بسم الله الرحمٰن الرحيم ✨.
محمود "بحزن" : قالي منقدرش نعطيك اي جواب لحد ما تجي ونهدرز عليك ، وبعدها نسألوا وان شاء الله اللي يريده ربي يصير .
انا "بفرحة" : يعني مرات فيه امل ؟
محمود : وعلاش ميكونش فيه امل ؟
انا "حسيت روحي انزريت" : اممم لا شي !
محمود : فرح فيه شي داساته عليا ؟
انا "بتوتر" : لالا .
محمود "وهو معصب" : فرح بجد ندوي لو فيه شي داساته عليا ، قوليه من توا باش منقعدش زي الأطرش ف الزفة .
انا "بصوت عالي" : تي قلتلك لا الزح !
محمود "بصوت عالي" : وخيرك تكشخي انتِ !
انا"بنفس الصوت العالي" : متشكش فيا يا محمود !
محمود : مش شك هذا تأكيد .
انا : اللي هو !
محمود : به ؛ هي انا بنرقد ، تصبحي ع خير .
انا "بصوت واطي" :تلفة ان شاء الله .
محمود : نعم ؟
انا : وانتَ من اهله !
سكر محمود واضايقت هلبااااا ؛ ماضايقتش منه ، اضايقت من نفسي ! اضايقت من اليوم اللي بيجي وبيعرف كل شي .
~~~~~~~~~~~~
سكرت من الفرخة فرح وهي مريقتهملي ! بس الحق ع قد ما توصل بيننا مستحيل نقدر نشيل فقلبي منها ؛ حُبي ليها مافيش حد يقدر يتصوره .
أهلاً ....... انا محمود ، عمري ٢٤ سنة ، متخرج من كلية اللغات قسم اللغة الأسبانية !
قعدت نتفرج ف فيلم لحد ما رقدت ؛ ثاني يوم نضت ع صوت دوشة التلفزيون وصوت خوي طالع !
شوية وخشت لداري اختي تبكي .
انا "قاعد نحك ف عيوني" : صبح يا فتاح ، خيركم ؟
ندى "والدموع مبطلوش نزول" : خوك الغجري يبي يضربني !
انا "قعدت نفنص ، وطول وقفت" : شن هيااا ؟
مصطفى "خش للدار وعيونه بتطلع منهم الشرارة" : قوليله يا محترمة شن كنتي بديري ، قولي لخوك الغالي !
ندى "ببكا والعبرة خانقتها" : مدرتش شي غلط ، عندي مادة مش فاهمتها وفيه معانا ولد شاطر فيها هلبا ، نحكيلها لأمي قلتلها هو يخدم بالفلوس بنكلمه وبنقوله يعطيني حصة ، وبس هذا هو "وانهارت بكا" .
انا "تلفتت لمصطفى وشفتله بنظرة حادة " .
مصطفى "حسيته هدى شوية " : متشوفليش هكي ، معندناش بنات يقروا مع ولاد احنى !
انا "شديت ايد ندى وطلعتها " : بري اغسلي وجهك وارجعي لشن كنتي اديري .
طلعت ندى ، وخشيت سكرت الباب متع الدار بالمفتاح وقعمزت ع السرير .
انا : لأمتا يا مصطفى بتقعد معقد اختك ؟
مصطفى "بصوت عالي" : تي ادير حاجات عيب وتقولي معقدها ؟ اي بنعقدها ونضربها حتى الضرب !
انا "قعدت نشوفله وساكت " .
مصطفى "نزل رأسه" : متشبحليش هكي يا محمود !
انا : انا الي بنضربك يا مصطفى مدامك قاعد طايش !
مصطفى : مش طيش هذا ، هي اللي لازم تتربى ، مش كان خشت للجامعة معناها نطلقوها ع حل شعرها !
انا : تزبطني كيف منحبش ندوي هلبا ؛ اختك هادي تعرف مرة ثانية نسمع بيك حتى مكلمها او مهدرز معاها حتى الهدرزة بس تشوف شن يصيرلك ! مليكش علاقة بيها ، ادير اللي تبيه ؛ وقصة الولد هذا هي حاكتلي عليه وقلتلها كلميه وبري انتِ وصاحباتك وقتلي من الاول بنمشيله انا والبنات !
مصطفى "قعد يشوفلي بصدمة " .
انا "اشرتله ع الباب" : اطلع توا ومتورينيش وجهك ؛ واهو المرة هي الثانية انبهك ، الجاية يا مصطفى وقسماً بالله نمد ايدي عليك !
