بسم الله الرحمٰن الرحيم ✨.
اتصلت بزينة اختي ؛ ف الاول رن مكالمتين كاملات ومافيش رد ؛ بعدين .
زينة "بصوت واطي" : الو .
انا "وخانقتني العبرة" : زززيييينننننةةةة ااخختتيي .
زينة : فرح هادي انتِ ؟
انا "وانهرت بكا" :
زينة "بهمس" : غر استني شوية "قعدت تمشي لحد ما سمعت صوت باب تسكر " فرح وينك ؟
انا "ببكا" : مع محمود !
زينة "بصدمة" : كككيييففف ؟
انا "مسحت دموعي وحاولت نستقوى " : شن صار بعدي ؟
زينة : يييييههههه يا فررح كان تعرفي شن صار ؛ روحنا العصر كلنا ملقيناكش ، قلنا ف حوش عمي ، تغدينا وكل حد منا خش لداره وفجأة نتفاجأ بالرسالة بعد ما قريتها بكيت يا فرح ، بكيت لأن مشيتي وسيبتيني ، قلبي تقطع ، وبعدها سمعت دوشة البرا ، كنت ف الاول نحسابك كاتبة رسالة ليا بس ؛ طلعت لوسط الحوش لقيت ماما منهارة وتبكي وبابا مصدوم والولاد متعصبين حالتهم حالة ؛ قعدوا يسألوا فيا هل نعرف اي شي ، وحكيتلهم انك تحبي محمود وبابا ارتفع ضغطه وحط اللوم كله عليه ، وصارت فينا حالة ، وخوتي من وقتها شاكين فيا واي شي نديره يخنسوا منه ، موبايلي كل دقيقتين يتفتش ، طلوع معاش نمشي ، تخيلي فهد يوصلني للجامعة ويقعد جهة القاعات لحد ما نطلع وطول ع الحوش ؛ اسبوعين يا فرح وانا ف جحيم ، ربي يسامحك يا اختي اللي فكرتي غر ف نفسك ، كيف اديري هكي يا فرح كككييييفففف ؟ "بعياط" كل اللي صارلنا والتشتت اللي خش بيناتنا بسببك يا بنت امي وبوي "وفجأة نسمع صوت عبدو " تكلم فيك هالحقيرة ، وينها ؟ وين هربت ، كان غر "وجبد الموبايل منها" تعرفي يا فرح كان نلقاك وقسماً بالله نذبحك ، هكي تحطي رأسنا ف الوطا ؟ يا حقير يا ****** ؛ تهربي مع واحد خامر ؛ ربي يهدك يا فرح وان شاء الله ما تتهني معاه و....
انا " معاش قدرت وسكرت ف وجهه ".
سكرت الموبايل وحذفته وقعمزت نبكي بحرقة ، ياربي ساعدني ، الحق محسيتش بالذنب ، بس قلبي وجعني ع اختي اللي انهدمت حياتها بسببي ، قعدت ع حالتي هادي لمشعارفة امتا .
~~~~~~~~~~~~
قعدت ندور ف الشوارع وانا معنديش هدف وين نمشي ، قلبي قابضني وحاسس بالذنب ، مش عارفة علاش حاس هكي ، بس حاسس روحي مخنوق ؛ رجعت للأوتيل وخشيت للصالون مسمعتش ولا صوت ، دخلت لغرفة النوم ولقيتها تبكي والدموع تنزل من عيونها بس من غير صوت ، قربت منها .
انا "حطيت ايدي ع ايدها اللي غامة بيها فمها" : فرح لهدرجة زعلتك ؟ عادي والله راضي تضربيني كف اهم شي منشوفش دموعك ؛ انا مكنتش نبي نشك فيك بس انتِ التصرفات اللي اديري فيهم يوحوا كإنك مدايرة شي ، بس سامحيني يا حبيبتي اني شكيت بشرفك ، سامحيني بججد وبإذن الله هالموضوع معاش نفتحه معاك "حسيتها قاعدة مستمرة ف البكا ؛ حولت ايدها وقعمزت جنبها " خلاص عاد حبيبي اسسسسسس .
فرح "طول حطت رأسها ع صدري وبدت تبكي بصوت عالي ".
انا "لفيت ايديا عليها وقعدت نربت ع ظهرها ؛ كنت نموت مع كل شهقة تطلع منها ، ونحس روحي نذل حقير ، نبكي بنت بهالعمر ع خاطر مصلحة ليا وتحقيق لرغباتي " : خلاص عاد حبيبي ، لهدرجة زعلتك ؟
فرح "شدت ف ايدي بقوة" : غغغغغددددددد ووووووةةةةةة نننن ببببببيييييي شششششففففففررررر ةةةةة جججججددددد ييييييددددةةةةة .
انا "باستغراب ، بس مبيتش اناقشها" : حاضر غدوة نطلعوا ونجيبلك وحدة جديدة برقم مميز .
فرح "هدت شوية بس قاعدة العبرة خانقتها" : ككككك للللمممم تتتتتتت ززززييييي نننننننةةةةةة ااااا خخخخخخ "ورجعت تبكي بقوة".
انا "بصدمة" : كلمتي اماليك ؟
فرح "تبكي بقوة ، هزت رأسها بأي ".
انا : يلعن ابو ، استغفر الله وخلاص ؛ باهي خلاص حبيبي مش مشكلة توا ، خلينا نرتاحوا وغدوة نهدرزوا "وجيت بنوخر".
فرح "شدت فيا بقوة" : خليك جنبي الليلة ، لحد ما نرقد .
انا "قعدت نمسح ع شعرها" : به حاضر كم عندي فرح انا .
