بسم الله الرحمٰن الرحيم ✨.
عمر "ابتسامة كلها مشاعر " : اهلاً .
انا "حسيت منظري بايخ قدامه ، كنت لابسة شورت جينز للركبة وتيشرت احمر فيه رقبة وشعري كودة " : اهلين .
عمر : اممممممم ، غازي وصاني وقالي قبل ما تجي للشركة اخطم ع الحوش وخوذ جواز سفر فرح .
انا "مفهمتش هالراجل كيف يحس او شن يقوله عقله ؛ معقولة يبعت لصاحبه ليا ؟" : اهاا اي ؛ باهي تفضل اهو ثواني ونجيبه لك "ووسعتله".
عمر "خش شوية " : اوكِ اهو نستنى هنا .
انا "قاعد ف بالي كيف خش من الباب الاول ؟ بس مدققتش ".
ركبت فوق وقعدت ندور بين الحوايج ، وانا ناسية اصلاً وين حيكون ، اخر مرة كان معاي وقت مشيت للمغرب ، بعدها ؟ وين حطيته ياربي ! زعما مش مع غازي ؟ تي كيف يا فرح مع غازي وهو قاله تلقاه عندها ! باهي وين حطيته ! المشكلة جيلان وجيهان ميفتشوش ف الشناطي ، وين ، وين ؟ دورت ف شناطي كلهم ملقيتاشي ، باهي ف الدرج بحدا السرير ؟ مشيتله ودرته كله ! لالا ؛ باهي زعما حطيته ف الرفوف قدام الحمام ؟ ترا خلي نشوف ؛ فتحتهم كلهم ، وملقيتش شي ! تي باهي وين الزفت ! والراجل اللي يستنى فيا ؟
هههههههييييييييي اذكرت !
نزلت لوطا وشفتله ، كان واقف بسرواله الجينز الداكن والجاكيت البيج المفتوحة ، وتحتها سورية بيضا ، وريحته ، يما ع ريحته وشخصيته وجماله وحضوره والكاريزما متاعه ؛ وتقولولي كيف تحبيه ؟ تي انا حايرة ف قلبي انه كيف محباشي من اول نظرة !
فقت من سرحاني ع صوت .
عمر : اااححححمممم ، فرح !
انا "تحشمت كيف نشبحله ونزلت عيوني طول " : نعم !
عمر : لقيتيه ؟
انا "قاعدة ف عالمي الوردي " : شن هوا ؟
عمر : الباسبورت .
انا "قعدت نشوف لعيونه ، ولحيته وخشمه وفمه وشعره ": اي باسبورت ؟
عمر "بابتسامة " : جواز سفرك يا فرح .
انا "حسيت بكمية احراج مش طبيعية ، وقت عرفته انه كان مركز وقت نتأمل فيه " : اااا ؛ اي اهو هنا ف المكتبة .
عمر : تمام ، هي جيبيه .
مشيت للمكتبة وقعدت ندور فيه ، وممرتش دقيقة الا وكان ف ايدي ؛ مشيتله ووقفت قدامه ومديتهوله .
عمر "شده وشد ايدي معاه " : اممممم ، بنتلاقوا معناها هلبا ف هولندا ؟
انا "حسيت الحرارة ركبتلي ووجهي ولا احمر " : ااااا ممممم ااا ءءءء يييييي اااايييي قصدي ، حنتلاقوا مدامك ماشي معانا .
عمر "ضغط ع ايدي اكثر" : يا حظي في لقاءاتي معاك "وابتسم".
انا "يا قلبي شد روحك ومتضعفش توا ، غر يطلع واضعف كيف ما تبي ، بس ارجوك مش توا ، ارجوك ".
عمر "سحب ايده ووخر فجأة" : تمام ، معناها ، نتلاقوا الجمعة "وطلع ببساطة ، وسكر الباب وراه ".
اخخخخخخخخخخ ، متأكدة هالمرة سمع نبضات قلبي ؛ باهي كيف نقدر نسيطر عليهم وهو بهالجمال ؟
~~~~~~~~~~~~~~
اهدى يا عمر ، اهدى ومعاش تضعف قدامها ، هي ره ما هي الا مجرد وسيلة باش توصل منها لغازي واطيحه وبس ؛ متحاولش تحبها او ادخل هالفكرة لعقلك !
باهي مندخلهاش لعقلي ، وقلبي كيف نقنعه يبطل نبض بقوة بمجرد ما يشوفها ؟
