عند نورهان في المستشفي
كانت عماله تعيط وسيف بيهدي فيها وفجاه دخل اللواء محمد باباها
اللواء وهو بيحضنها: نور حببتي حمدلله ع السلامه ياقلبي
نور: الله يسلمك يا باابا وحشتني اووي
اللواء: وانتي اكتر وحشتيني جدا كنت خايف عليكي اوووي كنت بتعذب اول مااعرفت انك اتخطفتي
نور: انا كويسه يا بابا متخافش
سيف: احم احم ازي حضرتك يا سياده اللواء
اللواء: ازيك ياسيف معلش اعذرني مخدتش بالي منك كنت مرعوب عليها
سيف: ولا يهمك يافندم الحمدلله انها رجعت بالسلامه
اللواء: الحمدلله والفضل يرجع ليك بعد ربنا طبعا
سيف: انا معملتش غير واجبي يا فندم وحمدلله ع سلامه نور مره تانيه استاذن انا
اللواء: اتفضل يابني
خرج سيف ونور فضلت في حضن باباها بعد ساعتين الدكتور كتبلها ع خروج وهي غيرت هدومها ولبست ونزلت مع باباها لحد ماخرجوا بره المستشفي واتفاجاوا بسيف ساند ع عربيته كان مستنيهم
نور بغباء : اي دا انت بتعمل اي هنا
سيف: مفيش لقيت نفسي فاضي قولت اقف شويه قدام المستشفي اشم شويه هوا
اللواء ضحك عليهم
نور بغضب: انت بتتريق
سيف: اعملك اي اصل سؤالك غبي بصراحه هكون بعمل اي هنا يعني هوصلكوا طبعا
نور: ومين قالك اني هركب معاك انا هركب مع بابا
اللواء : بصراحه يا حببتي انا مجتش بالعربيه لان السواق تعبان انهارده فا اضطريت اجي بتاكسي
سيف بصلها بانتصار
نور ببرود : خلاص نركب تاكسي عادي
سيف: مش هتركبي تاكسي اتفضلي اركبي يلا هو عند وخلاص
نور: انت مالك براحتي اركب زي مانا عايزه
اللواء: نور حببتي انا تعبت من الوقفه تعالي نركب مش هقدر اقف لحد ماتوقفي تاكسي
نور ع مضض: ماشي يا بابا
وفعلا ركبوا عربيه سيف وهو كان بيبوصلها بانتصار وهي بتبص بغيظ ركب اللواء قدام جنب سيف ونور ركبت ورا وبعد وقت وصلت نور اخيرا الي منزلها
نور: يااه كل مااقول اني خلاص رجعت البيت القي حاجه تحصل وابعد 😂😂انا شاكه في البيت دا
اللواء بضحك: هههههههههه لو عايزه اغيرهولك ياقلبي
نور: ونبي انا الي عايزه اتغير يعني يوم عيد ميلادي اتخطف لا حقيقي كانت هديه تحفه 😂😂😂
اللواء طلع
سيف بضحك: انتي الي فقريه نعملك اي يعني 😂😂
نور بغيظ: بني ادم بااارد وغلس
سيف: الله مش انتي الي بتقولي كدا ع نفسك
نور بغضب: انا اقول انت لا
سيف : يلا يابت اطلعي بدل مااخدك دلوقتي ع الشغل والعقاب اظن فاكراه
قبل مايكمل الجمله ملقهاش قداموا قعد يضحك عليها 😂😂😂😂😂😂😂😂بعدها روح هو كمان خد شاور ولبس ونام وهي اول ما طلعت
الام بصدمه: اي دا مين عمل فيكي كدا
نور حكتلها ع كل حاجه
الام بفزع: يعني انتي كنتي مخطوفه وانا معرفش كل دا ثم اكملت بغضب وزعيق وانت ازاي متقوليش يامحمد
محمد: مكنش ينفع تعرفي خالص الموضوع كان سري لان لو حد كان عرف كانت بنتك هتبقي في خطر
نور: يا ماما يا حببتي انا كويسه قدامك اهو خلاص بقا
الام: كويسه فين وانت واخده رصاصه انتي غبيه يابت
( تقريبا طوله اللسان والهبل دا وراثه يا جماعه 😂😂😂)
نور : هههههههه ياحببتي دي حاجه بسيطه متقلقيش علياا المهم دلوقتي انا عايزه انام مهدوده جدا وتعبانه
الام: تعالي ياحببتي ادخلي اوضتك خدي شاور ونامي
نور: حاضر ياقلبي تصبحوا ع خير
الام والاب : وانتي من اهلوا ياحببتي
دخلت نورهان خدت شاور وغيرت ونامت
💝💝💝💝💝💝💝💝💝
عند هاجر
هاجر : منار انتي هتيجي معايا انتي واخوكي ومامتك هتعيشوا معانا
منار باعتراض: لا احنا هندور ع شقه ونعيش فيها
هاجر: من هنا لحد ماتشوفوا الشقه وتجهزوها
هتعيشوا معايا ومن غير بس دا امر
او فيه حاجه تاني فيه شقه فوقينا ع طول فاضيه تقدروا تقعدوا فيها عشان تبقوا ع راحتكوا
منار: ياحببتي مش عايزه اتقل ع حد
هاجر: لو قلتي الكلمه دي تاني هزعل منك ومش هكلمك تتقلي ع مين انتي هبله انتي اختي وبعدين مش انا بردوا كنت عايشه عندكوا لما كنت في القاهره وبعدين انتي هتقلي ع حد هتقعدوا في شقه لوحدكوا
منار: خلاص هقول ل عمر وماما
هاجر : ماشي قولي انتي لعمر وانا هقول لطنط
منار: ماشي
راحت منار تقول لعمر وبعد محايلات وافق وراحت هاجر لمامت منار والحمدلله وافقت
وراحوا كلهم بيت هاجر استقبلتهم سلوي وخالد بترحيب شديد
سلوي: والله نورتونا
(مامت منار اسمها رقيه)
رقيه: بنورك والله يا حببتي
خالد: بصوا انتوا انهارده هتباتوا معانا وانا كلمت مرات البواب عشان تنضف الشقه الي فوق وان شاء الله تخلص بكره فا هتقعدوا انهارده هنا
عمر: والله احنا مش عايزين نتعب حضرتك عادي نطلع احنا وهنضفها
خالد: لا طبعا تعب اي ودي تيجي بردوا انتوا هتقعدوا معانا ولا البيت مش قد المقام
عمر: لا لا ابدا ياعمي بيتكوا حلو جدا خلاص احنا موافقين
خالد: تمام انت هتقعد مع لؤي في. اوضته ومنار مع هاجر ومدام رقيه في اوضه فاضيه
وخلص اليوم وكل واحد دخل الاوضه ونام
💝💝💝💝💝💝💝💝💝💝💝
شخص: للاسف يافندم احنا روحنا ملقناش اي حاجه ومحدش كان موجود فا ولعنا في الشقه
شخص اخر بعصبيه :يعني اي ملقتوش حاجه
شخص بخوف : والله يافندم دا الي حصل
شخص اخر: مين اصحاب الشقه دي
شخص: واحد اسمو عمر مهندس بترول والشقه تبع الشركه بتاعتوا وبنت اسمها منار ظابط متخصص في هندسه كمبيوتر والام اسمها رقيه
شخص اخر: يبقي هي البت دي هي الي هكرت الحساب
شخص: ايوا يافندم
شخص اخر: انا عايزك تراقبلي البت دي وتعرفلي عنها كل حاجه، نقطه ضعفها ،بتشتغل مع مين
شخص: حاضر ياباشااا
💝💝💝💝💝💝💝💝💝💝💝
تاني يوم الصبح
عند هاجر
صحيت وخدت شاور ولبست كانت صحيت منار هي كمان خدت شاور بس مكنش معاها لبس لانو اتحرق مع الشقه / خرجت بالبرنس
منار باحراج : هاجر بصراحه انا هدومي اتحرقت مع الشقه
هاجر بابتسامه: خدي ياهبله كنت مجهزاهملك البسي دا وبعد كدا متكسفي انا اختك ياهبله
منار بابتسامه: ربنا يخليكي لياا يارب
هاجر: ويخليكي لياا يلا البسي بسرعه عشان نلحق نروح الشغل
منار: حاضر
دخلت منار الحمام تاني ولبست وخرجت سرحت شعرها وخرجت بره الاوضه
عند عمر ولؤي
عمر صحي خد شاور وخرج لقي لبس عرف ان لؤي طلعلوا لبس خدو ودخل الحمام غير وخرج ودخل بعديه لؤي خد شاور ولبس وخرج بره الاوضه
لقوا سلوي ورقيه بيحضروا الفطار
هاجر: الله بجد حلو اووي الجو الاسري دا بجد
سلوي: اه والله عندك حق يا هاجر
لؤي: اه والله انتوا ماليين علينا البيت كدا حاسس ان فيه فرحه وحب حاجه حلوه كدا
رقيه : شكرا دا من ذوقكوا والله
هاجر: والله احنا مش بمجامل انا بتمني نعيش مع بعض ع طول هنا
لؤي وهو بيبص لمنار بحب: اه والله وانا
هاجر خدت بالها وفرحت جدا ومنار اتكسفت من نظراتوا
هاجر : انا عندي فكره
الكل: اي
هاجر: احنا نتجمع هنا يومين في الاسبوع واظن سهل احنا كدا كدا فوق بعض يعني عادي
لؤي بفرحه: انا موافق طبعا وياريت لو يبقوا الاسبوع كلوا
خالد وسلوي: وانا موافق/ه طبعا
منار : انا موافقه
عمر ورقيه: موافقين
هاجر بفرحه: اشطاا هيبقي احلي يومين في الاسبوع و ع راي لؤي ياريت الاسبوع كلوا
رقيه: بس انا عندي شرط
الكل انتبه ليها
سلوي: شرط اي يارقيه
رقيه: احنا هندفع ايجار الشقه زينا زي اي حد جاي يأجر عادي
خالد باعتراض: لا طبعا لا يمكن يحصل ابدا
رقيه: ارجوك وافق عشان نبقي قاعدين براحتنا منحسش اننا تقال ع حد والا هنشوف شقه بره وخلاص
هاجر باعتراض: لا لا شقه بره اي خلاص احنا موافقين ياطنط الي تحبيه وكمان عشان تبقي مرتاحه
عمر: يبقي كدا اتفقنا
خالد: خلاص ماشي
💝💝💝💝💝💝💝💝💝
عند اسر في البيت
صحي خد شاور ولبس ونزل لقي اختوا ومامتوا بيفطروا
اسر: يا خاينين بتفطروا من غيري
روفيدا وهي تاكل: واحنا نقدر بردوا انا قولت لماما مش هنلمس الاكل غير لما اسر ينزل
اسر بتريقه: اه ماهو واضح انك مستنياني امال لو مش مستنياني كنتي عملتي اي كنتي كلتيني
فريده بضحك: ههههههههه لا كانت كلتني
روفيدا بغيظ: كدا يا ماما انتي كمان بتتريقي علياا طب مش واكله سديتوا نفسي
اسر بصدمه : كدا سدينا نفسك دا انتي ناقص تاكلينا
روفيدا : بااارد
اسر افتكر لما هاجر بردوا كانت بتقولوا بارد ولقي نفسوا تلقائيا بيبتسم لكن سريعا رجع كما هو
اسر : انتي جبتي الكلمه دي منين يازفته
روفيدا ببرائه : من واحده صحبتي
اسر : متعرفيهاش تاني
روفيدا بصدمه: اي لا طبعاا دي اغلي صاحبه عندي مستحيل ابعد عنها
اسر : ليه مين دي يعني
روفيدا : دي هاجر صحبتي
اسر ضحك
روفيدا باستغراب: انت بتضحك ع اي
اسر بجديه: لا مفيش انا ماشي يلا سلام
روفيدا وفريده : سلام
💝💝💝💝💝💝💝💝💝💝
شخص: عرفت هتعمل اي
شخص2: ايوا يا بااشاا انت تؤمر
شخص: تمام يلا سلام ولما تخلص بلغني
شخص2: حاضر يا باشااا سلام
💝💝💝💝💝💝💝💝💝💝
عند نورهان
صحيت تاني يوم الصبح خدت شاور ولبست ونزلت تفطر
اللواء: ارتاحي يا حببتي خلاص القضيه خلصت وتقدري تاخدي اجازه
نور : اه فعلا يابابا انا تعبانه اوووي بس بردوا زهقانه من قعده البيت
اللواء: خلاص خدي مااما وروحي النادي
نور: بفكر اعمل كدا فعلا
اللواء: ماشي ياقلبي انا ماشي عايزه حاجه
نور: لا عايزه سلامتك ياحبيبي
مشي باباها وهي طلعت اوضتها قعدت ع اللاب شويه
💝💝💝💝💝💝💝💝💝💝
عند هاجر
راحوا كلهم المكتب ومنار قعدت ع اللاب تشتغل عليه واكتشفت حاجه
منار بصدمه : اي دا
الكل : في اي
منار: الحساب الي انتوا عايزني اخترقوا هو نفس الحساب الي اخترقتوا من كام يوم وهو السبب ورا خرق الشقه
هاجر بصدمه: اي دا ازاي انا مش فاهمه حاجه
منار : انا هفهمك / حكتلها ع كل حاجه
هاجر : يعني هما عرفوا مكانك عشان كدا ولعوا في الشقه
منار : بالظبط
هاجر: كدا يبقي هما عرفوكي
منار : دا اكيد
هاجر: طب والحل اي دلوقتي هما كدا اكيد هياذوكي
لؤي بخوف: لا طبعاا محدش يقدر يلمسها
الكل بصلوا باستغراب ماعدا هاجر واسر لانهم فهموا ان لؤي خايف ع منار
اسر : مفيش غير انك تاخدي بالك من نفسك وخلي معاكي الجهاز دا ع طول
منار باستغراب : اي دا
اسر : دا جهاز تتبع يعني مجرد ماتدوسي عليه هنعرف مكانك ع طول
هاجر عجبها جدا طريقه تفكيرو وسرعه تصرفوا
منار: تمام
( الجهاز كان عباره عن انسيال مش بيبان خالص انو فيه جهاز تتبع يبان انسيال عادي وشيك)
💝💝💝💝💝💝💝💝💝
عدي اليوم وكلهم روحوا ماعدا هاجر كان وراها شغل
هاجر بتعب: اه مش قادره كل دا شغل
بعد وقت خلصت
هاجر: اخيرا خلصت
هاجر لمت الاوراق وحطتهم في درج المكتب وقفلت بالمفتاح وخرجت نزلت من القسم وراحت الجراچ عشان تركب عربيتها لكن فجاه
💝💝💝💝💝💝💝
عند نورهان كانت قاعده ع اللاب فاتحه الفيس لقت طلب صداقه باسم زائر الفجر
نور بضحك: لا الحقيقه مش بقبل حد في وقت متاخر 😂😂😂😂قال زائر الفجر قال
وبعديها جالها طلب صداقه اخر باسم /سيف ايهاب
قبلتوا
دخل سيف كلمها
سيف: عامله اي دلوقتي
نور: الحمدلله بقيت احسن
سيف: الدكتور مقالكيش هتقدري تحركي ايديك امتي
نور: قال اسبوع وهتبقي كويسه
سيف: طب كويس / بتعملي اي دلوقتي
نور: مفيش قاعده في البيت ع النت مش بعمل
سيف: مزهقتيش من قعده البيت
نور: بصراحه زهقت جدا وهموت وانزل بس مش لاقيه حد انزل معاه
سيف: طب ماتيجي نروح النادي انا بردوا زهقان من قعده البيت
نور بفرحه: ياريت والله
سيف: خلاص قومي البسي وانا ساعه وهتلاقيني تحت البيت
نور: فوريره واكون جاهزه
قامت نورهان خدت شاور ولبست فستان عند الركبه بثلث كم لونو بينك وسيبت شعرها وحطت ميك اب خفيف جدا ولبست كوتشي
وخلال نص ساعه كانت جاهزه قعدت استنت لحد مايجي وبعد ربع ساعه رن عليها : انزلي يلا انا تحت
نزلت نورهان وهو اول ما شافها سرح في جمالها
سيف بانبهار: الله انتي جميله اوووي
نور بكسوف: ميرسي
بعدها فتحلها باب العربيه ركبت وهو كمان ركب الناحيه التانيه واتحرك بالعربيه بعد بضع دقائق
نور باستغراب: دا مش طريق النادي
سيف: ماهو بصراحه بعد اللبس دا مش عايز نادي فا انا قولت نروح مكان احلي بكتير
نور: مكان اي
سيف: استني شويه وهتعرفي
سكتت نور شويه بعد كدا اتكلمت
نور: طب احنا رايحين فين
سيف:ههههههههه انا عارف متقدريش تقعدي ساكته خمس دقايق ع بعض / بس بردوا مش هقولك
نور : غلس
سيف: عارف
بعد وقت قليل وصلوا للمكان
نور بانبهار: واو المكان جميل اوووي
المكان مطعم ع البحر شيك جدا ورائع جدا
سيف: عجبك المكان
نور بانبهار: جدا المكان روعه
مسكها من ايديها ودخلوا المطعم وقعدوا
سيف: تطلبي اي
نور: مش عارفه اي حاجه عادي
سيف: خلاص هطلبلك ع ذوقي
سيف طلب العشاء وبعديها اشتغلت مزيكا هاديه في المكان وفجاه
💝💝💝💝💝💝💝💝
نكمل بكره بقاا اتمني البارت يعجبكوا 😘😘
💝💝💝💝💝💝💝💝💝💝
أنت تقرأ
احببت عنادك... بقلمي/هاجر هشام
Acakروايتي تتحدث عن فتاه عنيده جدا وهي تعمل ظابط شرطه تقع في طريق القاسي
