30 Hari(Bahasa Iban)

Tusun 24

~~~~~~~~~~~~~~~~~~~~~~~
"There is no charm equal to tenderness of heart."-Jane Austen
~~~~~~~~~~~~~~~~~~~~~~~

Hari-23

"Nya ko aku madah. Nuan enggai ninga. Aku tok jai ko kita!" pagi2 indai Jack mesai ke nyawa iya. Nyau nempap mija iya bejaku. Jack enda memunyi.

"Aku ari suba ngasuh nuan muai Jane nya. Tang nuan enda ibuh. Nya kada enda anak iya enggau urang bukai." ko iya ga baru. Gaga amai ati indai Jack demalam lebuh Jessy telipun madahka rancangan Jessy mujur.

"Umbas nya indai jang. Kitai ga enda nemu cerita sebenar." ko apai Jack nganu bini iya.

"Nuan anang maioh jaku. Ka amai nanah ke indu nya. Ketegal iya Jack nyau nyayat jari diri. Nya kebuah iya ka diau ba hotel. Laban ka gila laki. Kanji!"  ko tambah indak Jack baru. Iya sengaja ngasut2 Jack.

Jack pan alu angkat. Enda sanggup iya ninga jaku indai iya nya. Runding Jack asai ke enda pecaya utai dipeda iya demalam.  Meda Jane nyau telanjai ba bilik hotel enggau Joel. Jack agi cuti laban ke baru pansut ari wad. Jack alu tama ke bilik pangking.

Indai iya agi kekutap bejaku nganu Jane. Jack ngali ke diri ba tilam. Pala iya pedis ngenang ke masalah ke nuntunh enda bebadu. Jari iya agi bebalut. Benung mata iya ka lelap, telipun bincing iya belagu. Kangau telipun ari Jessy.

📲"Namahal nuan telipun?" ko Jack.

📲"Jack, tua betemu." pia ko Jessy.

📲"Minta ampun Jessy, aku enggai betemu enggau nuan!" ko Jack alu madam ke telipun.

Jack udah besemaya enggai betemu enggau Jessy agi. Iya udah malas deka ngelayan Jessy. Untak iya pedis ngerunding ke masalah seduai iya Jane.

🌸🌸🌸🌸🌸🌸🌸🌸🌸🌸🌸🌸🌸

"Joel, sebedau seduai Jack bisi dia sigi Jessy enggau aku dia." ko Jane nyau sesabak bejaku. Malu amai iya dipeda Joel telanjai enda ngeleda demalam.

"Badu nuan nyabak Jane. Laban aku tama ke bilik nuan demalam, aku sigi bisi meda ayas urang pansut ari dia. Gaya sigi baka Jessy." ko Joel. Tama aja iya ke dalam bilik Jane, iya tekenyit meda Jane gali enda ngeleda. Jana dipeda iya nyau telanjai. Salah amai ga utai peda mata iya demalam. Berumban iya ngambi pua ngebab tubuh Jane.

"Aku amai nadai nganjung whatsapps bakanya demalam. Jessy kia madah ke diri ka minta ampun. Iya alu minta ai amat. Beri aku ga." ko Jane nusi utai ke nyadi demalam.

"Asai aku, indu dua iko ba kaunter nya bisi bula. Aram tua ke hotel nya. Jaga enti seduai iya bula." ko Joel.

Seduai iya pan alu berumban ke hotel endur Jane nya. Datai seduai iya ba lobi hotel, seduai iya alu nasat indu dua iko ke ba kaunter nya.

"Manah seduai anang bula." ko Joel bejaku. Jari iya mantai ke kad polis iya. Dua iko indu nya pan alu tekenyit. Nyau pucat kelat mua seduai iya takut.

"Enti seduai enggai tinduk ba dalam jil, manah seduai ngaku." ko Joel merak dua iko nya.

"Aku minta rekod cctv demalam. Enti seduai enggai, aku ka ngeripot seduai ngagai bos kita." ko Joel baru. Indu dua iko nya alu nyabak. Dia seduai iya nusi pasal Jessy ke meri duit rm100 siko demalam. Udah nya Joel minta rekod cctv demalam. Laban iya ke polis, nda beleman nya ba iya.

"Jane, nuan telipun enggau Jack. Asuh iya kitu! Jessy ga." ko Joel.

Jane pan alu telipun ngagai Jack madah ke iya bisi bukti Jessy empu rancangan. Jane bisi ga telipun ngagai Jessy. Madah ka betemu enggau Jessy ba hotel demalam. Jane ngemula ke Jessy, iya deka nulung Jessy ngulih ke Jack. Jessy nama agi, gaga meh iya.

Joel enggau Jane duduk ba sofa di lobi hotel nya seraya nganti penatai Jack enggau Jessy.  Bisi nya ka sejam nganti, peda Jack datai. Jack baka biasa, majak ta redu2 gamal. Joel angkat napat ke Jack.

"Terima kasih unggal laban nuan datai. Aku bisi bukti deka dibantai ke nuan." ko Joel Jack enda nyaut.

"Ni deh?" ko Jack.

"Anang guai. Kitai nganti Jessy datai dulu." ko Joel nyaut. Peda Jessy tama. Jessy tekenyit meda bisi sida Jack, Joel enggau Jane dia. Ka pansut baru iya, tang lancat agi Joel alu narit lengan Jessy. Nyau ensinat tudah Jessy.

"Nama nuan ka lari? Nuan bisi salah ka?" ko Joel. Genggam iya udu lengan Jessy. Empa pemedis ati iya.

"Pedis lengan aku , tuyu! Leka ke lengan aku. Baka pundan mai indu belaya!" ko Jessy.

"Jaga manah mulut nuan nya. Enti nuan enggai makai ngena straw laban aku!" ko Joel. Sida pan alu semak ke kaunter.

"Seduai padah jampat!" ko Joel bejaku enggau indu dua iko tadi.

Seduai iya pan nusi ke diri bisi di suap Jessy duit rm100 siko. Jessy alu melut ke mata iya. Udah nya sida meda rekod cctc demalam. Dia sida meda Jessy bisi ngusung ngagai bilik hotel Jane demalam.

"Manah nuan madah, nama utai ditepu ka nuan ba dalam ai Jane demalam!" ko Joel merak Jessy. Jessy alu temati kutu.

"Aku semina nepu ubat tinduk mimit ke dalam ai Jane. Laban aku agi kasih ke Jane, tepu ke aku mimit. Agi idup ga Jane deh!" ko Jessy tekatat2 bejaku.

Jack alu ngerentap lengan Jessy. Irit iya pansut ari hotel. Joel enggau Jane pan nitih.

Datai sid aba luar, Jack alu nampar kuyu Jessy. Nya semetap meh bunyi kuyu Jessy. Jessy nama agi, nyau sebingau asai pala.

"Sampai bakanya sekali ulah nuan Jessy! Nama kebuah nuan ngaga bakanya?" ko Jack merak Jessy.

"Laban nuan Jack. Nuan bula ke semaya! Laban aku ka nuan benci meda Jane. Aku ka nuan benci meda Jane alu nuan pulai ngagai aku!" ko Jessy bejaku nyau sabak2.

Ta enda berasai jari Jack alu nyekak rekung Jessy. Jessy nyau tebatuk2 nyepi dicekak Jack. Joel enggau Jane berumban narit Jack.

"Umbas nya unggal.  Parai diri sitan tok legi." ko Joel narit jari Jack.

"Nuan Jessy, ke agi nuan badu ngaga bakanya. Pulai jampat nuan sitan!" ko Joel merak Jessy. Jessy alu ngebu kediri.

Pengudah Jessy pulai, Jack alu semak Jane. Ditarit iya jari Jane alu berap iya meh tubuh Jane. Jack nyabak minta ampun. Sium2 iya kening enggau kuyu Jane. Jane pan sama nyabak.

"Aku minta ampun Jane laban enda pecaya ke nuan!" ko Jack.

Jane ngangguk ke pala aja. Enda dapat ka bejaku bai iya nyabak. Joel enda berasai nyau neritik ai maya iya meda Jack enggau Jane. Tambah iya sigi ta siru.

"Aram. Pulai ke rumah tua. Ambi barang nuan." ko Jack. Joel minta diri ka mupuk. Enggai iya nyadi ubat nyamuk dia.

Jack enggau Jane niki ke hotel deka ngambi barang Jane.

🌸🌸🌸🌸🌸🌸🌸🌸🌸🌸🌸🌸🌸

Jessy nyangkai ke reta iya tisi jalai. Iya nyerauh peneka ati. Tegu iya ga kuyu iya ke ditampar Jack tadi. Berangat sepi iya.

"Laki sial! Bedau nuanJack. Bisi nuan nesal nyabak ai mata darah ila!" ko Jessy mutap2 kediri nganu.

Pedis endar ati iya dikemalu ka Joel.

"Joel nya sibuk amai antu pundan gila nya!" ko Jessy ngila kediri ngeransi. Singin asai iya ka munuh sida 3 nya.
~~~~~~~~~~~~~~~~~~~~~~~
"Whatever our souls are made of, his and mind are the same."-Emily Bronte
~~~~~~~~~~~~~~~~~~~~~~~

Betampung..🌸