30 Hari(Bahasa Iban)

Tusun 26

~~~~~~~~~~~~~~~~~~~~~~~
"Darkness cannot drive out darkness: only light can do that. Hate cannot drive out hate: only love can do that."-Martin Luther King Jr
~~~~~~~~~~~~~~~~~~~~~~~

Hari-25

Jane berumban deka ke sepital pengudah iya muka kedai. Laban deka ngabas entua iya ke tama sepital demalam ketegal strok. Jane bejalai berumban-umban sambil mincing kambut plastik berisi buah enggau bubur tapau. Jam ba jari Jane nunjukka pukul 12. Udah jam urang luar ngabas. Jack udah dulu nganti iya ba sepital dia.

Taja ngelama tok entua iya nya enggai meda iya tang Jane enda ngenang semua nya. Kitai mensia enda tau ngukum sesama kitai laban kitai ukai Petara. Datai Jane ba luar wad urang indu, Jack enggau entua iya ke laki sigi udah nganti iya ba dia.

"Aram tama kitai." ko Jack alu nyambut kambut plastik ba jari Jane. Sids sebuat pan tama ke dalam. Datai sida katil indai Jack, indai Jack benung mejam ke mata.

"Oh indai Jang. Kami datai tok." pia ko apap Jang nempik2 lengan bini iya. Peda indai Jack belubah muka mata iya. Mulut iya nyau simbing bai strok. Peda mulut iya nya kekimut deka nyebut utai tang enda datai utai ke sebut. Jari iya nyau bingkuk tengkering bai strok.

"Nama utai ka dipadah ke nuan indai?" ko Jack nanya indai iya nya.

"Aa.. tu..a..par..ak ma..ai." ko utai didinga sebut indai Jack ga. Enda nyenggala utai ke sebut. Mata aja ke tekijap2.

"Engka indai nya lapar." ko Jane terus ngambi tapau bubur tadi. Iya. alu duduk ba kerusi ngimbai katil entua iya. Katil entua iya pan di ijas dasuh duduk. Ngica nyamai Jane nyapi indai Jack makai. Kauk Jane bubur, sepu2 ke iya meh bubur nya tadi sebedau disuap ke iya ngagai indai Jack. Indai Jack alu nagup sudu ari Jane. Pedis amai gaya indai Jack deka ngunyah bubur nya. Nyau sesimbing mulut iya.

Peda nyau neritik ai mata indai Jack. Mata iya pepesap aja merening mua Jane. Jari iya ke bingkuk nya di angkat ke iya negu jari Jane.

"A..pun..enn!" ko indai Jack ga nyau nyabak. Minta ampun ko iya nya. Nya meh anang rangkai jaku suba. Penulah enda ngira tuai biak. Tuai pan kitai enti enda mereti, tulah meh.

🌸🌸🌸🌸🌸🌸🌸🌸🌸🌸🌸🌸🌸

Jessy enda ulih fokus ngajar sari nya. Di asuh iya bala murid iya siti latihan. Jessy pan alu duduk. Mata iya tajam merati bala murid iya ke benung nulis latihan ke diberi iya. Runding Jessy enda berasai tekenang ke pengawa iya demalam. Iya nyau mimit agi deka lemas. Ukai meh iya ka munuh diri tang kaki iya enda berasai nyingkang ke tengah laut. Nasib bisi Joel nyelamatka iya. Jessy murus dada. Enti nadai Joel demalam, kada enda niang iya saritu. Kasih anak iya nyau nyadi patu badu. Jessy ngiling ke pala ngenang pemelik iya demalam.

Ketegal kecewa laban Jack nya. Jessy ngasai kediri belik penapat. Biar ka bakani iya deka ngerebut ati Jack, enti Jane ke ngempu tetap meh iya enda ulih ngambi Jack. Jane ga bini Jack ti sah. Jessy ngesuh ke seput iya laban ngasai ke diri belik ngelama tu.

'Aku mesti neruska idup aku. Amai ko Joel, maioh agi laki bujang ba luar. Asal ukai utai urang.' ko Jessy bejaku dalam ati. Jessy ngambi telipun bincing iya dalam beg. Giga iya numur Joel.

📲"Hello Joel, Jessy tok." Ko Jessy bejaku.

📲"Eh kati nuan tau bulih numur aku tok?" ko Joel nanya.

📲"Penting ka nuan ka nemu dini aku bulih. Jessy tok, nadai utai enda temu.

📲"Nuan secret admire aku neh. Nama hal kol? Ka belaya?" ko Joel din

📲"Pundan udu mai indu belaya. Aku ka melanja nuan makai tengah hari tok tanda terima kasih laban udah nyelamatka aku demalam." ko Jessy bejaku serius. Pengudah Joel setuju, Jessy nutup telipun.

🌸🌸🌸🌸🌸🌸🌸🌸🌸🌸🌸🌸🌸

"Joel, terima kasih." ko Jessy. Jari iya nyukil2 asi ba pinggai ngena sudu jangkam.

"Enda ngawa. Ke agi ila, berunding dulu enti ngaga pengawa. Nuan badu meh ngenangka Jack. Biar iya neruska idup enggau Jane. Kasihka anak seduai iya ila." ko Joel bejaku. Serius gaya iya bejaku. Dalam ati iya, iya kasih meda Jessy bakanya. Ketegal pengerindu, ati mensia nemu bebali benci.

"Baru aku nemu diri empu chukup belik. Ngaga pengawa enda berunding. Ngaga utai nadai meri penguntung. Terima kasih enggau jaku nuan nya Joel." ko Jessy nyau pabu ai mata. Enda berasai neritik ai mata nerusur ba kuyu iya.

Joel meri tisu ngagai Jessy. Sambut Jessy alu kendas iya meh ai mata.

"Bedau laun nuan nesal Jessy. Badu nuan deka ngagai Jack. Teruska idup nuan. Kasih ka anak nuan nya." ko Joel nyau sinu.

"Minta ampun laban aku bisi jaku jai enggau nuan. Aku ngaga petenah nuan enggau Jane." ko Jessy nyau sesedan nyabak.

Joel mindah duduk ngimbai Jessy. Purus2 iya belakang Jessy. Jessy indu sitan ko iya.

Jessy enda nyangka agi bisi urang ka ninga ke sebana iya. Laban mata ati iya nyau buta ketegal pengerindu iya ngagai Jack.  Joel laki pundan ko iya.

~~~~~~~~~~~~~~~~~~~~~~~
"Being deeply loved by someone gives you strength, while loving someone deeply gives you courage."-Lao Tzu
~~~~~~~~~~~~~~~~~~~~~~~

Betampung...🌸