احببت عنادك... بقلمي/هاجر هشام

اعاده البارت 7

وقفنا عند هاجر التي سقطت ع الارض وهي تصرخ
ولؤي الواقع ع الارض غارق في الدماء بسبب وجوده بجانب هاجر وهو من حماها
هاجر بعصبيه: انتوا هتفضلوا مصدومين كدا حد يكلم الاسعاف بسرعه
اسر : الاسعاف مش هتلحق تيجي خلينا ناخدوا في العربيه بتاعتي
وفعلا حملوا في عربيه اسر وهاجر قاعده جامبوا حضناه ومنهاره جدا
واخيرا وصلوا المستشفي.
هاجر: حد يلحقنا بسرعه
موظف الاستقبال : اتفضلي يافندم املي الاستماره دي وادفعي المبلغ دا قبل ما يدخل
هنا هاجر فقدت اعصابها فعلا وطلعت المسدس ووجهتوا ع راس الموظف
هاجر : اقسم بالله لو ملحقتوه حالا لخليك تحصلوا
الموظف بخوف : تحت امرك يافندم
ودخل لؤي غرفه العمليات
______________________
شخص2بعصبيه: غبي قولتلك خلي بالك
شخص1بخوف: والله الرصاصه كانت متصوبه عليها بس للاسف كان فيه واحد جنبها هو الي حماها
شخص2: خلاص غور انت دلوقتي تختفي خالص والموتسيكل يتحرق لاحسن يكون حد خد النمر
شخص1: حاضر ياباشاا
شخص2 بعصبيه : فلتي مني المرادي بس اوعدك المره الجايه مش هتفلتي ابدا
الو عايزك تعرفلي اخبار الظابط الي اتصاب وكمان عايز اعرف يقربلها اي
_____________________
في منزل هاجر ولؤي
تقوم الام بفزع وخوف وهي تتنفس بصعوبه
خالد: بسم الله الرحم الرحيم فيه مالك ياسلوي
سلوي: مش عارفه قلبي مقبوض اووي وحاسه ان هاجر ولؤي حصلهم حاجه
خالد: بعد الشر دا اكيد كابوس ارتاحي انتي بس ومتخافيش عيالك رجاله وهاجر ميتخافش عليها
سلوي : لا مش كابوس انا قلبي واجعني اووي فيه حد فيهم حصلوا حاجه ونبي اتصلي بيهم اطمن عليهم
خالد: ياسلوي عيالك دلوقتي في الشغل
سلوي: بالله عليك اطمن بس عليهم
خالد: حاضر هتصل بيهم
قام الاب بمهاتفه لؤي ولكنه وجدوا مغلق شعر بالقلق هو ايضا ثم قام بماتفه هاجر ولكنها لا يوجد رد ثم عاود الاتصال اكثر من مره واخيرا قامت بالرد
خالد: اي ياهاجر كل دا يابنتي عشان تردي قلقتيني عليكي
اسر: انا مش هاجر ياعموا انا زميلها في الشغل
خالد: ايوا يابني امال فين هاجر
اسر : الحقيقه ياعموا هو حصل.. وحكي له كل شئ
خالد بخوف: طب مستشفي اي
اسر: مستشفي.........
خالد: انا جاي حالا
واغلق خالد المكالمه وقام باللبس بسرعه وسلوي ايضاا
وذهبوا
____________________
في المستشفي
عند هاجر كانت منهاره جدا وحاسه بالذنب لانها السبب في الي حصل
وكان لسه لؤي مخرجش من العمليات لكن الممرضه خرجت بسرعه تجري  لحقت بها هاجر وهي تسالها بخوف: هو في اي
الممرضه : المريض الي جوه نزف جامد ومحتاج نقل دم لكن للاسف الفصيله بتاعتوا مش متوفره حالياا
هاجر واسر: انا نفس الفصيله
الممرضه : طب تعالوا بسرعه نعمل فحوصات عشان نطمن
وبعد الفحوصات اسر هو الي اتبرع بسبب ان ضغط هاجر واطي جدا
ووصل في هذه اللحظه خالد وسلوي
خالد: لؤي فين
سلوي: ابني فين
هاجر بعياط: لسه في غرفه العمليات بينقلولوا دم
خالد: خلاص اهدي كل حاجه هتبقي كويسه اهدي
وبعد ساعه خرج الدكتور متعب جدا
جريت هاجر عليه
هاجر بلهفه: طمني يادكتور ونبي اخوياا اخباروا اي
الدكتور : الحمدلله بقااا كويس والحمدلله الرصاصه كانت بعيده عن القلب
هاجر: طب هو هيفوق امتي يادكتور
الدكتور: ان شاء الله بكره هيكون كويس ويفوق
هاجر : الحمدلله شكرا يادكتور
الدكتور: العفوا عن اذنكوا
هاجر براحه : الحمدلله عدي مرحله الخطر
خالد وسلوي واسر ومؤمن : الحمدلله
هاجر : ماما بابا روحوا انتوا دلوقتي وابقوا تعالوا الصبح وانت يااسر شكرا جدا ع الجميل دا وشكرا يامؤمن معلش تعبناك معانا
مؤمن : لا مفيش تعب خالص لؤي دا اخوياا
اسر : ع فكره لؤي اخوياا ومفيش شكر
هاجر : تقدروا تروحوا انتوا تعبتوا اوووي معانا وانت يابابا خد ماما وروحوا وانا هقعد معاه وكمان لازم اكون معاه عشان الي عمل كدا ممكن يعملها تاني وانا هفضل مع اخوياا لحد مايخرج
اسر: لا طبعا مينفعش تقعدي لوحدك في المستشفي
هاجر بغضب : ع فكره انا مش عيله صغيره عشان تقولي مينفعش وبعدين انت مالك اقعد ولا مقعدش روح انت بس لوالدتك زمانها قلقانه عليك
اسر: انا مش عيل صغير عشان والدتي تقلق علياا وملكيش دعوه اروح ولا لا مكنتش المستشفي بتاعتك وانا معرفش وانت يامؤمن خد الاستاذ خالد ومراتوا روحهم وروح انت كمان انا هفضل مع صاحبي واكد ع كلمه صاحبي عشان متفكرش انو قاعد عشانها هي
هاجر اتعصبت جدا منوا بس متكلمتش عشان مامتها وباباها ومش وقت الكلام دا
وفعلا بعد تحايلات روح مؤمن اهل هاجر وروح هو كمان وفضل اسر وهاجر في المستشفي
هاجر كانت قاعده ع الكرسي بتفتكر الي حصل واثناء ذلك جاء لها رساله من رقم غريب وكان مضمون الرساله( المره دي فلتي مني وجت في اخوكي بس اوعدك المره الجايه هكون حريص جدا انها تيجي فيكي انتي وخلي بالك ع اخوكي واهلك اصل بصراحه مستخسرهم في الموت اووووي  هههههههههههه)
هاجر اتعصبت جدا بعد ما شافت الرساله: وقالت والله العظيم لوريك مبقاش انا هاجر الي حبست ابنك لخليك تحصلوا
هنا اسر شافها وهي متعصبه وعماله تقول كلام مش سامعه
فا راح سالها : مالك متعصبه ليه
هاجر كانت متعصبه جدا ومش طايقه اي كلام: وانت مالك
اسر بغضب : تصدقي انا غلطان اني عبرتك اصلا ان شالله تولعي حتي
هاجر: ان شالله تولع انت واحد بارد ومتخلف
اسر بعصبيه كبيره: تعرفي اقسم بالله لولا انك بنت واني مقدر الظروف الي احنا فيها انا كنت ضربتك قلم مخلتكيش تقومي بعديه
هاجر: تصدق خوفت اوووي وكشيت لا ونبي متضربنيش يلا يابابا روح العب بعيد انت بوء ع الفاضي اصلا
اسر : ماشي انا هوريكي مين الي بوء ع الفاضي بس مش دلوقتي عشتن الظروف الي احنا فيها
وذهب اسر الي كافيتريا المستشفي لطلب القهوه
____________________________
هاجر راحت تشرب مايه
وفي ذلك الوقت دخل الدكتور الي غرفه لؤي وكان يحاول نزع انبوبه الاكسجين عنو  .............
نكمل بكره بقااا لاني تبعت بصراحه