بسم الله الرحمٰن الرحيم ✨.
تلفتت ونلقى عُمر وراي وعروق رقبته باينات ؛ اول ما شافني رجع التالي ، وسمعته يقول "خيرك يا راجل مقلتش ان مرتك هنا ؟" ؛ جا غازي وشبحلي .
غازي : شديري هنا ؟
انا "برفعة حاجب" : ع ما اظن هذا حوشي ، ولا ممنوعلي ندير حمام شمس ؟
غازي "عيونه حمر وواضح انه مضايق هلبا " : فففررررحححح خخخخشششييييي اااللللدددداااااخخخخخللللللل وووو ااااااللللبببببسسسسيييييي زززززييييييي ااااللللننناااااسسسسس .
انا "وقفت " : وخيره لبسي ؟ مه نطلع هكي ؟
عُمر "طلع".
غازي "جاني زي الغول ، وشد ايدي بقوة" .
انا "نشوفله بكل برود ".
غازي "من بين سنونه" : فرح متحرقيليش دمي ، الجنان معاش تقعمزي فيه بالمنظر هوا !
انا "شفت لوين ما ضاغط ع ايدي" : نحي ايدك بالاول ، وهادي المرة الخمسين اللي نقولك ايدك متحطهاش عليا !!
غازي "حول ايده والشرر بيطلع من عيونه " : حشمتيني قدام الراجل !
انا " بلا مبالاة " : به !
غازي : باهي خشي الداخل هي .
انا "قعمزت ع الكرسي" : عندي توقيت لحمام الشمس ، وقاعد وقتي متمش .
غازي : الله يلعن الساعة اللي تزوجتك فيها !
انا : معناها العن محمود ، ههههههههههههـ .
غازي "شافلي بقهر وشفقة ومشى ".
وانا قعدت قعمزة نكمل ف الجرعة اللي بنأخدها من الشمس ؛ غايتي مكانتش تان ، كنت نبي نأخذ ڤيتامين D ع قد ما نقدر ؛ صدقتوني ؟ هههههههههههـ ؛ حلوين وانتوا نيتكم بيضة وتصدقوا ف الكلام من الاول .
بعد ما كملت خشيت للحوش من باب المطبخ ، والمطبخ كان يطل ع الصالون وين ما يعتبر معيشتنا ، قصدي معيشتي !
كانوا عمر وغازي مقعمزين غادي يتفرجوا ع مبارة ، ركبت فوق ؛ وانا ف عقلي قداش هالعمر قنين وطرف ، مافيشي ولا غلطة !!
خشيت لداري ، وقفت ع المراية وقعدت نتفرج ع لبستي ، كنت لابسة شورت جينز ابيض ، وتيشرت لفوق السرة موڤية ، مه باش نأخذ كمية شمس بأكبر قدر هههههههههههههههههههههـ .
خشيت دوشت ، ولبست سروال جينز ازرق داكن وعليه سورية قصيرة وطول ذراعها للنص ، لونها بيج ، سرحت شعري ودرته كودة ، كنت بنمشي للكوافير ، ودرت مكياج بسيط ، كحل وروج وبس .
نزلت لوطا لقيتهم الصحاب قاعدين منسجمين ف المبارة ، وقفت جنب باب الصالون .
انا "وعيوني ف عمر" : غازي تعالى شوية نبيك !
غازي : شوية ونجي ، يتم الشوط بس .
انا : غازي بنطلع مه .
غازي : وين ماشية ؟
انا : للكوافير وبعدها بنخطم ع آمنة بنتعشوا ف مطعم .
(آمنة ...... صاحبتي من الجامعة ، وهي كوبي بيست مني ).
غازي "وقف وجا قرب مني ".
انا "وخرت وبعدت وكنت جهة الدروج".
غازي : حشمتيني الله يحشمك قدام عمر.
انا : مش براني عمر ، من العيلة .
غازي : لبستك امبكري معاش تتعاود .
انا : لما تكون راجلي حق قولها هالجملة ، غير هكي اللي ف رأسي نديره !
غازي "مسح ع وجهه" : استغفر الله ؛ ناقصني انا عاهات ؛ شن تبي توا ؟
انا : نبي فلوس .
غازي : تموا اللي عندك ؟
انا : يعني كان عندي بنقولك نبي ؟
غازي : كيف يا فرح، يومين فاتوا عطيتك ٦٠٠٠ دينار ، وين مشوا ؟
انا "ببرود" : والله الاكياس اللي فيهم الفواتير لوحتهم جيهان ، كان هذا ره وريتك ! شريت بوت وسروال وبرفيوم امس ، وطلعت مع آمنة وسارة عازمتهم ع المطعم .
غازي : ميمشيش هالحال ره ، ديري كنترول !
انا : به به ؛ هيا اعطيني توا .
غازي : حالياً اللي ف حوش ٨٠٠٠ و خاش انا و عمر ف خدمة جديدة ، كل اللي ف المصرف حيأخذهم ، وهالمبلغ اللي هنا منقدرش نعطيك منه الا ١٠٠٠ .
انا "بصدمة" : ١٠٠٠ بس ؟
غازي : فرح شكلك ادلعتي هلبا .
انا : انا طول عمري مدلعة ؛ مجتش غر ع هالسنين اللي معاك !
غازي "طلع تيزدانه وطلع منها بطاقة" : هادي لحسابك ف المصرف ، درتهولك اسبوعين فاتوا وفيه مبلغ بالنسبة ليا نشوف فيه كبير ، اشبح كيف انتِ ! المهم حطيتلك فيه واطلعي من رأسي هالفترة ، اوكِ يا حلوة ؟
انا "بابتسامة رضا " : اوكِ .
غازي : هي سوقي بالشوية .
انا : كان سخر ربي .
