احببت عنادك... بقلمي/هاجر هشام

البارت 44

في الاداره هاجر كانت فاتحه الواتس لقت رساله من كريم
كريم : هاجر كنت عاوزك في موضوع
هاجر : موضوع اي
كريم : مش هينفع ع الواتس انا هنزل الكافيتريا هستناكي تحت
هاجر خافت من اسر
هاجر : ماشي
قام كريم نزل الكافيتريا بعد خمس دقائق قامت هاجر
اسر : رايحه فين
هاجر بتوتر: هجيب ...نسكافيه ..من ..الكافيتريا
اسر : طيب مالك متوتره ليه
هاجر : لا مش متوتره ولا حاجه
اسر : ماشي انزلي
نزلت هاجر ل كريم قعدت قصادوا ع الكرسي
هاجر : موضوع اي بقاا الي عايزني فيه
كريم : طيب اهدي مالك في اي
هاجر : ماليش قول بقاا في اي
كريم بتنهيده: بصراحه كدا انا معجب ب هدير اختك
هاجر باستغراب: معجب بيها دا انت مشوفتهاش غير امبارح بس
كريم : ما دا الي انا مستغربوا انا اول ما شوفتها مش عارف اي الي حصلي بقيت بفكر فيها طول الوقت وشخصيتها قويه كدا وشكلها عاقله
هاجر : ههههههههههه كل دا عرفتوا وانت لسه شايفها امبارح
كريم : اه والله
هاجر : طيب انا دوري اي مش فاهمه لو انت معجب بيها ما تقولها
كريم : مانا بصراحه عايز يعني تساعديني اني اقعد معاها نتكلم كدا قبل ما اتقدملها
هاجر : انا عن نفسي معنديش مانع واقدر اساعدك بس لو فعلا واخد الموضوع جد مش بتلعب
كريم بسرعه: لا والله ابدا مش بلعب بيها ولا حاجه انا فعلا عايز اتقدملها وبعدين انتي عارفاني من زمان عمري ما ضحكت ع بنت ابدا
هاجر : خلاص انا هقولها واشوف بردوا رايها بس انا  هكون موجوده  لو وافقت انها تقابلك
كريم : ماشي
هاجر : طيب انا هطلع بقاا عشان ملاقيش اسر ناططلي هنا
كريم : ههههههههههه الله يكون ف عونك والله
هاجر : لم نفسك ي كريم عشان مزعلكش انا
كريم : ههههههههههه انا بهزر بس اول مره اشوفك كدا انتي بتحبيه ولا اي اصل مش هاجر الي تخاف من حد
هاجر : واي المانع اني احبو وبعدين دا مش حد دا جوزي وطبيعي احبوا
كريم : ماشي ي عم الله يسهلوا عقبالنا يارب
هاجر : ههههههههههه شكلك وقعت
كريم : جداا
هاجر : ايواا بقاا وقعت تحت ايدي كنت مستنيه اليوم دا من زمان الي اشوفك فيه بتحب
كريم : ما احنا كنا فاقدين الامل فيكي انك تحبي ولا حتي تتجوزي
هاجر : طب بطل رغي بقاا انا طالعه
كريم : اوك
طلعت هاجر
اسر : امال فين النسكافيه
هاجر : شربتوا تحت
اسر : اوك
دخل في اللحظه دي حازم ابن عم هاجر
حازم : وحدوا اي ي جماعه انتو قاعدين في عزاء
هاجر : ههههههههههه ازيك ي حازم
حازم : ازيك ي جوجو وحشاني والله
هاجر : وانت اكتر والله
اسر : لا والله كيس جوافه واقف انا
حازم : عيب تقول ع نفسك كدا ي راجل
هاجر :اظن اخوياا يعني عادي
حازم : عامل اي يااسر
اسر : الحمدلله
لؤي : ازيك يا حزووم وحشني ي راجل
حازم: وانت يا لؤي والله ليك واحشه
اسر : انت جاي ليه ي حازم
حازم : احم بصراحه كدا كنت عايزك ف موضوع
اسر : موضوع اي
حازم : طب ممكن نتكلم لوحدنا
هاجر بغلاسه: لا اتكلم هنا
حازم : بسيماما روحي العبي بعيد
هاجر : بس ي بارد
اسر : خلاص تعالي نتكلم في الكافيترياا
حازم : اوك
هاجر : ماشي بس بردوا هعرف 😝
حازم : مش هتعرفي 😝
نزل اسر وحازم الكافيتريا
اسر : موضوع اي بقاا
حازم : عايز اتجوز
اسر باستغراب : تتجوز هو حد قالك اني بشتغل خاطبه
حازم : ههههههههههه لا مش قصدي اصل انا بحب مي اخت مؤمن صاحبك وكنت عايزك يعني معايا اتقدملها
اسر : هههههه اه قول كدا بقاا امممممممم ماشي ي سيدي انت هتروح تتقدملها امتي
حازم : امال انا بقول اي من الصبح بقولك عايزك تكلم صاحبك
اسر : اه فهمت خلاص مااشي انا هكلموا
حازم بفرحه: حبيبي يا ابو نسب
اسر : ههههههههههه شكلك واقع خالص
حازم : جداا
اسر : ماشي ي سيدي
حازم : طيب انا همشي بقاا دلوقتي يلا سلام
اسر : سلام
مشي حازم ورجع اسر المكتب
هاجر : اسر
اسر : نعم
هاجر : انا عايزه اروح لماما انهارده
اسر : ماشي
هاجر : طيب هتوصلني ولا اروح بعربيتي
اسر : لا هوصلك يلا بينا
هاجر : يلا
اسر قبل ما يمشي : انتوا هتكملوا الملفات الي معاكوا محدش يمشي
لؤي : ع فكره دا ظلم
اسر بنظره مرعبه: بتقول حاجه ي لؤي
لؤي بخوف: لا انا بقول تيجي بالسلامة
اسر : اه بحسب
هاجر :ههههههههههه جبت وراا
لؤي : بس ي زفته
اسر : يلاا
نزلت هاجر واسر ركبوا العربيه
اسر : كريم كان عايزك ف اي لما كنتوا قاعدين ف الكافيتريا
هاجر بدهشه: وانت عرفت ازاي
اسر : مش مهم تعرفي
هاجر : وانت بردوا مش مهم تعرف
اسر بنظره مرعبه : نعم
هاجر : عشان انت بتعاملني كاني مليش لازمه وبتراقبني وانا مش بحب الاسلوب دا زي مانت بتسالني وعايزني اجاوب انت بردوا جاوب ع سؤالي
اسر : ماشي هريحك واقولك لما قولتي انك نازله تجيبي نسكافيه كنتي بتقولي بتوتر وطبعا انا عارفك لما بتكدبي ف فتحت كاميرات الكافيتريا وشوفتك وانتي قاعده معاه ارتاحتي كدا
هاجر : اه ارتاحت بس بردوا شكيت فياا
اسر بغضب: انتي هبله ولا عبيطه يعني انتي تكدبي ومش عايزاني اشك وبعدين انا مشكتش بالتفكير الي في دماغك دا انا شكيت من توترك قولت في مصيبه
هاجر : انا مكنش قصدي اكدب بس انا خوفت انك تتعصب مش اكتر وبعدين كريم زميلي ومن حقي اني اتكلم معاه براحتي
اسر : بس في وجودي
هاجر : انا مش بعمل حاجه غلط سواء في وجودك او من واراك وبعدين انت المفروض متجوزني وعارف اني بشتغل ظابط يعني لياا تعاملات مع رجاله ومجرمين كمان وواخدني وانا بلبس اللبس دا وبشخصيتي دي وحبتني كدا ليه بتزعقلي لما بلبس عريان زي ما بتقول مع اني شيفاه عادي واتعصبت ع كريم لمجرد انو سلم علياا وكنا بنهزر مع بعض  ،انت مش ملاحظ ان كل ما اعمل حاجه بتتعصب علياا