عند اسر وهاجر
راحوا كلهم مكتب اللواء خبطوا ودخلوا
الكل: تمام يافندم
اللواء: اتفضلوا يا شباب اعرفكوا ع الرائد منار عبدلله
كلهم بصوا ناحيتها وكانت الصدمه من نصيب هاجر
ومنار
هاجر بفرحه: مناااار
منار بفرحه: هااااجر
لؤي بضحك: اي ياجماعه جو العشق الممنوع دا
كلهم ضحكوا
اسر : انتوا تعرفوا بعض
هاجر: ايوا منار صحبتي اتعرفت عليها لما كنت في مهمه في القاهره وكانت زميلتي
منار: وكانت احلي مهمه 😍
هاجر: 😂😂😂😂لسه زي ماانتي متغيرتيش
منار: يعني انتي الي اتغيرتي
اسر : هما دول البنات مش هيتغيروا دا طبع فيهم
هاجر وهي ترفع حاجب : ومالهم البنات يااستاذ اسر
اسر: رغايين زيكوا كدا وسايبين الشغل وعمالين تتعرفوا
منار كانت لسه هتتكلم بس هاجر وقفتها : سيبيلي انا الطالعه دي
منار : لكي ذلك يااختشي 😂
هاجر : والله يااستاذ اسر دي حاجه متخصكش نرغي نولع نضرب بعض دا ملكش دعوه بيه ثم انت اي الي مزعلك نكلم ولا نعمل الي احنا عايزينوا هو احنا بنكلم ببوقك انت
منار : الله عليك يابرنس لسه زي ماانتي
لؤي: يالهوي ع كسفتك يا حازم
اسر بغضب: ماشي يا هاجر حسابك تقل اووي معاياا
هاجر ببرود : طب ابقي حوشهم وقولي بقوا كام 😒
( هما تقريبا نسيوا انهم في مكتب اللواء ولا اي 😂😂😂)
اللواء بزعيق : انتباه ياحضرات / اي لعب العيال دا انا كذا مره قولتلكوا المشاكل الشخصيه بره الشغل مش هنا / لو حصل الكلام دا تاني هيبقي فيه عقاب ليكوا ( وكان قصدوا ع اسر وهاجر) مفهوم
الكل : مفهوم يافندم
اللواء: لا اسمعها من اسر وهاجر
اسر وهاجر : مفهوم يافندم
اللواء: دلوقتي عرفتي المطلوب منك اي يامنار
منار: ايوا يافندم
اللواء: خلاص تمام اتفضلوا
الكل: تمام يافندم
💝💝💝💝💝💝💝💝💝
عند سيف ونورهان
عدي اليوم وتاني يوم الصبح
دخل محسن الاوضه كانوا نايمين الاتنين مسك جردل مايه ورشوا عليهم
سيف ونور قاموا مخضوضين وبصوا حواليهم لقوا محسن واقف عرفوا ان هو الي عمل كدا
نور بغضب: اي الي انت عملتوا دا انت متخلف
محسن ضربها بالقلم : قولتلك لسانك ميطولش ياقطه عشان مقتلكيش
سيف بغضب: قولتلك متلمسهاش والي عايزوا انا هنفذو ملكش دعوه بيها
محسن : طب يلا عشان قدامك ثلاث ساعات وعربيه الترحيلات تتحرك ع المكان .......... / رجالتي هيوصلولك لمكان قريب ولو حصل اي غدر انت عارف هيحصل اي
سيف: ماشي هنفذ بس لو لمست شعره منها هقتلك وهقتل الراجل بتاعك كمان
محسن: انا مبتهددش يا بااشاا ولو عايز اعمل حاجه اقدر اعملها بس مش دا الي انا عايزو
خرج محسن وامر الرجاله يفكوه وياخدوا بعد ما غموا عنيه وسابو نورهان /ركب سيف العربيه وهما مكتفينو ومغمين عنيه وعندما وصلوا الي مكان قريب نزلوه ومشيوا بالعربيه وهوا فك القماشه الي ع عنيه وفتح عنيه لقاا نفسوا ع طريق سريع وقف عربيه كانت ماشيه ع الطريق وطلب منو يوصلوا لفندق وهو راكب معاه طلب منو الفون وكلم باسم
سيف: باسم انا سيف اسمعني دلوقتي مش وقت شرح قدامك نص ساعه وتكون عندي ومعاك قوه كبيره وهات باقي الفريق بسرعه مفيش وقت لازم ننقذ نورهان قبل ساعتين
باسم: طب انت فين اجيلك فين
سيف : فيه فندق جنب القسم انا هقعد فيه عشان هما اكيد بيراقبوني دلوقتي فا لازم اكون بعيد انت هتروح مكان........... دا المكان الي هما نزلوني فيه هتستناني هناك وانا هخرج من الباب الخلفي وهجيلك ع هناك / عايزك تعرفلي مزرعه قريبه من المكان دا
باسم : طيب ماشي نص ساعه وهكون عندك
وفعلا باسم جمع الفريق وقوات وبلغ اللواء محمد وفي خلال نص ساعه كان هناك وعرف ان فيه مزرعتين قريبين من المكان الي نزلوا سيف فيه
وسيف وصلهم هناك
والخطه كانت
سيف: بص يا بااسم انت وساره ومريم والقوه هتروحوا المزرعه دي وانا ومروان هنروح التانيه مع بعض القوات
باسم : طب انت معاك العدد قليل كدا فيه خطر لو طلعت في دي
سيف: لا متقلقش انت انا عامل حساب كل حاجه
باسم : طيب خلي بالك من نفسك يا صاحبي
سيف: حاضر يلا عشان مفيش وقت
💝💝💝💝💝💝💝💝
عند نورهان
سيف كان فكك ايديها بس حطوا الحبل تمويه ليهم
قامت نورهان بسرعه فكت ايديها ورجليها وفضلت تتسحب ناحيه الباب تسمع اي حد بره لكن مسمعتش اي نفس راحت مطلعه بنسه من شعرها وحاولت انها تفتح الباب مره واتنين واتفتح بعديها ملقتش حد بره فعلا الحراسه كانت بره المزرعه خالص محاوطاها من جميع النواحي لكن فجاه سمعت صوت جاي من اوضه جنبها كان صوت محسن ومعاه راجلين سمعت محسن وهو بيقول: اول مايجي بالراجل بتاعي انت عارف هتعمل اي
الراجل: ايوا يا بااشااا
محسن: تخلصوا عليهم عايزه تبان جريمه شرف اظن فاهمني والمتهم سياده اللواء باباها
الراجل : طبعا يا بااشاا
نورهان اتفزعت ورجعت لورا بذهول ولفت عشان تجري بس كان فيه كوبايه ع التربيزه وهي بتلف وقعت اتكسرت
محسن : اي دا مين بره
الراجلين جهزوا مسدساتهم وخرجوا لقوا الكوبايه مكسوره
محسن: مين الي كسر دي /وبعدين بص ع الاوضه الي كان فيها نورهان لقاها مفتوحه
محسن: البت هربت حد يلحقها بسرعه
نورهان نطت من شباك لان المزرعه كإنت في الدور الارضي بيطلع ع الجنينه ع طول فضلت تجري فجاه لقت بودي جارد قصادها ضربتوا في ناحيه الي عند الرقبه بحيث يغمي عليه ع طول وكملت جري وسمعت ضرب نار وراها وهي بتجري
محسن: انتوا مستنين اي يااغبيه هاتوها بسرعه
كلهم جريوا وراها وكانوا حوالي سبعه بس هي كانت سريعه جريت وصلت عند البوابه بس لقتها مقفوله حاولت تنط بس السور كان طويل اوووي
محسن: مش هتقدري تهربي ياحلوه خلاص دا اخرك
نورهان بغضب: صدقني هتندم ومش انا الي استسلم بسهوله لو راجل واجهني واوريك هعمل فيك اي لكن انت مش راجل انت بتحتمي في شويه البودي جارد الي حواليك دول
محسن اتعصب جدا وضربها رصاصه في كتفها
محسن بغضب: هاتوها
راحوا اتنين ع نورهان بس هي ضربتهم لكن مقدرتش بسبب الرصاصه الي في كتفها ومسكوها فعلا لكن فجاه
💝💝💝💝💝💝💝💝💝💝
في مكان بعيد
شخص : عرفت المكان يافندم
شخص2: فين بسرعه
شخص : العنوان............
شخص2 عمل مكالمه : الو بص خد العنوان دا اي حد فيه تجيبوا و تولع في الشقه خالص انت فاهم ولو لقيت لاب تجيبوا
💝💝💝💝💝💝💝💝💝
عند نورهان
فجاخ لفت الراجلين الي كان مسكينها واقعين ع الارض وغرقانين في دمهم بصت وراها لقت باسم ومريم وساره وقوات
باسم : سلم نفسك يا محسن احسنلك
محسن : لا مش هسلم نفسي / محسن امر جالته بالهجوم عليهم وفي وسط ضرب النار استغل انشغال رجال الشرطه وهرب لكن فجاه لقاا سيف في وشو
سيف: ع فين يامحسن بيه دا لسه الحفله بدا حتي
محسن وهو يوجه المسدس ناحيته: ابعد عني احسن مااموتك
سيف: عادي يامحسن بيه مانا كدا كدا كنت هموت اي الجديد يعني
محسن استغرب شجاعته وانو مخافش فا بدا يخاف وسيف استغل التشتت بتاعوا ورمي المسدس بعيد عنو وفضل يضرب فيه بغل وغيره
سيف يغضب : دا عشان ضربك لنور
وهو يضربه بوكس اخر : ودا عشان الرصاصه الي ضربتهالها فضل يضرب فيه بغل وغضب لكن لحقه باسم : كفايه يا سيف هيموت في ايدك
سيف بغضب: مايموت ولا يغور في ستين داهيه
باسم: مينفعش يا سيف احنا عايزينوا حي
محسن بتعب: اقسم بالله ماهسيبك فاكر انك لما تقبض علياا هتخلص من شري دا انا هندمك ع اليوم الي وقفت فيه قصادي
سيف بغضب: وانا بقاا عايز اندم وضربوا تاني
باسم مسكوا وبعدوا عنوا وتم القبض عليه ونقل نورهان للمستشفي
💝💝💝💝💝💝💝💝💝💝
عند هاجر واسر
خرجوا من عند مكتب اللواء وهما متعصبين جدا ومحدش فيهم طايق التاني
منار بهمس للؤي: هما بيتخانقوا كدا ع طول
لؤي بهمس: يوووووه دا من اول مااشافوا بعض خناق
منار: الله يكون في عون اسر بصراحه هاجر مش ساهله
مؤمن: يبقي متعرفيش اسر لانك لو تعرفيه كان زمانك بتقري الفاتحه ع هاجر
منار بذهول: ياااه لدرجادي
لؤي: واكتر يااختشي 😂
منار بضحك: هههههههه دا انت مسخره
لؤي: الله يكرم اصلك 😂
منار بضحك: خلاص مش قادره 😂
دخلوا المكتب وحل الصمت
قطع الصمت دا منار : وحدوووووووه
الكل : لا اله الا الله
منار : اي يا جماعه الصمت دا لا كدا همل بسرعه وانا مش بعرف اشتغل غير لما اكون مفرفشه / فرفشني يا ببلاوي 😂😂
كلهم ضحكوا جامد
لؤي: يخربيتك لا حقيقي انتي نكته 😂😂😂
منار : يلا اي خدمه ضحكتكوا اهو بدل النكد دا
مؤمن: اه والله الواحد من غيريك كان مات من النكد
منار بغرور: عارفه عارفه انا محدش يقدر يستغني عني
هاجر : بسيماما 😒
منار: حاضر
لؤي: لا مسيطره
هاجر: عيب عليك يابني
اسر : خلصنا هزار نبدا جد
منار: طبعاا اتفضل
اسر: دلوقتي احنا عايزينك تخترقي الحساب دا احنا عايزين معلومات عن الصفقه وكل حاجه عنها
منار: بس كدا
اسر: اه
منار : خلاص خلال ايام هيكون المعلومات عندك
اسر: ماشي بس ياريت في اسرع وقت
منار: لا انا مبحبش حد يستعجلني احب اعمل شغل ع رواقه كدا
اسر : يارب صبرني يعني انا كنت مستحمل واحده عشان يجيلي اتنين (قصدوا ع هاجر ومنار)
هاجر: قصدك اي مش فاهمه
اسر: هو انتي حد كلمك دلوقتي
هاجر: ياريت بعد كدا توضح كلامك ولا انت مش قد كلمتك
اسر بعصبيه : بت انتي انا سكتلك كتير اوووي لكن لحد هنا واستوب انا راجل وقد كلمتي اوووي كمان وانا لو عايز اقول حاجه هقولها مش هخاف من عيله زيك ماشي يا ماما فوقي كدا واعرفي انتي بتكلمي مين
هاجر : هكون بكلم مين يعني ظابط وخلاص مش وزير الداخليه يعني
اسر بعصبيه :صدقيني هربيكي ع طوله لسانك دي وقريب اوووي كمان
هاجر : بس انت اخرك فاضي انت بوق وخلاص
اسر بأمر لمنار ومؤمن ولؤي : اطلعوا بره واقفلوا الباب
لؤي باعتراض : لا طبعا مينفعش اسيب اختي لوحدها
اسر بزعيق: قولت اطلع بره يا لؤي
هاجر بتحدي وشجاعه: اطلع يا لؤي ومتخفش علياا انت عارفني كويس
وطلعوا كلهم وفضل اسر وهاجر وهما بيبصوا لبعض بتحدي
اسر قرب منها بعصبيه: يعني انا اخري فاضي وبوق مش كدا
هاجر وهي بترجع لورا بتوتر بس بتحاول تخفيه بتحدي: ايوا
اسر : انتي الي بداتي التحدي لما نشوف بقاا مين الي هيضحك في الاخر ومعاش ولا كان الي يتحداني ابدا
هاجر بتحدي : ليه فاكر نفسك مين انت لا عاش وكان وانا بتحداك يااسر
في اللحظه دي دخلوا منار ومؤمن لؤي
اسر وهاجر بصوا لبعض بغضب وتحدي وكل واحد قعد ع مكتبوا
منار بهمس لمؤمن ولؤي: ربنا يستر تحس اننا حاطين البنزين جنب النار
لؤي بهمس: اه والله عندك حق
قطع همسهم رنين هاتف منار
منار : الو ياحبيبي عامل اي
لؤي حس بالغيره اول ما سمع كلمه حبيبي بس مش عارف السبب
عمر: ............
منار بصدمه : انت بتقول اي طب انا جايه حالا
هاجر : في اي يا منار فيه حاجه حصلت
منار : البيت بيولع 😨
جريت منار وهاجر ولؤي ومؤمن واسر وراها
💝💝💝💝💝💝💝💝💝
عند منار وعمر
وصلت منار لقت اخوها تحت البيت و المطافي بتطفي الحريق
منار بخوف: اي الي حصل يا عمر
عمر: مش عارف انا لقيت حد من الجيران بيكلمني وبيقولي شقتكوا بتولع جريت بسرعه ورنيت عليكي
منار بفزع : ماما هي فين
عمر : ماما بخير الحمدلله كانت في السوق في الوقت دا بتجيب حاجات
منار : الحمدلله انها بخير / امال اي سبب الحريق
عمر بقلق: لسه مش عارفين ثم تذكر شئ/ منار صح هو اللاب معاكي
منار باستغراب: اه بتسال ليه
عمر: كدا انا فهمت كل حاجه
منار باستغراب : فهمت اي انا مش فاهمه حاجه
عمر بخنقه: بعدين يا منار بعدين
وتم تطفيه الحريق طلعوا الشقه كانت متفحمه بمعني الكلمه
اسر : واضح ان الحريق بفعل فاعل
هاجر بتريقه: وعرفت ازاي يا فيلسوف عصرك
اسر : والله لو انتي ظابط شرطه شاطر هتعرفي دا بسهوله
( اوباااا ع الكسفه الي انت فيها يا حازم 😂😂😂)
هاجر بصتلوا بغيظ وسكتت وهو كمل
اسر: لان فيه بنزين ع الارض وكمان باب الشقه مكسور ودا بيدل ان الحريق بفعل فاعل / مؤمن عايزك تسال الي في العماره لو حد شاف حد طالع او نازل كدا ولو حد سمع كسر او كدا
مؤمن: تمام يافندم
اسر : لؤي وانت شوفلي كاميرات العماره وعند المدخل تحت
لؤي: تمام
اسر : وانتي ( قصدوا ع هاجر) هاتيلي كوبايه مايه
هاجر بعصبيه: ليه كنت الخدامه الي جبوهالك ولا اي ماتجيب لنفسك هو انت اكسحت
اسر ببرود: ايوا الخدامه الي جبوهالي ودلوقتي نفذي ياحضره الظابط والا
هاجر : والا اي
اسر : والا متلوميش غير نفسك
هاجر : وانا مش بتهدد والي عندك اعملوا
اسر بهمس ليها : تمام قرار نقل اخوكي هتشوفيه بكره
هاجر بصدمه: انت بتقول اي
اسر : بقول لو منفذتيش كلامي اخوكي هيتنقل ومش بعيد الرتبه الي خدها تتشال
هاجر بغضب: انت اكيد مش بني ادم اكيد حيوان
اسر : لسانك هيطول القرار هيتنفذ
هاحر بعصبيه : ماشي
💝💝💝💝💝💝💝
عند نورهان في المستشفي شالو الرصاصه وبقت كويسه
سيف: حمدلله ع السلامه
نورهان: الله يسلمك
سيف بغضب: انتي اي الي خلاكي عرضتي نفسك للخطر كدا انا سيبت ايديك مفكوكه عشان لو حد دخل وعملك حاجه تقدري تدافعي ع طول مقولتش تخرجي وتعرضي نفسك للخطر
نورهان بغضب: عايزني افضل قاعده مثلا مستنيه حضرتك ويمكن متعرفش تعمل حاجه وتجيب الراجل فعلا لا طبعاا مستحيل يحصل
سيف: انتي شايفاني بالغباء دا اني اهرب مجرم وكمان اعرضك للخطر لا طبعا انا كنت حاسب كل حاجه لكن انتي بغبائك وتسرعك كنتي هتبوظي كل حاجه
نور: دلوقتي طلعت انا كمان الي غلطانه انت عارف لو كنت رجعت كانو هيعملوا فيك وفياا اي
سيف: عارف هيقتلونا فيه غير كدا مثلاا
نور بزعيق: اه فيه فيه انهم كانوا هيحولوها قتل شرف يامتخلف وهيتهموا فيها بابا
سيف بذهول وصدمه مكنش متخيل انو يوصل لدرجه دي
نور قعدت تعيط صعبت عليه جدا
سيف بأسف: نور انا اسف انا بس خوفت يحصلك حاجه عشان كدا اتعصبت انا مكنتش متخيل انو يوصل بيه لدرجه دي
نور بعياط: ولا انا كنت متخيله بس انا سمعتوا بوداني وهو بيقول كدا معرفتش اعمل حاجه غير اني اهرب
سيف: خلاص انا اسف حقك علياا
نور: وانا بردوا اسفه اني زعقت فيك
قطع كلامهم اللواء محمد دخل وفجاه
💝💝💝💝💝💝💝💝💝
نكمل بكره تصبحوا ع خير
💝💝💝💝💝💝💝
أنت تقرأ
احببت عنادك... بقلمي/هاجر هشام
Nezařaditelnéروايتي تتحدث عن فتاه عنيده جدا وهي تعمل ظابط شرطه تقع في طريق القاسي
