احببت عنادك... بقلمي/هاجر هشام

البارت 64

عند جميله
حكتله جميله الي حصل لما قبضت ع السته وتدخل جاسر وكل حاجه
اسر بغضب : انتي ازاي صح تدخلي لوحدك افردي جاسر مكنش موجود
جميله : بلاش نفرد حاجه محصلتش الموضوع عدي وقبضنا عليهم خلاص دا المهم
اسر بغضب: ماشي الموضوع فعلا عدي بس ميتكررش تاني
جميله:حاضر
في اللحظه دي جيه العمده ومراته
العمده بابتسامه: وانا اقول الفرح منور ليه اتاريك منورنا ي باشاا
اسر بابتسامه: منور باللي فيه ي حضره العمده
العمده : تسلم ي باشاا
سلمت هاجر ع مرات العمده وجيه عمران ومدحت سلموا ع اسر ورحبوا ب هاجر وفجاه جميله لمحت واحد بيصوب بالمسدس ناحيه حد بصت للي بيصوب ناحيته لقتوا جاسر
جميله بصراااخ: حاااااسب
كلهم اتفاجئوا وجميله جريت ع جاسر زقتوا وضربت الراجل بالنار جت في رجله واسر الصغير واياد قبضوا عليه
جري اسر وهاجر والكل ناحيه جاسر وجميله
اسر بقلق : انتي كويسه
جميله : ايوا كويسه ي بابا
قامت جميله وجاسر قام
جاسر : شكرا
جميله : مفيش شكر واحده قصاد واحده انت انقذتني وانا كمان انقذتك دلوقتي كدا خالصين
عمران باعجاب : لا حقيقي انا فخور بتربيتك ي اسر بيه فعلا جمال وقوه وشجاعه كل حاجه متجمعه فيها
اسر بفخر : شكرا
مدحت باعجاب : الحقيقه انا كنت طالب ايد الانسه جميله لابني يزيد قولت اي ي اسر بيه

جاسر بغضب: نااااعم
كلهم بصوا ل جاسر باستغراب وهو ادرك الي قالوا
العمده: في حاجه ي جاسر
جاسر باللغبطه: لا مفيش ي بابا انا بس قصدي ان مينفعش حاجه زي كدا تتقال في الفرح المفروض هما ييجوا ويطلبوها دي الاصول

اسر بخبث : لا عادي ي جاسر هنا او في البيت مش هتفرق

جميله : ثانيه بس هو انتوا بتتكلموا ع اساس اني موافقه ليه انا مقولتش حاجه

اسر : طب ادينا فيها قرارك اي

جميله : مش موافقه انا مش عايزه اتجوز اصلا ورافضه الفكره دي انا كل الي بفكر فيه هو شغلي وبس وكمان انا مش هتجوز حد من هنا

جاسر بغضب : ليه مالهم الي هنا ان شاء الله
جميله بهدوء: ملهمش بس انا لو اتجوزت هنا معناها هعيش هنا وانا مقدرش ابعد عن بابا وماما وكمان التقاليد هنا غيرنا وانا عمري ما هغير من نفسي عشان حد فا مش هينفع

اسر بابتسامه حب : وانا مقدرش ابعد عنك ابدا ي حبيبتي انا لو اطول مخلكيش تتجوزي اصلا وتفضلي جنبي

جميله بابتسامه: خلاص وانا مش هتجوز ابدا عشانك

اسر : ههههههههههه انتي مصدقتي ولا اي
جميله : بالظبط فعلا مصدقت

مدحت : خلاص ي بنتي الي تشوفيه
جميله: شكرا لحضرتك

راحت جميله لاسر واياد
جميله بحده: ممكن اعرف دا وقف ع السور ازاي وانتوا المفروض مأمنين المكان كلوا

اسر : العسكري الي كان واقف هناك مكنش موجود ساعتها
جميله بحده: امال كان فين
اياد: كان في الحمام
جميله بغضب: احنا بنهزر هنا يعني بسبب اهمال عسكري واحد كان هيموت العسكري دا يتحاسب