عند هاجر دخلت عشان تقيس الفستان لكن وقفت فجاه
اسر بزعيق: استني
هاجر باستغراب: في اي
راح اسر ناحيه البروفه بعد ما لمح كاميرا شدها وكسرها
اسر بغضب: فين صاحب المكان دا
هاجر بذهول: اي دا
جيه صاحب المحل : في اي حضرتك
مسكوا اسر من لياقه قميصه
اسر بزعيق: في انك واحد وسخ ومش محترم وانا هوديك في داهيه
صاحب المحل بخوف: طب اي الي حصل حضرتك
اسر بغضب: حاطط كاميرا في البروفه عشان تتفرج ع الزباين يا و**
صاحب المحل برعب : انا اسف والله يافندم مش هتكرر تاني
اسر بعصبيه: هي فعلا مش هتكرر تاني لان لو اتكررت فيها موتك
صاحب المحل بخوف: حا.. حاضر يافندم
راح اسر مسك هاجر من ايديها وبيخرج بره المحل وهي وراه واول ما خرجوا قعدت تضحك
اسر بغضب: انتي بتضحكي ع اي
هاجر بضحك: اصل شكلك حلو وانت متعصب
اسر : لا والله
هاجر : ههههه اه والله
هاجر استغرابت انو سكت فجاه بصتلوا لقيتوا مركز معاها وباصصلها
هاجر بكسوف: انت بتبصلي كدا ليه
اسر : اصل ضحكتك حلوه اووي
هاجر ووشها بقاا احمر شبه الطماطم : ميرسي
اسر : هههههههه خلاص عشان بشكلك دا هخلي الفرح دلوقتي والله وبلاها فرح كمان
هاجر وهي تضربوا ع كتفوا بكسوف : انت قليل الادب
اسر : مش ذنبي بصراحه انك حلوه
هاجر بكسوف : طب يلا بقاا
اسر : حاضر
راحوا محل تاني
هاجر باعجاب: الله حلو الفستان دا
اسر بمشاكسه: لا عريان مش حلو
هاجر بغضب: مين دا الي عريان انت احول
اسر : انا احول
هاجر بتوتر: مش قصدي سوري
اسر : اممممممم ماشي هعديها المرادي
هاجر : انا هاخدوا مليش دعوه
اسر : طب هاتيه
هاجر : مش هاقيسه
اسر: لا طبعا وافردي حاطين كاميرا زي المحل التاني والله ابدا ما يحصل ابقي قيسيه في البيت ولو فيه اي حاجه تعالي غيريه
هاجر : ماشي
اشتروا فعلا الفستان وخرجوا
هاجر : تعالي نشتري البدله بقاا
اسر : اوك تعالي
راحوا محل لبيع البدل
هاجر : اي رايك في دي
اسر: طالما منك تبقي جميله
هاجر : طب خد قيسها يلا
راح اسر يقيس البدله وخرج
هاجر باعجاب : الله جامده جدا
اسر بغرور: دا عشان انا لابسها
هاجر خدت بالها ان البنات الي في المحل بيبصولوا باعجاب هي اضايقت وحست بالغيره
هاجر بضيق: طب غير يلا عشان نمشي
اسر باستغراب: مالك في اي
هاجر بغيره: يعني انت مش واخد بالك
اسر باستغراب: واخد بالي من اي
هاجر بغيره : البنات الي عماله تبصلك باعجاب دي
اسر فهم انها غيرانه
اسر بمكر: انتي غيرانه
هاجر بتردد : لا طبعا وهغير ليه يعني انا بس مش بحب البنات الي كدا
اسر بمكر: لا بجد ماشي هعتبر نفسي مصدقك
هاجر : لا هي دي الحقيقه ويلا غير
دخل اسر غير البدله وخرج اشتراها ومشيوا
اسر بتعب :اها انا تعبت من اللف انتي متعبتيش
هاجر : اه بصراحه وانا بردوا تعبت تعالي نروح نقعد في الكافيتريا
راحوا قعدوا في الكافيتريا وفجاه بنت جيت من ورا اسر وباستوا في خدوا
البنت بدلع: اسور وحشتني اوووي عامل اي
اسر بتوتر من نظرات هاجر: ازيك ياانسه ريم عامله اي
ريم بدلع: انا كويسه بس انت بقيت وحش اوووي مبقتش بتسال خالص ثم اكملت موجه كلامها لهاجر / يعني يرضيكي ياانسه انو مش يسال عليا
هاجر باسهزاء: لا طبعا ميرضنيش ليه كدا يااسر مش تسال ع الانسه ليه
اسر بتوتر:مع ...معلش بقاا مشاغل
ريم بدلع: ع العموم اهم حاجه اني اطمنت عليك ومبسوطه جدا اني شوفتك بس انت معرفتنيش بالانسه
اسر بتوتر: الانسه تبقي مراتي
ريم وهي تتصنع الدهشه:اوووه الف مبروك بس انت مقولتليش انك اتجوزت كدا مش تعزمني ع فرحك
هاجر باستهزاء: معلش اصل الفرح جيه بسرعه ملحقناش نعزم حد نبقي نعزمك في السبوع ان شاء الله بعد ثلاثين سنه
ريم اتغاظت ومشيت واسر انفجر من الضحك
هاجر بغضب : انت بتضحك ع اي دلوقتي
اسر بضحك: اصل شكلك فظيع اوووي بصراحه
هاجر بغضب: ممكن تقولي مين دي انت مش قولتلي انك متعرفتش ع بنات قبل كدا
اسر : ودا فعلا انا متعرفتش ع بنات قبل كدا
هاجر بغضب: ودي تبقي اي ولا انت مش حاسبها من البنات
اسر : هههههههه لا حاسبها بس قصدي متعرفتش عليها ولا حاجه دي جارتنا عادي يعني
هاجر : اه صح جارتكوا عاادي اصلها كانت اختك في الرضاعه 😒
اسر : قصدك اي
هاجر : قصدي انها متجوزلكش عشان تبوسك بالطريقه الزباله دي وواضح انها منفتحه في الكلام اوووي ودا حرام
اسر: دي اول مره تعملها ع فكره انا اتصدمت حتي لما باستني
هاجر باستهزاء: لا ياشيخ برئ انت يا عيني
اسر بغضب:هاجر اتكلمي عدل
هاجر : انا بتكلم عدل ع فكره
اسر : اه ماهو واضح😠
💝💝💝💝💝💝💝💝💝💝💝
عند نورهان
مروان وساره وباسم كانوا بيهمسوا بين بعض
مروان: اقسم بالله لو قولتلولي روح اتغداء معاها تاني هقتلكوآ انا لسه جسمي وجعني من كتر التدريب بتاع امبارح
باسم : وهو احنا الي قولنالك تتاخر يعني
مروان: كمان انا الي طلعت غلطان
ساره: لا مش غلطان دا كدا كويس جدا ان سيف يعاقب نور وانت دا معناه ان الخطه ماشيه صح سيف غار جدا ع نور عشان كدا عاقبكوا وهي اكتر كانو بيعاقبها ع انها راحت معاك
مروان : طب كدا هنعمل اي الخطوه الجايه
ساره: هتهزر مع نور في المكتب قصاد سيف وحاول تعمل حاجات تخليه يغير جدا
مروان : يخربيتك انتي ناويه ع موتي صح
ساره بضحك: معلش يا مروان هما كام بوكس بس مش اكتر يعني
مروان : طب ما تاخديهم انتي يااختي بدالي احسن
ساره: هههههههههه طب يحصل ازاي دا
مروان : مليش دعوه بس انا مش هضرب يعني حرام بجد
ساره: معلش بقاا يا مروان المهم كل دا يجي بفايده
مروان : دا لو مجاش بفايده انا هجيبوا والله
باسم بضحك: ههههههه طب خلاص
ساره: عرفت هتعمل اي يامروان
مروان : اه
ساره : وانت يا باسم عايزاك طول الوقت تحسس سيف ان نور ممكن تضيع منو في اي لحظه
باسم : تمام
💝💝💝💝💝💝💝💝
شخص اخر: عايزك تعرفلي مين الي ماسك القضيه دي
شخص:بس دا فريق يا فندم الي مسكينوا مش واحد
شخص اخر: مانا عايزك تعرفلي مين قائد الفريق
شخص:حاضر يا بااشاا
💝💝💝💝💝💝💝💝💝💝
عند هاجر
هاجر : احنا كدا خلصنا كل حاجه فيه حاجه تاني ناقصه
اسر: الكوافير
هاجر: دا خليه بكره هروح انا ولؤي
اسر: ليه لؤي مانا موجود
هاجر: مانت تعبت معايا النهارده كفايه مش عايزه اتعبك
اسر: هو انا كنت اشتكتلك اتعبيني انتي بس وملكيش دعوه
هاجر بابتسامه: خلاص ماشي
اسر : تمام هعدي عليكي بكره
هاجر : اوك
اسر: طب يلا
هاجر: هنروح
اسر: لا هنروح نقعد ع البحر
هاجر: دلوقتي
اسر: اه فيها اي
هاجر: اصل احنا بليل يعني
اسر:دا احلي وقت بليل تعالي انتي بس ومش هتندمي
هاجر : يلا
خرجوا من الكافيتريا راحوا ركبوا العربيه واتحركوا
بعد وقت قصير وصلوا
هاجر وهي تستمتع بالهواء وشعرها يتطاير : الله الجو حلو اوووووي
اسر: شفتي بقاا عشان تسمعي كلامي بعد كدا
هاجر بابتسامه: حاضر هبقي اسمع كلامك بعد كدا
اسر بحب : بحبك
هاجر اتكسفت ومعرفتش ترد
اسر بحب: مش عايزك تقوليها غير وانتي حساها
هاجر: ماشي
اسر : هتزعلي لو عملت كدا
هاجر ملحقتش تسال كان حاضنها وباسها حاولت تبعد في الاول بس مقدرتش هي حابه دا كان احساس غريب بالنسبالها واسر فرح جدا انها مقاومتش ولا بعدت ولا زقتوا بعد عنها لما حس احتياجها للهواء
هاجر كانت مكسوفه جدا ووشها بلا شبه الطماطم وباصه في الارض
هاجر بكسوف : اي الي انت عملتوا دا
اسر ببرائه : عملت اي
هاجر بخجل: يعني مش عارف
اسر بمكر: لا بصراحه مش عارف عملت اي
هاجر اتكسفت اكتر
اسر بضحك: ههههههههههه خلاص وانتي شبه الطماطم كدا
هاجر وهي تضربوا ع كتفوا : ع فكره انت بارد
اسر بضحك: انا اسف حلاص
هاجر: طب انا عايزه اروح
اسر بمكر: ليه دا الجو حلو ورومانسي
هاجر وهي تمشي : خليك قاعد فيه انت يا عم الرومانسي
اسر وهو يتحرك وراها : خلاص يامجنونه هوصلك يلا
راحوا العربيه اتحركوا
وهما في العربيه
اسر بمكر: بس والله القاعده كانت حلوه ماتيجي نكررها تاني بكره
هاجر : ابقي كررها لوحدك يااخوياا
اسر بدهشه: اخوياا يعني بذمتك بعد البوسه دي واخوياا طب تيجي ازاي دي
هاجر بتوتر: بطل قله ادب
اسر: حاضر عشان خاطرك بس هبطل
بعد وقت وصلوا البيت
اسر : اول ما تطلعي بصي من البلكونه عشان اطمن
هاجر : يعني هتخطف ع السلم مثلا
اسر: يابنتي هو انت مبتعرفيش تعملي حاجه من غير مناهده شويه
هاجر :لا مبعرفش 😝
اسر بضحك: طب يلا يا هبله
هاجر: متقولش يا هبله
اسر : حاضر يلا يا حبيبتي / حلو كدا
هاجر باستفزاز: لا مش قوي
اسر بغيظ: اطلعي يا هاجر بدل مااطلعك انا
هاجر : هههههه خلاص تصبح ع خير
اسر : وانتي من اهله
طلعت هاجر وسلمت ع باباها ومامتها ولؤي ودخلت الاوضه قعدت ع السرير وفضلت سرحانه فاقت ع رنين فونها لقت اسر
هاجر بفزع: يالهوي دا انا نسيت خالص
دخلت البلكونه بسرعه لقتوا واقف جنب العربيه ردت ع الفون
اسر بغضب: حرام عليكي يا شيخه خضتيني انا افتكرت حصل حاجه
هاجر: اسفه والله كنت بسلم ع بابا وماما ولؤي ودخلت الاوضه ونسيت خالص انك لسه واقف
اسر بحزن: نسيتيني
هاجر حست بوجع لانه زعل : انا اسفه
اسر : لا ولا يهمك عادي المهم اني اتطمنت عليكي تصبحي ع خير
هاجر حست انو لسه زعلان : انت لسه زعلان صح
اسر : لا ابدا مش زعلان انا كنت خايف عليكي بس
هاجر: انا اسفه والله
اسر: خلاص ياجوجو انا مش زعلان
هاجر: ماشي تصبح ع خير
اسر: وانتي من اهله
قفل اسر معاها وركب عربيتوا ومشي وهي دخلت خدت شاور ولبست بيجامه مريحه وقعدت ع السرير سرحانه بتفتكر كل حاجه عملها اسر معاها النهارده لحد ما وصلت للبوسه وحطت ايديها ع شفايفها وابتسمت بعد كدا نامت من التعب
💖💖💖💖💖💖💖💖💖
في صباح يوم جديد
عند هاجر صحيت خدت شاور ولبست وخرجت
خالد: صباح الخير يا حبيبتي
هاجر: صباح الخير يا بابا
لؤي: ايوا يا عم مين قدك دلوقتي بتخرج و احنا متبهدلين في الشغل
هاجر: متقلقش يااخوياا هو هنروح نحجز الكوافير وهرجع الشغل
لؤي: اسر هو الي قالك كدا
هاجر: لا انا الي قولت كدا انا الي عايزه ارجع الشغل
لؤي: مانتي فقريه هقول اي يعني واحده مش عاجبها الخروج وحابه الشغل هتبقي اي غير انها فقريه
هاجر: ملكش دعوه انا فقريه
خالد: مش هنخلص من خناقات كل يوم دي يا بني انتوا كبرتو بطلوا التفاهه الي فيكوا دي
هاجر : الله مش هو الي بدا الاول وبيقول علياا فقريه
خالد: معلش يا حبيبتي هو اهبل ملكيش دعوه بيه
لؤي: نعم مين دا الي اهبل
هاجر: انت الي اهبل 😂😝
لؤي: بت هقوم اضربك
هاجر: متقدرش اصلا😝
لؤي وهو يجري وراها : طب والله ماهسيبك
هاجر وهي بتجري : مش هتمسكني 😝
في اللحظه دي اسر خبط ع الباب وهاجر جريت فتحت الباب ولؤي كان بيجري وراها هاجر استخبت ورا اسر ولؤي بيحاول يمسكها بس مش عارف لان اسر مغطيها لانو طول بعرض
لؤي: اوعي يااسر /ثم وجه كلامو لهاجر/ سيبيه يازفته
هاجر وهي ماسكه فيه جامد: لا مش هسيبوا انت هتضربني ثم وجهت كلامها لاسر / اسر ونبي ماتبعد دا هيضربني
اسر كان بيتفرج ع منظرهم وبيضحك بس اتبسط ان هاجر قريبه منو وشبه حضناه
اسربضحك: اي الاطفال دي
خالد: والله دا الي يقولوا ع طول يابني
هاجر: يا بابا هو الي بيقول علياا فقريه يعني اسكتلوا يعني
اسر : انت بتقول ع مراتي فقريه ياض
هاجر حست بشعور غريب لما قال مراتي بس فرحت
لؤي: انت تصدق عليا كدا يا كبير بردوا
اسر: اه اصدق بصراحه
لؤي:خلاص يا كبير حقك عليا
اسر: ماشي يااخوياا / ثم التفت الي هاجر مش يلا بقاا ولا اي
هاجر: اه يلا انا جاهزه
اسر: طيب يلا
خرج اسر وهاجر واتحركوا
هاجر: دلوقتي نروح الاول لهدير عشان ال DNA
اسر: طب مش نروح نفطر الاول
هاجر: لا خلينا نروح الاول
اسر: ماشي
راحوا القاعه خدوا هدير وراحوا المستشفي
هاجر للدكتور: لو سمحت يا دكتور كنا عايزين نعمل DNA
الدكتور : طب اتفضلوا معانا حضرتك
هاجر : اوك
💖💖💖💖💖💖💖💖💖💖
في مكان بعيد
شخص : جبتلك يافندم المعلومات عن القائد بتاع الفريق
شخص اخر: فين
شخص: اهي يا باشاا اتفضل
خد الملف وشافوا
شخص اخر: دا لازم نخلص منو
شخص: بس يا بااشا دا صعب دا معروف جدا وكدا هنفتح العيون علينا
شخص اخر: لا مش صعب خلص عليه انت بس واي حاجه تاني احنا هنحلها
شخص: ماشي يا بااشاا
شخص اخر : تنفذ النهارده
شخص: حاضر يا باشاا عن اذنك
💖💖💖💖💖💖💖💖💖💖
عند نورهان
كانت في الاداره
ساره بهمس لمروان: يلا دلوقتي يامروان
مروان: ماشي
راح مروان لنور وشافوا سيف
مروان: عامله اي يانور
نور: الحمد لله يامروان وانت عامل اي
مروان: الحمدلله / ثم اكمل بهمس / المهم انت خلعتي ازاي من العقاب
نور بضحك: بلاش ونبي انا نفسي مش عارفه ازاي
مروان بضحك: ههههههههههه لا يا شيخه طب ازاي دي
نور : مش عارفه هو حالي فجاه وقالي خلاص روحي فا انا بصراحه مصدقت روحت جريت
مروان:ههههههههههه انتي نكته يا نور
سيف اتعصب جدا هو مسمعش حاجه بس شافهم وهما بيضحكوا
سيف بغضب وغيره: ممكن اعرف اي الي بيضحكوا اوووي كدا
نور : وانت مالك
مروان بهمس ليها: لا وحيات ابوكي اكلمي حلو عشان مينفخناش
سيف بغضب: لا مالي ع فكره احنا في شغل مش في كباريه
نور: واحنا مش بنعمل حاجه غلط احنا بنهزر عادي يعني
سيف بغضب: لا الهزار دا بره الشغل مش هنا
نور بلا مبالاه : ان شاء الله
سيف بغضب: ماشي يا نور
خرج سيف بره الاداره خالص متعصب
وركب عربيته وساق باقصي سرعه وفجاه
💖💖💖💖💖💖💖💖💖💖
اول حاجه اسفه ع التاخير بس الفون كان فاصل
ثاني حاجه اسفه ع كلمه فجاه للناس الي بتخاف منها بس لازم تتكتب
واتمني البارت يعجبكوا 😘😍
أنت تقرأ
احببت عنادك... بقلمي/هاجر هشام
Acakروايتي تتحدث عن فتاه عنيده جدا وهي تعمل ظابط شرطه تقع في طريق القاسي
