လိုက်ကာစအညိုနုလေးကာထားတဲ့ ပြတင်းပေါက်အပြင်မှာတော့ ဌက်လေးတွေက ကျာကျာကျီကျီအော်နေကြလေရဲ့

" ရိပေါ် အိပ်လို့မပျော်ဘူးလား "

ဟင်းခနဲသက်ပြင်းချသံတစ်ချက်ကို နောက်ကျောဆီကကြားလိုက်ရတယ်။ ပိုတိုးလို့ဖက်တွယ်လာတဲ့အခါ နီးကပ်လာတဲ့အထိအတွေ့ကြောင့် ရင်ဘတ်ကတစ်ချက်ဆောင့်ခုန်တယ်

" ညကအိပ်လို့မရဘူး.. ခေါင်းလည်းကိုက်နေတယ် ကော "

ကမန်းကတန်းထကာ နဖူးပြင်ကိုအသာစမ်းတော့ ဖျားနေတာမဟုတ်။ အခုတလောရာသီဥတုအပြောင်းအလဲအပြင် အိပ်ချိန်မမှန်တာတွေက ကလေးငယ်ကိုနှိပ်စက်နေပြီထင်တယ်

" ကော ~ "

အသံအီအီနဲ့ကပ်ချွဲလာပြီး ကုတင်ဘောင်ကိုမှီထိုင်နေတဲ့ ကျွန်တော့်ရင်ခွင်ထဲ အတင်းဝင်ကပ်တော့တယ်။ ဆံပင်ပွပွတွေကိုအသာသပ်ပေးပြီး ငုံ့နမ်းတော့ မျက်နှာကိုမော့လာပေးသေး... နှာခေါင်းလုံးလုံးကို တစ်ချက်ဖိကိုက်လိုက်တယ်.. ဆူပုတ်ပုတ်နဲ့အတင်းကုန်းထလာပြီး ကျွန်တော့်နှုတ်ခမ်းတွေကိုပါအပိုင်သိမ်းတော့တာပဲ

" ဟာ သွားမတိုက်ရသေးဘူးလေ "

" ကောကလည်း ဒီလိုအချိန်မှာ ဒီလိုထပြောမှဖြစ်မှာလား "

စိတ်ဆိုးဆိုးနဲ့ ဖိနမ်းပြီး အောက်နှုတ်ခမ်းကိုအသာဆွဲကိုက်ခံရတယ်။ ရိပေါ်က တကယ့်ခွေးပေါက်လေး

.

.

.

" ဘာစားဖို့လုပ်ပေးရမလဲ? ခေါင်းကြည်သွားအောင် "

" ကော ဒီနားလာ "

ထမင်းစားပွဲမှာထိုင်နေတဲ့ ရိပေါ့်အနားကိုတိုးကပ်သွားတော့ မျက်နှာကိုအသာမော့ပေးတယ်

" ဒီနားကိုနမ်းပေး "

နဖူးပေါ်က ဆံပင်တွေကိုလက်နဲ့သပ်တင်ပေးပြီး အနမ်းခံဖို့စောင့်နေတဲ့ရိပေါ်က တကယ်ဂျစ်တူး
မျက်နှာကိုဆွဲယူပြီး အသာဖွဖွနမ်းပေးတော့ ခေါင်းကြီးကအတင်းတိုးလာပြန်ရော