30 Hari(Bahasa Iban)

Tusun 3

~~~~~~~~~~~~~~~~~~~~~~~
"A great marriage is not when the perfect couple comes together. It is when an imperfect couple learns to enjoy their differences."– Dave Meurer
~~~~~~~~~~~~~~~~~~~~~~~

Hari ke-2

Jane bejalai2 ba siti super market ngiga lauk ke ka dibeli ia. Saritu hari ke 2. Sebedau seduai iya nurun gawa tadi, Jack bisi madah ke iya ka pulai ke rumah makai tengah hari tu legi.
'Nama meh lauk ka dibeli aku neh?' ko Jane bejaku dalam ati. Jane enda nemu nama lauk ke dikerindu ke Jack. Pemuas Jane sesegap belah supermarket dia, iya semina meli ikan kerisi,sayur sawi cina enggau telo manuk.

'Ringkas aja.' ko Jane tuchum kediri. Jane nyau enda ingat agi kemaya kepenudi iya bisi mandok ba rumah. Ketegal seduai iya Jack kelalu mentingka pengawa, seduai iya nyau enda betanya ke pangan diri udah makai ke bedau. Enda baka keterubah jadi suba, seduai iya agi gauk enggau pangan diri.

Jane tekenang ke pengingat seduai iya Jack baru jadi 10 taun ke udah. Engka empai bisi rejeki bisi purih, nya kebuah kaul seduai iya makin jauh. Tang nya ukai nyadi kebuah penyayau enggau pengerindu ke pangan diri makin pudar. Anak nya rejeki ari Petara. 

Udah tembu bebayar ke utai, Jane alu mupuk pulai. Tetayun iya mincing kambut plastik lauk. Kesal asai ati iya ti deka mandok lauk ke Jack legi. Jane enda nemu kemaya kepenudi seduai makai begulai.

🍂🍂🍂🍂🍂🍂🍂🍂🍂🍂🍂🍂🍂

Jack enggau Jessy besemaya deka makai begulai maya ngetu tengah hari. Jessy gawa nyadi pengajar ba siti sekula ke enda jauh ari endur Jack gawa. Sebedau tok mega, Jack enggau Jessy suah betemu. Seduai iya sigi ninting hari makai begulai maya ngetu makai tengah hari.

Jack enggau Jessy makai ngalih hari ba siti kedai makai ke suah endur seduai iya makai.

Jack nyau enda ingat ke Jane bisi mandok lauk ba rumah. Sedangkan pagi tadi Jack empu mekat Jane ngasuh mandok lauk tengah hari.

"Jack, nyadi nuan deka nyarak Jane baka ke dipadah nuan sebedau tok ka?" ko tanya Jessy sambil ngunyah belubah2 asi iya. Laban sebedau tok Jack bisi madah ngagai Jessy pasal Jack ti deka mai Jane sarak.
Jack empai nyaut. Iya agi ngunyah asi ke baru udah suap iya tadi. Kunyah iya belubah sebedau nelan. Sirut Jack ga ai kopi peng iya kena masah ke batang rekung. Mata Jack merening mua Jessy ke agi nganti saut ari Jack.

"Meri aku masa sebulan, sulu." ko saut Jack pandak. Jack enggau Jane besemaya deka nyelamtka rumah tangga seduai iya dalam tempoh 30 hari. Ulih ke enda iya mulai ke penyayau iya ngagai Jane baka suba?
Kati enti seduai iya Jane ulih mulai ke penyayau serta pengerindu ke dalam rumah tangga seduai iya, bakani enggau Jessy?

Laban Jack bisi besemaya deka jadi enggau Jessy enti seduai iya Jane nyadi sarak. Jack binggung laban iya telanjur meri pengarap ke tinggi ngagai Jane enggau Jessy. Telipun Jack belagu nandaka bisi urang Call.
Peda Jack nama Jane tetulis ba skrin telipun iya. Tekan iya saut.

"Hello Jane." ko Saut Jack. Jari telunjuk iya engkah iya ba mulut, ngasuh Jessy anang bejaku dulu.

"Jack, nyadi nuan pulai makai ka? Aku udah tembu mandok ditu. Lama udah aku nganti nuan pulai. " ko Jane bejaku ba ujung din.
Jack alu nempap kening iya. Baru teringat ke iya bisi mesan Jane ngasuh Jane mandok. Jack enda nyangka ga Jane ngamat ke utai pesan iya tadi.

"Sorry Jane, udah makai ga aku ditu. Aku enda ingat bisi ngasuh nuan mandok. " ko Jack nyaut serba salah. Sekali udah dipadam ke Jane telipun ari din. Jack ngeleka ke telipun bincing iya ba atas mija alu jari iya micit2 kening.

"Nama hal, sulu?" ko Jessy nanya Jack. Jari Jessy alu megai jari Jack. Tanya Jessy nya di saut Jack enggau giling pala Jack aja. Jessy nemu sapa ke baru udah call Jack tadi. Jessy mega nemu rumah tangga Jack enggau Jane bisi penusah laban Jack suah sebana ba Jessy. Jessy enda nyangka Jack sanggup pulai ngagai iya baka suba. Jessy nemu salah iya empu mai Jack putus tunang suba ketegal iya ti deka nyambung belajar.

Engka laban rumah tangga Jack enggau Jane benung dituntung penusah, nya kebuah Jack enda nangi ati nyambung pengerindu iya enggau Jessy ke putus ba tengah jalai suba.

"Sulu, udah chukup jam tok alai ka masuk gawa." ko Jack bejaku. Asi ba pinggai iya enda abis dempa. Agi bisi mimit tedai asi ke tinggal ba pinggai.Engka Jack ngasai bersalah ngagai Jane. Jack alu nuju kaunter endur bebayar.

Udah tembu bebayar semua, Jack nganjung Jessy pulai ngagai sekula endur Jessy ngajar. Lalu Jack mupuk ngagai alai endur iya gawa.

🍂🍂🍂🍂🍂🍂🍂🍂🍂🍂🍂🍂🍂

Jane alu pulai ke rumah sepengudah iya nutup butik iya. Jam udah nunjuk pukul 7 lemai. Sigi jam alai iya nutup butik iya ga nya. Datai Jane ba rumah,  iya bisi meda kereta Jack.
'Jack udah pulai.' ko Jane dalam ati. Jane pan alu tama ke rumah. Peda iya Jack benung kisuk2 ba dapur. Benung bepandok ke lauk .

'Ka mujuk aku meh nya. Laban nemu nama penyalah iya tadi.' ko Jane mucau dalam ati.

"Udah pulai nuan Jane?" ko Jack nanya. Iya udah tembu betuci ke perengka ke dikena iya mandok tadi.
Lauk pan udah di nah ke iya ba atas mija.

Jane enda nyaut. Iya alu tama ke pangking.  'Lak ke iya nemu aku ringat.' ko Jane. Jane ngambi tula mandi alu pansut deka nuju ke bilik mandi.
Enda memukai, Jack narit jari Jane. Jane melintuk  ke mata iya ngagai Jack.
"Jane, sorry au. " ko Jack bejaku.
"Jack, nuan empu madah deka nyelamatka rumah tangga tua. Aku udah ngaga nama utai ke patut digaga aku. Nuan mesan ngasuh aku mandok lauk. Tang nuan enda pulai makai. Nuan makai enggau indu lain. Nuan fikir aku enda nemu?" ko Jane bejaku alu narit jari iya ke dipegai Jack.

Jack enda memunyi. Salah iya empu laban ngasa ke ati Jane. Sedangkan Jack empu ke mai Jane meri peluang ngagai seduai iya nyelamatka rumahtangga seduai iya. Tang nama kebuah Jack agi ngelayan indu bukai?

Enda berasai ai mata Jane naya.
"Jack, enti aku aja ke berusaha nyelamatka rumah tangga tua tang nuan enda, nama guna 30 hari nya Jack?" ko Jane baru.

Tarit Jack jari Jane, alu berap iya tubuh Jane. Iya ngasai salah iya.

Hari ke-2 pan udah ngelebus. Bakani Jack enggau Jane deka ngabis ke 30 hari seduai iya deka nyelamatka rumah tangga seduai iya?
~~~~~~~~~~~~~~~~~~~~~~~
"I love you not only for what you are, but for what I am when I am with you. I love you not only for what you have made of yourself, but for what you are making of me."– Roy Croft
~~~~~~~~~~~~~~~~~~~~~~~

Betampung...💞