30 Hari(Bahasa Iban)

Tusun 19

~~~~~~~~~~~~~~~~~~~~~~~
"Dont cheat in  relationship. If you are not happy, then just leave."
~~~~~~~~~~~~~~~~~~~~~~~

Hari-18

Pagi nya, Jack tumu ngusung ngagai butik Jane. Jam maya nya udah manggai pukul 9 pagi. Jack tetap enda puas ati seagi iya alu empai betemu enggau Jane. Telipun Jane pan enda ulih di call. Mesej whatsapps semua enda ulih. Dini enda ati Jack enda balat tusah. Tok nyau masuk hari ke 3 Jane udah lari.

Jack berasai mamau. Mamau ditinggal ke Jane. Semua pengawa enda nyadi magang digaga iya. Maya nyau kembai bai iya seruran nyabak ke Jane. Runding iya bwrasai tusut. Semuti enda ka gila sepi Jack. Udah ga iya ngenang ke Jane benung bisi tubuh. Irau ati Jack. Irau ke Jane benung mai purih iya. Purih ke di anti iya sepengelama 10 taun.

Jack tama ke butik Jane. Mata iya alu tepeda ke Joel. Joel benung duduk ba bangku berandau enggau Jill. Jwen benung nyapu. Sida 3 bela merening ngagai Jack serentak. Tang mata Jack alu merening ngagai Joel. Merening tajam ngagai Joel. Baka ke Joel tok udah ngaga penyalah paling besai ba iya.

Jack alu nuju Joel. Joel pan angkat bediri. Ati Joel berasai enda nyamai. Jack mansang semak Joel alu enda mukai2 digugut iya baju Joel.

"Dini bini aku?" ko Jack merak Joel. Jari iya ngugut kolar baju Joel. Joel pan tekual2 deka ngelepas ke jari Jack. Nyau tebatuk diri tudah Joel deh. Sekali ngeju aja Joel ba tubuh Jack, Jack alu tebimbing ke belakang. Tubuh Joel ga tegap agi ari tubuh Jack. Joel laban ke polis.

"Nuan ke empu bini, aku ga ditanya nuan Jack! Nama nuan nanya aku?" ko Joel bejaku manah. Iya nemu Jack tusah ati.

Sekali enda mukai2 Jack alu mukut mua Joel. Tekerup bunyi rang Joel dibukut Jack. Jill enggau Jwen tekenyit. Seduai iya enggai nyadi deka ngelara. Joel negu mulut iya. berasai pepedik sepi iya. Darah pansut ari mulut Joel. Ati Joel angat. Tok nyau kedua kali Jack berani negu iya. Joel pan mansang semak Jack.

'Buuuppp' Sekali ngayub ke jari aja Joel mukut Jack. Jack laban ke betubuh kurus, iya alu teduduk. Nadai endar ga tulang Jack. Sebingau pala sepi Jack. Rang iya asai deka tecabut. Joel enda puas ati, alu ngayun ke jari iya mukut Jack.

"Udah nya!" ko Jill narit baju Joel. Joel pan alu badu mukut Jack. Joel narit baju Jack, di asuh iya bediri.

"Aku minta ampun unggal. Nuan rnda tau kelalu nitih ke ati nuan nya. Nuan enda tau nuduh aku begila enggau Jane. Kami duai iya semina kaban rapat aja. Taja aku agi bujang, tang aku nemu batas diri empu." ko Joel bejaku. Jack alu duduk ba bangku dia. Iya ngeraup mua iya. Berasai malu meh iya ninga jaku Joel nya.

"Aku ngaku, Jane suah sebana ba aku unggal tang aku suah meri iya jaku peransang. Nuan ke enda nemu penyayau Jane enggau nuan. Nuan ngambi pemutus gila enggau indu bukai ketegal Jane enda entu kiruh ke nuan. Ari nuan ngambi pemutus gila enggau indu bukai, manah nuan ngiga cara keni ngasuh rumah tangga seduai mujur. Ukai nuan ngiga indu bukai." ko Joel. Geram amai asai ati iya dia.

Sekali ninga Jack nyau sesingut nyabak. Joel alu sinu meda pendiau Jack bakanya. Pegai iya bahu Jack. ..

"Umbas nya unggal. Agi bisi peluang endur nuan ngemutar ke semua tok. Tambah Jane bisi tubuh. Nuan mesti berubah. Buai meh ke keruh, ambi ke ciru. Enti nuan deka nemu dini endur Jane, nuan giga meh iya ba rumah apai indai iya." ko Joel. Enggai iya ngelalai dini endur Jane. Biar meh Jane nganu iya laban madah ngagai Jack. Ninga utai ko Joel nya, Jack alu ngangkat pala. Kendas iya ai mata iya. Nama meh iya enda terunding ke entua iya nya.

Jack angkat bediri.

"Amai nuan unggal? Terima kasih. Terima kasih. " ko Jack alu merap tubub Joel. Jack pan aly berumban pansut ari dia.