عند هاجر في القسم
دخل الشخص وكان
هاجر بفرحه: حازم
هاجر جريت عليه حضنتوا
حازم: وحشتيني ياجوجو
هاجر بفرح: وانت اكتر يا حازم
اسر بعصبيه: اي قله الادب دي
هاجر باستغراب: قله ادب اي
اسر بعصبيه: انتي ازاي تحضنيه بالشكل دا
هاجر : وانت مالك يخصك في اي اصلا
اسر بغضب: لا يخصني طبعا انا خطيبك
هاجر ببرود: ودا لسه محصلش يبقي ملكش دعوه
حازم: طب مش تعرفيني مين الاستاذ الي بيزعق دا
هاجر : ههههههه الاستاذ الي بيزعق دا اسموا اسر زميل في الشغل ودي منار صحبتي وبردوا زميلتي
حازم باعجاب: اهلا يااستاذه منار تشرفنا
منار : انا اكتر اتشرفت بمعرفتك
حازم: اهلا يااستاذ اسر
اسر بضيق: اهلا
هاجر : اقعد يا حازم / قولي بقاا انت رجعت امتي
حازم: انا يدوب لسه راجع حالا وقولت اعدي عليكي انتي اول واحده اصلك وحشتيني اوووي
هاجر: وانت وحشتني جدا اخبارك اي وشغلك عملت فيه اي
حازم: الحمدلله وشغلي انا صفيت كل حاجه هناك وفتحت شركه هنا
هاجر: اي دا بجد يعني نويت تستقر هنا خلاص
حازم: اه خلاص نويت استقر واشتريت شقه جنبكوا كمان
هاجر: الله عليك
اسر: مش هنخلص بقاا حكايات عايزين نشوف شغلنا
حازم : طب انا همشي يا هاجر عشان اسيبك تشوفي شغلك وانا كمان اشوف شغلي
هاجر : طيب بس انت معزوم انهارده عندنا ماما هتفرح اوووي لما تعرف انك جيت
حازم : ماشي هاجي هي بردوا وحشتني جدا يلا سلام
هاجر : سلام ياحبيبي
اسر اتعصب جدا لما قالت حبيبي
هاجر بعصبيه: انت اي قله الذوق بتاعتك دي انت احرجتوا جدا
اسر: خايفه ع احساسو اووي انتي
هاجر بغضب: طبعااا لازم اخاف عليه امال هخاف عليك انت مثلا
اسر بعصبيه: انتي اصلا معندكيش دم واقفه تحضني فيه وتبوسي كانك واحده سافله من الشارع
هاجر ضربتوا بالقلم
منار اتصدمت من القلم
هاجر بغضب: انا مش هسمحلك ابدا انك تطول لسانك علياا او تقل ادبك التزم حدودك معاياا
اسر بغضب : هندمك ع القلم دا يا هاجر هندمك عمرك كلوا
هاجر : مبقاش عندي حاجه اخاف عليها خلاص واعمل الي تعملوا مبقتش تفرق
اسر:ماشي لما نشوف
💝💝💝💝💝💝💝💝💝
عند نورهان
اللواء: فيه شويه تجهيزات قبل ماتروحي هناك
نور: تجهيزات اي يافندم
اللواء: يعني مثلا عملنالك شخصيه جديده خالص هتظهري بيها ادي البطاقه الجديده بتاعتك باسم رحمه السيد ولازم شويه مكياج كدا عشان شكلك يتغير لان بعد قضيه محسن وانتي وسيف اتعرفتوا
نور: طب طالما كدا ما ساره او مريم يروحوا بدالي
اللواء: لا مش هينفع الوزير عايزك انتي غير انك كفئ جدا في شغلك وجريئه وتقدري تواجهي اي حاجه
نور: شكرا لحضرتك يافندم
اللواء: ودلوقتي لازم يكون معاكي جهازين تتبع وتصنت يبقوا معاكي ع طول واحنا هنتابع من عليه ومعاكي واحد احتياطي عشان تحطيه في مكتب الراجل بتاع الرئيس بحيث نعرف هو مين ونقدر نسجل كل دول عشان يبقوا ادله بردوا وكمان عشان نقدر نقفل الصفحه ع الفيس دي ونمنع المخدرات من دخول البلد ونحمي البنات والشباب
نور بحماس: تمام يافندم
اللواء: دلوقتي هتروحي لسيف عشان يعرفك هتعملي اي بالظبط ويديكي الاجهزه وممنوع تاخدي سلاح انتي فاهمه
نور: فاهمه يافندم بس هدخل بصفتي اي وفين المكان دا
اللواء: مكان الا جتماع دايما بيبقي يخت ع البحر لما تروحي هناك فيه ناس تبعنا بس مينفعش تتواصلوا ابدا عشان محدش يشك اما هتدخلي ازاي فا دي بقاا عليهم هما لان هما الي هياخدوكي مش انتي الي هتروحيلهم
نور: ازاي يافندم
اللواء: فيه بنت اسمها اميره هي الي بتصطاد البنات فا انتي هتظهري قدامها ع انك يتيمه وعايزه تشتغلي وملكيش مكان تباتي فيه فا هي هتاخدك وهي فاكره ان هي الي اصطادتك مش انتي بس الاول لازم يتاكد انك فعلا كدا ودا احنا عملناه تمام كدا
نور: تمام يافندم عن اذن حضرتك
اللواء: اتفضلي
خرجت نورهان بره المكتب راحت مكتبها ودخلت لسيف
نور: سيف
سيف: نعم
نور: اللواء قالي انك انت الي هتفهمني اعمل اي وهتديني الاجهزه
سيف افتكر انها جاي تعتذر وتقوله مش هتروح
سيف بخيبه امل : اه فعلا ثواني اخلص بس الشغل الي معايا وابقي افهمك
نور: تمام ماشي
💝💝💝💝💝💝💝💝💝💝💝
عند روفيدا كانت قاعده ع اللاب فاتحه الفيس لقت طلب صداقه من شاب
سابت الادد متعلق بس لقت رساله منو
الشاب : بصراحه انا بحبك جداا لو ينفع تقبلي الادد وتديني فرصه اقدر اصرحلك بيها عن حبي ليكي
روفيدا: هو قال بيحبني ليه لا مااشوف مش هخسر حاجه
وافقت روفيدا ع الادد وقعدوا يتكلموا
💝💝💝💝💝💝💝💝💝
عند هاجر
رجع لؤي ومؤمن وعرفوا الي حصل من منار
لؤي: يالهووي دول هيجوزوا ازاي وهما كدا عايز افهم
مؤمن: باينه اوووي يالؤي ان اسر بيغير عليها بس الكلمه طلعت منو غصب عنو
لؤي: لا مهما كان مينفعش يقولها كدا بس جدعه هاجر انها عرفتوا مقامه وانو ميغلطش تاني
مؤمن: اه بصراحه اختك احلي حاجه عملتها
منار: انتوا شامتنين في الواد كدا ليه يخربيتكوا دا صاحبكوا
مؤمن : صاحبنا اه لكن هو غلط فعلا وهي عرفتوا غلطوا
لؤي: ايوا بالظبط
منار: طب خلاص اسكتوا ويلا نروح المكتب
رجعوا المكتب ولقوا هاجر واسر قاعدين كل واحد ع مكتبوا متعصبين
لؤي: سلام عليكم
الكل: وعليكم السلام
اسر: ها عملتوا اي
مؤمن: صورنا المكان كلوا من فوق لتحت ولقينا فاتحه من فوق والحراسه اتنين عند البوابه الخلفيه و4 عند البوابه الاماميه و5 بيلفوا حوالين المصنع غير الي بره عند البوابه الخارجيه دول فيه 6 و6 بيبدلوا مع بعض
اسر: هايل يا مؤمن
هاجر: بس انا عندي سؤال
اسر: عارف هتقولي اي
هاجر بسخريه: والله طب قول هقول اي بقاا
اسر بثقه: هتسالي ليه حاطين حراسه عند البوابه الاماميه اكتر من الخلفيه رغم ان المفروض العكس هقولك عشان مش دا المصنع الي هيستلموا فيه لان لو هو كانوا حطوا في الخلفيه اكتر لان الهجوم دايما بيجي من الخلف سؤالك صح ولا غلط
هاجر بدهشه: اه صح
اسر: كنت عارف انك هتسالي كدا لاني فاهم تفكيرك
هاجر ببرود : طب كويس
اسر: اه صح كنت هنسي قولي لباباكي اني جاي يوم الخميس انا وماما واختي
هاجر: طب ماتقولوا انت ولا اتخرست
اسر بغيظ : صبرني يارب ثم اكمل بهدوء لا متخرستش بس عايزك انتي الي تقوليلوا
هاجر: بس انا مش هقول بقاا
اسر ببرود: عادي متقوليش خليه يتفاجئ
هاجر: عادي ما يتفاجئ فيها اي يعني
اسر بهمس: لا ماهو هيتفاجئ بالصور مش بياا
هاجر بغضب وكره: ماشي يااسر هقولوا بنفسي
هاجر بوعيد جواه: انا بقاا هخليك تكره يوم الخميس دا
اسر: ما كان من الاول
هاجر: ملكش دعوه
خلص اليوم وكلهم روحوا
كان حازم موجود في البيت
لؤي: حازم يخرب عقلك انت جيت امتي
حازم: هي دي وحشتني
لؤي: ههههههههه اسف المفاجاه لغبطتني وحشتني يا حازم
حازم: وانت والله وحشتني اخبارك اي يا لولو
لؤي: يابني بطل الدلع الزفت بتاعك دا مش بحب الاسم دا
حازم : هههههههههه خلاص ياعم متقفش كدا
لؤي: اوعوا تكونوا كلتوا من غيرنا
حازم: سوسو كانت هتاكلني بس انا قولتلها لا انا هستناهم
لؤي: اصيل يا حازم والله / هي فين الوليه دي
حازم: بتقول ع امك وليه خسئت يا لؤي
لؤي: بس ياض
هاجر: اسفه يا حازم ع الي اسر عملوا انهارده معاك
حازم : لا انا عاذروا بصراحه الراجل بيغير عليكي وانا بصراحه لو مكانوا كنت عملت اكتر من كدا
هاجر : بيغير علياا طب ونبي اسكت انت مش فاهم حاجه
حازم : مش فاهم اي
هاجر : لا مفيش حاجه
حازم : انا ملاحظ ان معاملتك معاه ناشفه اوووي ليه كدا هو مش المفروض هيبقي خطيبك قريب
هاجر بتوتر: مش ناشفه ولا حاجه احنا بس اتخانقنا قبل ماانت تيجي فا حبيت اعصبوا
حازم بمرح: مش ساهله انتي بردوا يا جوجو هههههههه
هاجر: عيب عليك ياابني
حازم: ربنا يستر بس والواد ميخلعش من ايديك
هاجر : لا متقلقش احنا مسيطرين بردوا
حازم: ههههههههههههه لما نشوف يااختي
💝💝💝💝💝💝💝💝💝💝
عند نورهان
كانت قاعده مع سيف بيفهمها الي هتعملوا
سيف: تمام كدا فهمتي
نور: اه فهمت بس الجهاز هيبقي معايا ازاي من غير ماحد ياخد بالو منو
سيف: الجهاز عباره عن سلسله بتلبسيها بتسجل كل حاجه بتحصل حواليكي مجرد ما تدوسي ع الزرار دا وجهاز التتبع دا هيبقي خاتم بردوا ودا بيستخدم في المواقف الخطيره جدا يعني لو اتكشفتي نقدر نوصلك بسرعه
نور: تمام ان شاء الله مش هتكشف وتخلص المهمه دي ع خير
سيف: ااتمني دا فعلا
خلصوا وروحوا
💝💝💝💝💝💝💝💝💝
صباح يوم جديد عند نورهان
صحيت وخدت شاور واتوضت وصلت وبعد ماخلصت لبست ونزلت تحت
نور: صباح الخير
الام والاب: صباح النور
الاب: تعالى افطري يلا ياحببتي قبل مااتروحي الشغل
نور: لا مش جعانه يا بابا انا يدوب الحق عشان المفروض هروح المكان دا من بكره
الاب: لسه بردوا مصممه انك تروحي المكان دا
نور: دا شغلي يا بابا واه لسه مصممه
الاب: ماشي براحتك بس انا مش هسمح ابدا باي حاجه تحصلك يعني لو حسيتي في اي وقت ان فيه خطر ع حياتك هترجعي مهما حصل فاهمه
نور: حاضر يا بااباا عن اذنك بقاا عشان متاخرش
الاب : ماشي يا حببتي اتفضلي
خرجت نورهان وركبت عربيتها واتحركت
💝💝💝💝💝💝💝💝💝💝💝
عند هاجر صحيت عملت روتينها اليومي وخرجت
هاجر: خيانه بتفطروا من غيري
لؤي: عيب عليكي احنا نقدر بردوا
هاجر : ماانت قدرت يااخوياا اهو / اه صح يا باباا اسر بيقولك انو جاي يوم الخميس هو واهله
خالد: ينور طبعاا / مناسب ليكي يا سلوي
سلوي: اه مناسب ياحبيبي / بس عايزين حد يجي عشان ينضف الشقه وفيه طلبات عايزاك تجيبهوملي
خالد: اي حاجه عايزاها اكتبيها في ورقه وانا هجيبهم ولو ع التنضيف هبعتلك مرات البواب تساعدك
هاجر: طب ماا الشقه نضيفه مش محتاجه يعني
سلوي : لا محتاجه ملكيش دعوه انتي / المهم تروحي انتي واخوكي عشان تجيبي فستان
هاجر: ليه اشتري فستان انا هلبس اي طقم من عندي وخلاص
سلوي : هتلبسي يوم خطوبتك قميص وبنطلون يا هاجر
هاجر: فيها اي يا ماما انتي عارفه اني مش بحب الفساتين
سلوي: لا طبعا مينفعش انتي هتروحي انتي واخوكي تشتري فستان ودا اخر كلام عندي
هاجر: ماشي يا ماما
هاجر راحت الشغل ومحصلش اي جديد غير ببعض الخناقات بينها وبين اسر وخلص اليوم ورجعت البيت
💝💝💝💝💝💝💝💝💝💝
عند روفيدا كانت قاعده ع الفيس بتكلم الشاب دا قطع كلامها رنين هاتفها وكانت هاجر
روفيدا : اهلا بالناس الواطيه الي مش بتسال ابدا
هاجر: هههههههههه اهلا ياستي مانتي عارفه يازفته اني مشغوله في القضيه وبعدين عندك اخوكي اهو
روفيدا: خلاص التمستلك العذر عشان اخوياا بردوا نفس الكلام / اه صح نسيت الف مبروك ياروحي بجد فرحانه جدا انك هتبقي مرات اخوياا
هاجر: والله انتي الوحيده الي مصبراني ع ااجوازه دي
روفيدا باستغراب: مش فاهمه ازاي يعني
هاجر : لا متاخديش في بالك المهم عايزاكي تيجي معاياا عشان اشتري فستان هتيجي؟
روفيدا: ايوا طبعاا هاجي انتي بتهزري دا انا مستنيه اللحظه دي من زمان
هاجر: ههههههههههه لدرجه دي
روفيدا: ايوا طبعا المهم هتنزلي امتي
هاجر: هنزل بكره
روفيدا: ازاي والشغل
هاجر: مانا هروح الشغل عادي
روفيدا: طب ماانتي بتخلصي شغل متاخر والمحلات هتكون قافله
هاجر: لا مانا هخرج بدري
روفيدا: اه اذا كان كدا ماشي بكره هعدي عليكي
هاجر : اشطاا انتي كنتي بتعملي اي قبل مااكلمك
روفيدا: مفيش كنت قاعده ع الفيس عادي
هاجر : ايوا ناس تقعد ع الفيس وناس مفحوته مع اخوكي
روفيدا: انا شامه ريحه حسد
هاجر : لا خالص دا قر مش حسد يااختشي
روفيدا: هههههههههه ماشي انا هقول لاسر بقا يربيكي
هاجر: هو فيه اي ياجماعه هو كلوا عمال يقول يربيكي هو انا قليله الادب ولا اي 😂😂😂😂
روفيدا : هههههههه اي دا هو فيه حد تاني قلهالك
هاجر: اه يااختي اخوكي قلهالي
روفيدا: يبقي هينفذ كلمته
هاجر : ميقدرش يااختي هو انتي مستهونه بيااا ولا اي
روفيدا: لا طبعاا مش مستهونه بس عارفه اسر اخويااا انو طالما قال بينفذ
هاجر بصوت واطي : ماهو نفذ خلاص
روفيدا: بتقولي حاجه
هاجر : هاا لا مش بقول انا هقفل دلوقتي عشان اروح الشغل بدري عشان اقدر اخرج بدري بس قولي يارب اخوكي ميقفش فيها
روفيدا : يارب يااختي
هاجر : بس اوعي لما تيجي تقوليلوا اننا رايحين نشتري فستان
روفيدا: اي دا ليه
هاجر: عايزه اعملهالوا مفاجاه
روفيدا: ربنا يستر انا بخاف من مفاجاتك دي
هاجر : عيب عليكي
روفيدا : ماشي يااختي يلا سلام
هاجر: سلام
💝💝💝💝💝💝💝💝
تاني يوم الصبح عند هاجر صحيت خدت شاور واتوضت وصلت وخرجت
هاجر: صباح الخير
الكل: صباح النور
سلوي: مش هتروحي تجيبي الفستان بقاا دا الناس جايه بكره
هاجر : رايحه انهارده انا وصحبتي
سلوي : طب كويس
هاجر : طب انا ماشيه عن اذنكوا
خالد: اتفضلي ياحببتي
راحت هاجر الشغل
هاجر : سلام عليكم
الكل : عليكم السلام
اسر: متاخره كمان انهارده ممكن اعرف اي السبب
هاجر : الطريق كان فاضي
اسر باستغراب: بالعكس الطريق كان زحمه
هاجر : اديك رديت ع نفسك
اسر اتعصب جدا منها
لؤي لحق الموقف قبل مااسر يتعصب عليها
لؤي: هاجر صح منار بتقولك هي هتيجي معاكي
هاجر : اكيد انا كنت هقولها اصلا انها تيجي معايا
اسر: تيجي معاكي فين
هاجر : وانت مالك انت بتحشر نفسك في الي ملكش فيه ليه
اسر بعصبيه: بت انتي انا سكتلك كتير اوووي قسم بالله لولا انك بنت كنت دفنتك مطرحك
لؤي: خلاص يا جماعه حصل خير خلاص يا هاجر
هاجر راحت قعدت ع مكتبها وسابتوا وهو قعد ع مكتبوا وهو متعصب
منار بهمس للؤي ومؤمن: انا حاسه ان فيه حاجه بينهم دا مش شكل حد هيتجوز ابدا
لؤي: انا بردوا شاكك في كدا بس قولت ممكن يكونوا بيتخانقوا عادي بس لا الموضوع فيه حاجه وحاجه كبيره كمان
مؤمن: حاجه اي يا جماعه انتوا مكبرين الموضوع كدا ليه ع فكره الموضوع دا طبيعي جدا اي اتنين في اول فتره الخطوبه بيحصل خناق لانهم لسه بيتأقلموا مع بعض وبياخدوا ع بعض ويتعرفوا
منار: مؤمن عندو حق فعلا
لؤي باقتناع : فعلا عندك حق ممكن يكون كدا
💝💝💝💝💝💝💝💝💝💝
عند نور كانت في الشغل
سيف: نور
نور: نعم يا سيف
سيف: اللواء بيقولك حضري نفسك عشان البنت هتبقي انهارده في مكان........... بعد ثلاث ساعات وبيقولك خدي اللبس دا عشان تلبسيه وهتروحي مواصلات عشان مينفعش تروحي بالعربيه لحسن حد يشوفك والبطاقه تفضل معاكي والتانيه تسيبيها هنا مينفعش تاخديها
نور : تمام
خدت نور اللبس وراحت البيت غيرت ولبست اللبس الي ادهولها سيف خلصت وكان لسه فاضل ساعتين قررت تفتح الفيس شويه تقعد عليه واتفاجات ب😱
💝💝💝💝💝💝💝💝💝💝💝
عند هاجر
جتلها روفيدا
روفيدا : السلام عليكم
الكل : وعليكم السلام
اسر باستغراب: اي دا انتي جايه ليه ثم اكمل بخوف ماما حصلها حاجه
روفيدا: لا ماما كويسه انا بس خارجه انا وهاجر
اسر : اه وقولتيلي قبل ماتنزلي انك رايحه مع هاجر
هنا هاجر اتدخلت في الكلام
هاجر : وهي لازم تاخد الاذن منك مثلا ليه هي رايحه كباريه دي رايحه معايا
اسر بغضب: ايوا لازم تاخد الاذن مني قبل ماتنزل / والمصيبه انها رايحه معاكي لو حد تاني كنت قولت عادي
هاجر : ليه المصيبه انها رايحه معايا قالولك اني باكل بني ادمين ولا حاجه
كلهم ضحكوا ع كلمه هاجر
اسر ببرود : اه قالولي وروفيدا مش هتروح في مكان
هاجر بتحدي: هتروح معاياا وشوف بقاا هتعمل اي
اسر : بلاش تتحديني لانك هتخسري دي ااختي ولو قولتلها تروح حالا هتسيبك وتروح
هاجر بهمس ليه هو: تمام خليها تروح بس شوفلك واحده تانيه تجوزها بقاا
اسر بهمس: انا مبتهددش يا هاجر والجوازه هتم مهما حصل واه صح ياريت الفستان الي هتشتريه يبقي محتشم ومحترم مش عايز حاجه ضيقه
هاجر بدهشه : وانت عرفت ازاي اني هشتري فستان
اسر بمكر: عيب لما تسالي السؤال دا لياا
هاجر بتحدي: بس انت ملكش دعوه اشتري فستان ضيق او محترم متدخلش اشتري الي انا عايزاه
اسر : والله انتي حره انا قولت الي عندي وعايز اشوف كدا فستان ميعجبنيش
هاجر بتحدي : يبقي هخليك تشوفوا
هاجر : يلا ياروفيدا عشان نلحق 😝
روفيدا : اروح يااسر
اسر بغيظ: روحي بس متتاخريش
هاجر : متقلقش هتتاخر 😝 يلا يا منار
خرجوا الثلاثه وروفيدا ومنار عمالين يضحكوا
هاجر : انتوا بتضحكوا ع اي
روفيدا: اصل بصراحه مش قادره اصدق انك قدرتي تقفي قصاد اسر كدا 😂
منار: دا الي شوفتيه دا ولا حاجه بالنسبه للي حصل قبل كدا
هاجر بزعيق : منار
روفيدا باستغراب: اي الي حصل
منار : لا مفيش انا قصدي انهم اتخانقوا قبل كدا كتير
هاجر مكنتش عايزه منار تقول لروفيدا انها ضربت اسر بالقلم عشان صورته قصادها متتهزش وهيبته
راحوا الثلاثه المول لفوا المول محل محل مش لقين حاجه حلوه
روفيدا : اي رايك في الفستان دا
منار : لا مش حلو
هاجر لمحت فستان عجبها جدا دخلت قاسته وبعد وقت خرجت
هاجر : اي رايكوا
روفيدا ومنار تنحوا الفستان كان جميل جدا
روفيدا : واو تحفه جدا
منار: جميل جدا بس مش عريان شويه
هاجر بلا مبالاه : لا حلو وبعدين انا في البيت عادي يعني
اشتروا الفستان وخرجوا
هاجر : انتوا محدش فيكوا عجبوا فستان
روفيدا: لا معجبنيش حاجه
منار : ولا انا
هاجر : تعالوا نروح المحل دا عندوا فساتين جميله
دخلوا المحل وكل واحده اختارت فستان وكان روعه عليها كانو زي الاميرات
اشتروا الفساتين وخرجوا
هاجر بتعب : اه انا تعبت تعالوا نقعد في الكافيتريا نشرب حاجه
روفيدا ومنار : انتي الي هتعزمينا
هاجر : اه يا واطيين ماشي انا الي هعزم
راحوا قعدوا في الكافيتريا وكلهم طلبوا عصير
روفيدا : انا خايفه من رده فعل اسر لما يشوف الفستان
هاجر بلا مبالاه : لا متقلقيش مش هيعمل حاجه
روفيدا : مش هيعمل حاجه دا مش بعيد يصور قتيل فيها
هاجر : 😂😂😂ضحكتيني والله ياروفيدا هو مين دا الي يصور قتيل يا بنتي مش هيقدر يعمل حاجه وابويا واخويا قاعدين
روفيدا: لا بس انا مش متفائله
منار : ههههههههه ولا انا بصراحه
هاجر : خلاص يازفته انتي وهي اقفلوا السيره دي المهم هتيجوا بكره من بدري عشان تبقوا معايا
روفيدا: ليه خايفه يابيضه 😂
هاجر : 😒😒😒هزعلك ياروفيدا هخاف من اي لا طبعا بس عشان تلبسوا معاياا وبعدين انتي مش مستنيه اللحظه دي من زمان ولا يوم ماتيجي تبيعيني
روفيدا : لا عيب عليكي انتي هتلاقيني من الفجر عندك
منار : وانا كدا كدا فوقيكي 😂😂😂 يعني ممكن تلاقيني نزلالك من ع السلم
هاجر : تصدقي بفكر اركب سلم عندي في الاوضه عليكي عشان نبقي مع بعض 😂😂
منار : تصدقي فكره حلوه جدا انا موافقه 😂
روفيدا : اي دا طب وانا
هاجر : انتي ركبي مواسير بقاا 😂😂😂😂
روفيدا: بقاا كدا يازفته ماشي ثم فجاه ياخبر ابيض احنا اتاخرنا اوووي واسر هينفخني
هاجر : لا متقلقيش انا هوصلك كملي بس العصير
روفيدا : اه يااختي مانتي مش همك انا الي هتنفخ مش انتي
هاجر : ههههههههههههه حلوه هتنفخ دي طب يلا يااختي لحسن تتنفخي 😂
خرجوا الثلاثه ركبوا العربيه واتحركوا هاجر وصلت روفيدا الاول ولقت اسر واقف قدام البيت
اسر بغضب: كل دا تاخير انا مش قولت متتاخروش
هاجر ببرود: واتاخرنا فيها اي يعني
روفيدا بخوف : والله كنا بندور مكناش لقين حاجه حلوه وبعديها قعدنا ع الكافيتريا نرتاح شويه
اسر بعصبيه لروفيدا : ماشي حسابك انتي معايا بعدين اطلعي فوق
هاجر بهدوء : براحه ع نفسك ليطقلك عرق بس
اسر بغضب: ملكيش دعوه واتفضلي عشان هوصلكوا
هاجر بغضب: نعم توصلنا ازاي يعني مش فاهمه
اسر بغضب: يعني امشوا وانا همشي وراكوا بالعربيه لان الوقت اتاخر ومينفعش تمشوا لوحدكوا
هاجر : لا متقلقش علينا احنا ظباط ع فكره وبعدين سبق وقولتلك الشارع احسن منك
اسر بعصبيه: ماشي ياهاجر حسابك تقل اووووي وهيخلص قريب وقريب اوووي كمان
هاجر بلا مبالاه : ان شاء الله
مشيت هاجر
اسر بخبث : دا انا هعملك احلي مفاجاه بس استني علياا 😈😈
( انا شريره 😂😂😈😈😈😈)
💝💝💝💝💝💝💝💝💝💝💝
اتمني البارت يعجبكوا وزودتوا انهارده عشان خاطركوا وعشان اتاخرت عليكوا المفروض البارت كنت نزلتوا من امبارح بس الفون فصل وانا بكتبوا فا نمت ولسه صاحيه 😘😘😘
أنت تقرأ
احببت عنادك... بقلمي/هاجر هشام
Casualeروايتي تتحدث عن فتاه عنيده جدا وهي تعمل ظابط شرطه تقع في طريق القاسي
