بسم الله الرحمٰن الرحيم ✨.
انا "قعدت نشوف لعيونها" : عادي يعني بننزلوا نشربوا طاسة قهوة ، شنو متبيش ؟
فرح "ارتبكت" : لا عادي "وابتسمت " اللي يجي منك نحبه انا .
انا : تمام معناها هي ننزلوا .
نزلنا وخشينا للمطعم ، طلبنا قهوة وقعدنا نهدرزوا ف حاجات عامة وهكي ، لحد ما .
~~~~~~~~~~~~~
عمر : باهي قوليلي شن السر اللي خلا علاقتك بغازي هكي ؟
انا "حسيت ان لو بنحكي اللي صارلي حنتنكد ونزعل واحتمال نبكي ، وكنت منبيش نخرب يوم زي هذا " : عادي لو حكيته يوم ثاني ؟
عمر : اي عادي ، امتا ما تكوني جاهزة احكي بدون مقدمات .
انا "ابتسمت برضا " .
عمر "شد يايديا" : باهي توا ، حكيتلك انا قداش نحبك ولا ؟
انا "ضحكت" : لالا ، يومها كنت مضايقة مركزتش .
عمر "ضغط ع ايديا وضحك" : امممم نحبك زي حب نفسك ؛ عارف ان متحبيش حد اكثر من روحك .
انا "ضحكت" : ههههههههـ ؛ اي ف هادي جبتها .
عمر "قعدت يلعب بصوابعه ع ايديا" : طبعاً يعني مش طلعة باش نشربوا طاسة قهوة حنعتبروها تحدد ان هاليوم احلى الايام بالنسبة لينا .
انا "حسيت برعشة ف كامل جسمي وقت يلعب بايديا بس استطردت" : امالا كيف ؟ انا هكي سادني .
عمر : لا ؛ شوفي انا مش شارط موافقتك وهالشي راجع لرغبتك ، المهم حجزت غرفة ف الفندق فوق وحبيت يعني نبعدوا ع الحوش وجوه الكئيب مع غازي وهكي ، وهالشي نعاوده ونقول يرجعلك .
انا "قعدت مصدومة ف اللي يقوله ؛ تعرفوا انه طالب اكبر شي ف الدنيا بطريقة سلسة ؟ تقدروا تتخيلوا اني تزوجت مرتين ومطلبوش مني الزوز بالطريقة هادي ؟ هالشي راجع لرغبتك يا فرح ؛ يعني قدرك كبير يا فرح ومش غصب عليك ، انتِ واحساسك الداخلي يا فرح ، هل تقدري تكملي حبك ليا وتوصيله لأقصى المراحل وتخليني متعلق بيك ، او تبينا نقعدوا يا فرح ؟ زعما سحرني ولا هو كلامه يسحر ؟" : امممممم الحق ؛ يا عمر مش عارفة ، قصدي الموضوع كبير .
عمر : شوفي مش تقولي يرغم فيا او كذا ؛ بس لو تبي يعني بس نهدرزوا انا وياك بهدوء وجونا مليح ، لو متبيش عادي اهو نطلعوا لمكان ثاني وهكي .
انا "هيا يا فرح قرري بسرعة ، تقدري تعطي حبك الكامل وكل حواسك ليه وتكمليه ولالا ؟ والله ما توقعت هالشي يصير ، وتوا زيادة ! نجرب ؟ بس هالشي يا فرح مافيشي تجربة ! بس انا نحبه ! اي بس تخوني ف راجلك ! ههههههههههههههـ ؛ اس يا ضميري اس ، اما راجل اللي كل ليلة يرقد مع حبيبته وفجأة تعاركوا بدا مع وحدة ثاني ؟ الفجى فيك يا فرح ، الفجى ، انا خلاص بنسكت ومش حنتكلم من بعد اليوم " .
عمر "شد ايديا ، وبعدها وقف" : هي معناها نمشوا للسينما .
انا "ضغطت ع ايده " : خلينا نهدرزوا هنا خير ، السينما منحبهاش انا .
عمر : اياه !
انا "ضحكت " : توا بس معاش نحبها .
عمر "ابتسم ".
~~~~~~~~~~~~~~~
كانت مقعمزة ف حضني ، وكنت غارق ف كل تفاصيلها .
