بسم الله الرحمٰن الرحيم ✨.
بعدها وصلني مسج ثاني "روح للحوش" ؛ فتت المسجات وحسيت رأسي مصدع بطريقة مش طبيعية ، ونضت دوشت وطلعت سكرت الشقة وركبت ف السيارة مشيت للخدمة ؛ طبعاً خديت انذار لأن ليا يومين ممشيتش وخدمتنا يشددوا هلبا ، ومشى يومي عادي جداً وانا مسكر موبايلي ومريح دماغي شوية ؛ مع ان مرات تجيني أفكار تخلي فيا نتمنى الموت .
~~~~~~~~~~~~
فقت ثاني يوم ع صوت .
زينة : فففررررحححححح نننووووضضضييييي !!!!!
انا "نحك فعيوني" : شن فيه ؟
زينة : قتلك ماما نوضي نمشوا لحوش عمي .
انا : مخاطريش بروا بروحكم.
زينة : وعلاش ؟
انا : تي صبح الزح !
زينة : مش صبح الساعة ١:٣٠ وقريب الغدا .
انا : اللي هو صبح بالنسبة ليا .
زينة : شكلك ساهرة امس ؟
انا : اييي يعتبر بس حاسة جسمي متكسر .
زينة : نوضي دوشي بمية سخونة توا يرتخوا .
انا : نعرفك مهندسة مش دكتورة .
زينة : نننننن ؛ هي طيري "وطلعت ".
شديت موبايلي ورنيت عليه ؛ قعد بالي مشغول عليه ، صوته أمس ميطمنش بككككل ! كان مدمر عالأخير !
بس معقولة بابا حيرفضه ثاني ؟ ومعقولة ميعطينيش ليه ؟
ياااارب متخلينيش نختبر شعور الاختيار بينهم وبينه .
نضت خشيت للحمام ودوشت ، طلعت بدلت حوايجي ، فطرت وقعمزت نتفرج ف فيلم ، كان جوي خارب بمعنى الكلمة حاولت نتصل بيه كذا مرة بس كان مقفل .
العشية مع السآعة ٦ تقريباً رن موبايلي ، قمته ورديت وانا مفجوعة .
انا "بخوف" : الووو وينك اليوم كله وانتَ مختفي !
محمود "بحب" : خفتي عليا ؟
انا : مبردك ، اكيد بنخاف عليك امالا ع من بنخاف ؟
محمود "بصوت هادي" : نحبكك .
انا : انا أكثر .
محمود : اي شنجوك يا بقرة ؟
انا "ضحكت" : فيه حد يدلع حبيبته ويقوللها يا بقرة ؟!
محمود "بضحكة" : مه منبيش الملل يخش بيناتنا ، ومرة مرة الأسلوب هذا يغير الروتين .
انا : ههههههههـ ؛ مية مية يا قرد .
محمود : شن صوت الدوشة ؟
انا : تلفزيون !
محمود : شن تتفرجي ؟
انا : home alone .
محمود : هههههههههههـ ؛ قصدك قاعدين يعرضوا فيه ؟ نحسابه انقرض من الشاشة .
انا : هاهاها مضحكش ره .
محمود : به اصلا وجهك وجه نكد متمشيش معاك البصارة .
انا : اييي ؛ قولي شن صار مع بوك ؟
محمود : منعرفش الموضوع مشكشك قاعد ، روحت امبكري شوية للحوش ، كلمت امي قتلي امس كله تقنع فيه عليك وهو مسكر رأسه !
انا : وامك شن رأيها ف الموضوع ؟
محمود : الصراحة حتى هي مش موافقة بس الطف من بوي .
انا "بحزن" : ...........
محمود : متخافيش ، مستحيل فيه شخص حيتزوجك غيري ره ؛ حتى لو يصير ما يصير .
انا : ان شاء الله خير وخلاص .
محمود : تي تعرفي لو كان نهربوا ولا نسيبك ونخلي غيري يأخذك .
انا : وانا راضية نهرب معاك ؛ سعادتي معاك يا محمود ، ومنبيش غيرك ف حياتي .
محمود : ربي يخليك ليا ؛ غر توا نحاولوا معاهم وبرضو بنمشي لبوك غدوة ف المصحة ونكلمه ، وف الليل بنزيد مع بوي ؛ وان شاء الله ميخلوناش نوصلوا لمرحلة نديروا شي يغضبهم .
انا "بوجع فقلبي" : ان شاء الله .
محمود : حبيبي انا بنسكر توا ؛ الولاد يتصلوا بيا ، نهدرزوا بعدين .
انا : تمام "وسكرت" .
