بسم الله الرحمٰن الرحيم ✨.
طلعت ومشيت فطرت معاها ع اساس ، ونساير فيها ان التوست طعمته مش عادية ، وانا كان نلقى حتى للدود منعطيشي .
~~~~~~~~~~~~~~
حسيت بسرحان عمر ؛ حطيت ايدي ع رقبته .
انا : حبيبي خيرك ؟
عمر "مسكت ايدي " : شوفي نبي نهدرزلك موضوع وياريت تتفهميني ، وتتفهمي أهدافي وظروفي .
انا "حسيت بشي مريب ف كلامه " : ان شاء الله خير .
~~~~~~~~~~~~~
خلونا نوقفوا هنا لحظة ، ونعرفوا من عُمر !
أهلاً ......أنا عُمر عمري ٢٨ سنة ، اييي انا أكبر من فرح بِـ٣ سنوات بس ؛ متخرج من كلية الاقتصاد تخصص مصارف ، ونخدم ف خدمة تابع تخصصي !
~~~~~~~~~~~~
عمر : انتِ لازم تروحي لليبيا ، ياسرك ادوحيس هنا ، لأمتا بتقعدي ع حالتك هادي ؟
انا "لما قال ليبيا ، رجعت بيا الذاكرة لهلبا حاجات كنت طول فترة طويلة نتجنب فيهم ؛ وحسيت روحي انغميت ، عيطت بصوت عالي" : لللللااااااااا كككككللللللللههههههههه إإإإلللللااااااا اااالللللررررررججججججعععععةةةةةةةةة غغغغااااادددديييييي .
عمر "قرب وقعد شاد ايديا بقوة ، وتكلم بصوت هادي " : شوفي انا مش دايملك ، ومش حنقدر نتزوجك ، وعلاقتي بيك هكي في عاداتنا وتقاليدنا وديننا تعتبر حرام وأكبر حرام ؛ فلذلك ارجعي لعيلتك وابدي حياتك من الصفر ، حتى لو بتنضغطي من اهلك اول فترة بس بعد سنة ، اثنين تمشي امورك ، وانتِ ماشاء الله ف القراية ماشية كويس ومستواك العلمي قوي .
انا "غمضت عيوني بقوة وقعدت نتكلم بصوت كله غضب" : شوووف لو تبي تفتك مني ومتبينيش ف حياتك ، كنت تقدر تجي وتقولي هالشي ، اما اديرلي سبلة منقدرش نتزوجك وارجعي وربي يا عمر نكرهك كان هكي .
عمر "بصوت عالي شوية" : منبيش نفتك منك ، بس ضميري قاتلني وانا معاك ، شيطاني قوي معاك ، وهذا كله يرجع عليا نفسياً بالسلب يا فرح ، افهميني شوية .
انا "نفضت ايديه ، والدموع بدت تتسلل لعيوني " : يعني تحسابني عاجبتني حالتي وانا نرقد مع شخص يعتبر فيا حقيرة ؟ تحسابها ساهلة عليا هربتي من حوشنا ؟ ولا تحساب الرجعة ساهلة ! تي ليا ٨ سنين يا عمر طالعة من حوش اماليا وتوا بنرجع ونقوللهم استاحشتكم ، حتى اشكالهم منعرفهمش ؟ تحسابها ساهلة عليا غربتي واني بروحي ف هالدنيا ؟ تحسابها ساهلة عليا وضميري مطاوعني اني نرقد مع شخص ربي مش محللهولي ؟ فيق يا عمر انا وصلت لمرحلة معاش فيها رجوع ، وحنقعد هاربة طول عمري ؛ وبالنسبة ليك لو انا زاعجاتك هلبا نقدر نطلع من شقتك ونخليك ع راحتك "وهنا انهرت بكا".
عمر "قرب مني وحضني" : يا فرح انا منبيكش اضيعي اكثر ونبيك تصحلي اخطائك وترجعي لدينك ولربك .
انا "بعدت من عليه وقعدت نمسح ف دموعي" : وقت الرجوع والتوبة خلاص تم ، حتى لو بنتوب ربي عشن بيغفرلي ولا ع شن ؟
عمر "مسح ع وجهه" : استغفر الله العظيم .
انا "قمت حاجبي" : ربي عرفته غر توا يا عمر ، وقت اللي طاحت بيا الدنيا اذكرت اني مفروض نرجع لإماليا ولقيت حمل مسؤولتي كبير.؟
عمر "قعد حاط رأسه بين ايديه" : مش هكي يا فرح ، متفهمينيش غلط ، بس انا نبيك تكفري ذنوبك .
انا "وقفت" : جرب نصائحك لنفسك يا عمر .
