احببت عنادك... بقلمي/هاجر هشام

تكمله بارت 114 والاخير

خرج ادهم وحمزه وجاسر من المخزن
حمزه: امال فين عربيتك ي ادهم
ادهم : ما هي دي الي هربت بيها مياده
حمزه : طب تعالي اركب معانا
ادهم : لا شكرا انا هركب تاكسي
حمزه باستغراب : تاكسي اي ي بني هنا دا احنا في صحرا تعالي اركب معانا ما تقوله حاجه ي جاسر
جاسر بضيق : اركب معانا هنوصلك في طريقنا
ادهم بص ل حمزه ورجع بص ل جاسر : ماشي
ركب ادهم مع جاسر و حمزه ورجعوا وجاسر بسبب ضيقه وغضبه نسي الحادثه الي ع الطريق ومشي من نفس الطريق وشافوا الحادثه نفخ جاسر بغضب ورجع لكن وهو بيلف وقفه ادهم
ادهم : استني ي جاسر
جاسر بصله باستغراب : في اي
ادهم وهو بيص ع الحادثه : استني دي عربيتي
نزل ادهم وراح ناحيه الظباط والاسعاف وجاسر و حمزه نزلوا وراه
العسكري وقف ادهم : ممنوع
ادهم طلع بطاقته : المقدم ادهم السيد
العسكري باحترام وسمحله انو يعدي : انا اسف ي فندم اتفضل
عدي ادهم ووراه جاسر و حمزه وهما مستغربين
ادهم لظابط : هو اي الي حصل
الظابط باستغراب : وانت مين عشان تسال
ادهم : المقدم ادهم
الظابط : هو حضرتك صاحب العربيه
ادهم : ايوا انا اي الي حصل بقاا
الظابط : دي حادثه عربيه واحده كانت تقريبا سكرانه لان سواقتها مكنتش مظبوطه وكمان ماشيه عكس الطريق وكان فيه عربيه نقل جايه من الناحيه التانيه فا خبطوا في بعض لكن العربيه النقل متأذتش لانو اتفادي الخبطه لكن العربيه دي اتقلبت بس غريبه انها عربيتك والي سيقاها واحده

ادهم وهو بيص ع العربيه : لا مش غريبه دي كانت مجرمه وانا بدور عليها ولما لقتها قبضت عليها بنفسي بس هي هربت مني وسرقت العربيه وجريت بيها

الظابط: ع العموم هي ماتت بس لسه مش قادرين نخرجها وهما بيحاولوا يخرجوها لكن واضح انها متعذبه لان ايديها متجبسه و رجليها

ادهم بص ل جاسر ورجع بص ل الظابط: ايوا لان هي حصل معاها حادثه قبل دي وتقدر تعرف دا من تقرير المستشفي هتلاقي انها كانت بين الحياه والموت لانها اتعرضت لحاله اغتصاب وتعذيب

الظابط باحترام : مش محتاج اتاكد حضرتك خلاص

ادهم : طيب خلص الاجراءات وادفنوها لان مفيش حد هيستلم جثتها لان ملهاش اهل

الظابط : تمام ي فندم بس هي عربيه حضرتك لاسف اتدمرت

ادهم بلامبالاه: مفيش مشكله

الظابط : تمام ي فندم
ادهم كان بيتكلم مع الظابط

وجاسر و حمزه بعيد عنهم شويه
حمزه : ع فكره المفروض تعتذرله ع الي عملتوا معاه ،اديك شوفت مرضاش يوديك في داهيه ومعترفش عليك رغم انو كان يقدر

جاسر بغضب : اعتذر لمين انت اتهبلت انا مغلطش هو اه ممكن يكون بيحميني لكن كان مخبي مياده وهو عارف اني بدور عليها

حمزه : ماشي و احنا قدرنا نوصلها وخدت حقك خلاص ومهما كان انتقامك قوي ربنا انتقامه اقوي و اكبر واديك شوفت انتقام ربنا ليها وكمان قبل الحادثه مسمعتش ادهم وهو بيقول انها اتعرضت لحاله اغتصاب والي بسببها فقدت ابنها يعني دا كان انتقام ربنا بردوا لانها السبب في موت ابن رنا و هاجر