بسم الله الرحمٰن الرحيم ✨.
غازي : هيا يا فرح توكلي واطلعي مش ناقصني .
انا : جيت نبي منك اوراق بنسجل ماستر .
غازي : شن بديري بيه الماستر ؟!
انا : يا اما بنسجل ماستر ، يا اما تخليني نخدم هنا !
غازي : وين ؟
انا : هنا معاك مش عندك شركة استلام وتصدير ؟
غازي : تخصصك فيزياء ع اي اساس بنخدمك عندي ؟
انا : عادي يعني نخدم كيف ما هو ، وبعدين انتَ "غمزتله" تحصلي اكيد خدمة ، هنا !
غازي "وحسيته اتكنطى شوية" : لا حوليها الفكرة من دماغك ، خدمة هنا مافيش !
انا : باهي شن ندير ، عييت من الكساد ف الحوش !
غازي : سافري ، بري اوني فيه منتجع فاتحه صاحبي ف قطر ، قوي هلبا .
انا : اممممم مش عارفة .
غازي : توا نعيبلك بطاقتك ونحجزلك وغدوة العشية تسافري ، اطلعي من رأسي بس !
انا : باهي نقعد عشرة ايام غادي مابين ما تسجلني ف الماستر .
غازي : حاضر يا فرح ، اللي تبيه نديرهولك ، غر اخطي وجهي بس .
انا : وينها حبيبتك الجديدة ؟ تخدم هنا ؟
غازي"بعصبية" : فرررح شاد روحي بالسيف ، شن تبي ثاني ؟
انا "وقفت" : اصلاً منأخذش مرادي الا هكي .
غازي : تخصص شنو تبي الماستر ، اقسام الفيزياء ولا ؟
انا : نقدر ناخذ ماستر ف تخصص غيره ؟
غازي : والله نسأل ونقولك .
انا : تمام لو فيه غيره عادي ، لأني منبيش نقرا هلبا ، حدها سنة وناخذها .
غازي : تمام توا نشوفلك ، هي روحي لمي حوايجك وحاجاتك .
انا "رجعت قعمزت" : جاي ف خاطري نشرب قهوة .
غازي"مسح ع وجهه" : استغفر الله وخلاص ، اشربيها بروحك عندي اجتماع .
انا "ابتسمت" : عادي .
غازي : تمام توا نوصيلك ع قهوة ، وهي باي توا "خذا ملف واللابتوب وطلع".
قعدت مقعمزة بروحي ونفكر ف حياتي ؛ صح اني درت هلبا اخطاء ف حياتي ، بس كلهم تابعيني ، وولا عمري درت شي لشخص ، يعني آذيت شخص او جرحته ، كل تصرفاتي تجرح فيا وتندب ف داخلي ، وبالرغم من هكي قاعدة مستمرة ف مصايبي .
المهم شوية وفتح الباب بسرعة.
عمر "وكان لابس هاديكا البدلة وريحته غرقت الدنيا ف لحظة ، ولحيته كيف مساوية ، وربي غزاااال " : احححممم انتِ هنا فرح !
انا : لا والله قاعدة ف الحوش .
عمر "دخل للمكتب ورد الباب" : ههههههههـ ؛ شني غازي مش هنا ؟
انا : لا والله هنا ، خيرك متشوفش فيه ؟
عمر "بضحكة" : هههههههههههههههههههـ ؛ باهي آسف اسألتي غبية .
انا "يا ربي ضحكته تقتل فيا ، ياربي خليني متماسكة ومنذوبش" : اي والله هلبا .
عمر "قعمز ع حاشية المكتب" : اممممم باهي قوليلي شن اخر اخبارك ؟
انا : اممم والله قالوا اني حنسافر غدوة .
عمر : لوين ؟
انا : قطر .
عمر : شبديري غادي ؟
انا : شي هياجة .
عمر : معاك حد ؟
انا : لوحدي .
عمر : غازي مش معاك ؟
انا "كشرت" : لا .
عمر : اممممم حلو تغيري جو .
خشت مرا كبيرة ف السن بطاسة قهوة ، حطتها قدامي وطلعت من غير ولا حرف .
عمر "قعد يتبع فيها بعيونه لحد ما طلعت ؛ بعدين تلفتلي" .
انا "ياربي قلبي ياناس ، عيونه ، نظراته ، ابتسامته ، كل شي " : اي معاش عندك رحلات ؟
عمر : عند الاسبوع الجاي ان شاء الله .
انا : بإذن الله .
عمر"شافلي" : فرح .
انا "يا عيون فرح ، وقلب فرح ، وكل اعضاء فرح الحلوة " : نعم .
عمر : لو نقولك حاجة ، متكونيش حتفهميها غلط ؟
انا "باستغراب" : كيف ؟
عمر : لو بنقولك اني نبي نتعرف عليك اكثر يعني وهكي "وشد ايدي" ونسافر معاك غدوة !
انا "حاسة قلبي واصلين نبضاته لفوق الـ٤٠٠ مش الميتين توا " : اممم اااءءءءءء ممممم ششششش ععععاااا ررررفففففةةةة .
عمر : مش قصدي بشي غلط ره ، بنتعرف عليك اكثر بس "وخذا ايدي وباسها بالشوية".
انا "حسيت وجهي بدا لونه موڤ " : لا ءءءء عععااااددد يييييي "سكتت شوية وتنفست بقوة " قصدي عادي يعني ، شن فيها ينفهم من غلط !
عمر "وقف وقاعد شاد ايدي" : تمام معناها توا نحجز ؛ كم بتقعدي انتِ ؟
انا "وقفت وكنت قريبة منه هلبا" : عشرة ايام تقريباً .
عمر : كويس هلبا .
