احببت عنادك... بقلمي/هاجر هشام

البارت28

عند نورهان رجعت الاداره ودخلت للواء
نورهان: خير يافندم حضرتك رجعتني ليه
اللواء: انا اسف يا نورهان حصل لخبطه ومش انتي الي هتطلعي المهمه دي
نور: امال مين يافندم
: انا
لفت نور لقت
نور: مريم
اللواء: اه مريم هي الي هتروح
نور: اشمعنا يافندم
اللواء: للاسف يانور انتي معروفه جدا لان باباكي لواء بردوا فدا هيسبب مشكله كبيره وخطر عليكي فااختارنا مريم
نور: بس يافندم انا كنت عايزه اطلع المهمه دي
اللواء: خلاص يانور مفيش وقت دلوقتي ادي لمريم الهدوم والبطاقه ارميها احنا عملنالها واحده جديده بنفس الاسم بس غيرنا الصوره
نور: تمام يافندم اتفضلي يا مريم الهدوم اهي عن اذن حضرتك يافندم
رجعت نور المكتب وهي متعصبه جدا
سيف باستغراب: اي دا في اي مالك ومروحتيش ليه المهمه
نور بعصبيه: خدوا مريم مكاني قال اي عشان انا معروفه مش فاهمه هما لسه عارفين دلوقتي انا بابايا لواء ولا اي مش فاهمه
سيف بمكر حاول يخفيه : عاادي يا نور فيه مهمات كتير جايه مجتش ع دي يعني
نور بغضب: اه مانت شمتان فياا عشان مروحتش اديني قعدت يااخوياا خلاص ارتاحت
سيف بابتسامه حاول يخفيها: طب وانا مالي هشمت ليه يعني عاادي ماانتي هتطلعي مهمات تانيه
نور: مش عارفه ليه شاكه انك ورا الموضوع دا
سيف : انا وانا هقعدك ليه يعني انا لو عايز كنت قعدتك من ساعتها مش هاجي انهارده واقعدك
نور: اه صح امال مين الي ورا الموضوع دا
سيف: وانا اشعرفني / المهم دلوقتي سيبك من المهمه دي ورانا شغل اهم يلا
في الناحيه التانيه عند ساره وباسم ومروان
ساره: دلوقتي مريم راحت مكان نور والحمدلله نور مراحتش المهمه دي كدا بقاا عندنا فرصه اننا نقربهم من بعض
باسم : ازاي بقاا
ساره: مروان انت هتروح لنور في وقت البريك تعزمها ع الغداء بحجه انك عايز تخرجها من المود الي هي فيه
مروان : تمام طب وسيف هيعرف ازاي
ساره: باسم هيروح بردوا يعزموا ع الغداء في نفس المطعم
باسم : طب وانتي هتفضلي في المكتب لوحدك
ساره : اه انا هطلب غداء واتغداء هنا
باسم : لا طبعا انتي عارفه الاوامر ممنوع دخول اكل المكتب هنا
ساره: خلاص هروح اي مطعم اتغداء عادي مش هيحصل حاجه المهم تنفذوا 
باسم : طب ماتيجي تتغدي معانا
ساره: معاكوا فين لا طبعا مينفعش لازم انت وسيف بس لانو انت صاحبوا وهيبين قدامك كل حاجه لكن لو انا قعدت مش هيقدر يكلم 
باسم : ماشي
جيه وقت البريك وراح مروان لنور
مروان : الجميل زعلان ليه
نور: مفيش يامروان مضايقه شويه
مروان : طب اي رايك لو اعزمك ع الغداء وتحكيلي واهو بالمره تخرجي من المود دا
نور: لا مليش نفس والله يا مروان
مروان : لا مش هقبل اي اعذار ابدا ومتقلقيش ياستي انا الي هدفع
نور: هههههههههه لا اذا كان كدا ماشي
مروان بابتسامه: طب يلا
نور: اوك
خرجت نور ومروان تحت نظرات سيف
سيف بغيره : انتي رايحه فين
نور: رايحه اتغداء هكون رايحه فين يعني مش دا وقت بريك بردوا ولا اي
سيف : اه وقت بريك وهو رايح فين
نور: هنتغداء عند حضرتك مانع
سيف بغيره : لوحدكوا
نور: وانت مالك لوحدنا ولا معانا الجن الازرق / يلا يا مروان
خرجت هي ومروان وراحوا يتغدوا وسيف كان قاعد متعصب وغيران جدا
باسم : اي يا بااشاا مالك
سيف : مفيش يا باسم سبني دلوقتي
باسم : طب انا جعان مش هتتغداء
سيف افتكر  نور لما راحت بردوا تتغداء مع مروان فا كان عايز يروح يشوف
سيف : اه جعان يلا بينا
باسم بخبث : طب يلا فيه مطعم لسه فاتح جديد تحفه
سيف بتسرع : انا عايز اروح المطعم الي راحوا مروان ونور دلوقتي
باسم بخبث : بس كدا دا انت تؤمر
سيف بتردد : لا لا مش قصدي انا قصدي يعني ان الاكل بتاعوا حلو
باسم بخبث : مانا عارف يلا بينا
خرج باسم وسيف وراحوا المطعم الي فيه نور ومروان اول مادخل فضل يتلفت بيدور عليهم لحد مالمحهم راح قعد في تربيزه قريبه بحيث يقدر يسمع هما بيقولوا اي ومروان خد بالوا
مروان بخبث : عامله اي يا نور
نور بابتسامه: الحمدلله كويسه
مروان : ممكن اعرف بقاا ياستي اي الي كان معصبك كدا ومخليكي مضايقه
نور بحزن: عشان مروحتش المهمه
مروان : دا بس السبب ياستي المهمات جايه كتير متزعليش نفسك انتي بس انا بصراحه معجب بيكي
نور اتصدمت وسيف بردوا وكان بيغلي وهاين عليه يقوم يضربوا بس مسك نفسوا مستني يعرف ردها
نور بصدمه : اي
مروان : اه بصراحه معجب بقوتك وجدعنتك وحماسك دا لما واحده تزعل عشان مراحتش مهمه دي معجزه بصراحه عشان كدا انا معجب يابنتي دا احنا بنصدق نخلص قضيه عشان نرتاح لكن انتي مشاء الله بتروحي مهمه كانك رايحه الملاهي
نور بضحك: هههههههههههه والله انت عسل يا مروان
( تقريباا سيف هيقتلهم هما الاتنين 😂😂😂)
مروان : شالله يخليكي والله رافعه من معنوياتي جدا
نور بضحك: لا بجد فعلا انت دمك خفيف وبردوا شجاع وقوي وجاد في الشغل ودي بصراحه حاجه حلوه جدا ان حد يعرف يفرق بين الحياه الشخصيه والشغل
نور كانت قصدها ع سيف انو دخل حياتهم ومستقبلهم في الشغل
سيف فهم انها تقصده بس نور اصلا متعرفش ان سيف قاعد في التربيزه الي قدامها
مروان : طب مش ناكل بقاا انا جوعت جدا وانتي شكلك اصلا هتقولي عليا بخيل وجايبني عشان اكلم بس
نور : هههههههههه لا والله ابدا مش هقول كدا بس لو اتاخرت شويه هقول
طلب مروان الجرسون
مروان : هههههههه لا انا مش هتاخر / ها هتاكلي اي بقاا
نور: امممممممممم هاكل بيتزا بالفراخ وهاخد عصير
مروان :وانا زيك
خد الجرسون الطلب
عند سيف
باسم : اي يابني انت من اول ماقعدت وانت ساكت وعمال تسمع هنا بيقولوا اي / طب طالما بتحبها وغيران عليها ليه العند بقاا
سيف : مش انا الي عندت هي الي عندت هي الي اختارت الشغل اهم مني انا
باسم : هي بتحبك بس مينفعش انك تحط الشغل في كفه وحياتكوا في الكفه التانيه مش كل مشكله هتحصل تقوم حاطط حياتكوا في النص لازم تفصل بين حياتك والشغل
سيف : بس انا كنت خايف عليها مكنتش عايزها تروح دا خطر عليها
باسم: كان ممكن تفهمها براحه هي عندت لانك زعقت ومدتهاش فرصه تقول حاجه
سيف : تقول اي الاستاذه وافقت ومن غير ما تاخد راي كيس جوافه واقف جنبها لما تقول للواء انا موافقه من غير ما تسالني
باسم: تاخد رائيك في اي دا شغل وكان امر كمان مش اختيار
سيف : باسم متقعدش تطلع مبررات ليها يعني اي دا شغل طب افرد انا مش معاها في الفريق وهي جالها المهمه دي كانت توافق وتحضر نفسها بعد كدا تيجي تقولي ولا اي مش فاهم حط نفسك مكاني قبل ما تكلم
باسم : انت عندك حق بس منفردش حاجه انت معاها في الشغل خلاص ودي حاجه كويسه وانا اه فعلا كنت هزعل بس هعاقبها بيني وبينها مش ازعقلها قدام الكل هكلم معاها وافهمها غلطها بيني وبينها
سيف : اهو الي حصل بقاا هي نرفزتني لما وافقت من غير ما تسالني فا اتعصبت
باسم : بس لازم تتحكم في اعصابك شويه مش كدا يا سيف
سيف : اتحكم في اي الهانم شكلها مصدقت اننا اتخانقنا وراحت مع واحد تاني
باسم : بردوا بتتسرع يابني دا بيتغدوا مع بعض عادي زي مانا بتغدي معاك دلوقتي
سيف بغيره : انت راجل معايا لكن هي بنت خارجه مع واحد ولا يقربلها اي حاجه
باسم : لا يبقي زميلها في الشغل
سيف : انت مصدق الي انت بتقولوا دا بذمتك يعني لو خطبتك هترضي انها تخرج مع زميلها في الشغل
باسم : لا طبعا مستحيل هرضي بس دي مش خطيبتك يا سيف
سيف : عندك حق بس انا بحبها
باسم : طب ما تعتذرلها واهي خلاص مراحتش المهمه يعني مفيش خطر ولا خوف
سيف : تفتكر بالسهوله دي / دي قعدت غصب عنها لان مكنتش تنفع يعني مش بارادتها / عارف لو كانت رفضت هي بنفسها كنت رحت واعتذرتلها لكن هي عندت ولاخر وقت كانت رايحه يبقي براحتها بقاا
باسم : ع فكره العند دا اخرتوا وحشه اوووي الحق نفسك يا صاحبي قبل ما تضيع منك وحد تاني ياخدها
(مش عارفه محسسني انها جزمه عايز يلحقها 😂😂😂😂سوري يانورهان)
سيف اتعصب جدا لما قالوا ان ممكن تبقي لحد تاني غيره بس تصنع الامبالاه
سيف : خلاص بطل رغي وكل عشان منتاخرش
باسم : ماشي
بعد وقت خلصوا اكل  وخرجوا
نور : الحمدلله انا شبعت
مروان : بالهنا والشفا. تحبي اطلبلك حلو
نور: لا شكرا بجد ع العزومه الحلوه دي ميرسي
مروان : مفيش شكر بينا انتي اختي يا نور يلا بينا بقاا بدل ما نتعلق من سيف بسبب التاخير دا
نور : ههههههههههههه يا جبان
مروان بضحك: ما بلاش انتي فاكره ساعه صاله التدريب
نور: هههههههههه بتفكرني ليه دا انا مصدقت نسيت كانوا يومين فعلا اتبهدلت فيهم
مروان : ههههههههههههه ما هو بسبب لماضتك دي
نور: انا لمضه طب يلا بدل ما تتعلق انت كمان وساعتها لا تعايرني ولا اعايرك
دفعوا الحساب وخرجوا راحوا المكتب
سيف : ما لسه بدري يااساتذه البريك خلصان بقالوا ربع ساعه كنتوا فين كل دا
نور: هنكون فين يعني كنا بنتغداء
سيف : ليه كنتوا بتتغدوا في المريخ مانا روحت اتغديت ورجعت في معادي
نور بعصبيه : والله براحتنا نتغداء في اي حته مش هتركبلنا المشنقه يعني
سيف بغيره وغضب: لا هركبها وعقابا ليكوا تدريب اليوم كلوا لكن انتي عشان طوله لسانك دي تدريب يومين من الساعه 6 اظن فاكره
نور بغيظ : فاكره
مروان بهمس: كان مالي انا ومالكوا يكش تولعوا في بعض انا ذنبي اي
ساره وباسم كتموا ضحكهم بالعافيه ع شكل مروان
ساره بهمس لباسم: زمانوا بيدعي علينا وعليهم
باسم بهمس: اه والله يا عيني صعب علياا
ساره بهمس: ربنا يستر شكل نورهان ع اخرها ومتغاظه منو جدا
سيف بزعيق : يلا اتفضلوا وانا هتابع حذاري حد فيكوا يرتاح ثانيه ثم اكمل بسخريه واهو تهضموا الي كلتوه
نزلوا الاتنين صاله التدريب
مروان : مش قلتلك هنتعلق كان لازم يعني تطولي لسانك ادينا هنتنفخ اهو
نور بغيظ وغضب: دا انا كان نفسي اديلوا بوكس في وشو وهو مستفز كدا
مروان : لا هدي نفسك وحيات ابوكي كفايه علينا ونبي انها جت ع التدريب
نور باستغراب: ليه هو فيه عقاب تاني
مروان : ههههههه قولي مفيش عقاب تاني  دا عندو حبس انفرادي يا ماما
نور: اي دا بجد
مروان : انتي مالك فرحانه كدا ليه انتي هبله يابت بتحبي الحبس
نور: هههههههههههههههه لا بس مستغربه ان الظباط بيتحبسوا
مروان : مع سيف مفيش مستحيل ولا استغراب ابدا
نور: و ياتري فيه حاجه تاني
: اه فيه انك هتتعلقي دلوقتي
لفوا بسرعه واتصدموا من سيف كان واقف ومربع ايدو  بغضب
نور بخضه: بسم الله الرحمن الرحيم
سيف باستهزاء: اي شوفتي عفريت يا حضره الظابط
نور : اه بصراحه شوفت عفريت
سيف بغضب: تمام يوم تاني تدريب ومش هتروحي خالص لمده ثلاث ايام التدريب عشان تبقي تشوفي العفريت بجد
نور بصدمه: انت اكيد مجنون هقعد ازاي ثلاث ايام من غير راحه
سيف بعصبيه: لمي لسانك احسنلك وبعدين مش مشكلتي انتي الي اتاخرتي وانتي الي لسانك طويل
نور بتحدي : وانا بقاا مش هنفذ كلامك دا
سيف بهدوء: براحتك وساعتها هتبقي بره القضيه خالص ودا هيبقي قرار وحش في حقك جدا وهيمنع ترقيتك
نور بغضب: ماشي ياسيف
💝💝💝💝💝💝💝💝💝
عند هاجر
خلص اليوم وكل واحد رجع البيت
هاجر رجعت البيت ودخلت اوضتها خدت شاور وغيرت وفتحت الفون لقت رساله ع الواتس من روفيدا بعتلها الوكيشن
هاجر : تمام انتي دلوقتي بقاا ارتاحي وهو مش هيقدر يتعرضلك تاني
روفيدا : طب انتي هتعملي اي
هاجر : متشخليش بالك انتي ونامي يلا تصبحي ع خير
روفيدا : وانتي من اهله
💝💝💝💝💝💝💝💝💝💝💝💝
تاني يوم الصبح عند هاجر صحيت خدت شاور ولبست ونزلت لقت اسر مستنيها
هاجر في نفسها : طب هعمل اي دلوقتي صح اسر هيوصلني الصبح وببقي معاهم طول اليوم اعمل اي
اسر : صباح الخير اي سرحان في اي
هاجر : ها لا ابدا مش سرحانه صباح النور
اسر : طب يلا عشان منتاخرش
هاجر : يلا
ركبوا العربيه واتحركوا وساد الصمت في العربيه
لحد ماوصلوا
دخلوا المكتب
هاجر : صباح الخير
الكل : صباح النور
اسر : ها يا منار ردوا عليكي ولا لسه
منار : لسه المفروض هيرنوا ع 1 كدا
اسر : تمام اول مايردوا قوليلي
منار: اوك
عدي 4 ساعات
والشركه اتصلت ع منار
الموظف : ايوا يا فندم الاستاذه منار عبدالله معانا
منار : ايوا انا يافندم
الموظف : حضرتك اتقبلتي في الوظيفه وتقدري تيجي من بكره تستلمي شغلك المواعيد من9 لكن حضرتك بتروحي لما المدير يسمحلك
منار : تمام يافندم من 9 هكون عند حضرتك بكره مع السلامه
قفلت معاهم
اسر : هايل يا منار كدا تمام بصي مش هوصيكي انتي عارفه هتعملي اي
منار : طبعا عارفه
اسر : لو تقدري تحطي الجهاز دا في المكتب المدير يبقي كويس جدا وانتي عشان السكرتيره الخاصه فا اكيد هيحتاجك في الفيلا تجيبلوا اوراق او كدا فا بردوا حطي واحد في غرفه المكتب عندو
منار : تمام يافندم
اسر : خلي بالك ع نفسك يا منار انتي معاكي جهاز التتبع لو حصل اي حاجه دوسي عليه وهتلاقينا ع طول عندك
منار : حاضر يافندم
هاجر : طب انا هستاذن بس نص ساعه وهاجي ع طول
اسر : رايحه فين
هاجر بتردد : هروح لواحده صاحبتي تعبانه هروح ازورها
اسر : طب اجي معاكي نزورها
هاجر بقلق: لا لا مش مستاهله يعني انا هروح بسرعه وهاجي وكمان عشان صحبتي لوحدها في البيت
اسر بشك: ازاي لوحدها وهي تعبانه
هاجر بخوف: اصل.. اصل هي ملهاش حد فا انا هروح اطمن عليها واقعد معاها شويه وهاجي
اسر بشك: ماشي بس متتاخريش
هاجر : لا مش هتاخر متقلقش / هات يالؤي المفاتيح
لؤي : اتفضلي
خرجت هاجر مسرعه وهي تتنفس بارتياح ان اسر مشكش في حاجه
لؤي: مالك يااسر في اي
اسر : مش عارف حاسس ان هاجر مخبيه حاجه
لؤي: هتكون مخبيه اي يعني ما هي بتقولك رايحه تزور واحده صحبتها
اسر : ممكن فعلا خلاص متشغلش بالك المهم انا هروح اجيب اكل هتاكل معايا
لؤي : اه هاتلي معاك
اسر : وانت يا مؤمن
مؤمن : اه هاكل
خرج اسر مسرعا يلحق بها كانت لسه بتتحرك بعربيتها ركب عربيته بسرعه ومشي وراها
💝💝💝💝💝💝💝💝💝💝💝
عند هاجر مشيت حسب اللوكيشن ووصلت عند عماره وسالت البواب
هاجر : لو سمحت
البواب : ايوا يااستاذه
هاجر : هو فين شقه الاستاذ حسين
البواب بقرف : استغفر الله العظيم يارب / اعوذوا بالله
هاجر باستغراب: في اي حضرتك
البواب بقرف : مفيش اتفضلي الدور الرابع اول شقه ع ايديك اليمين
هاجر باستغراب: طب شكرا
طلعت هاجر
عند اسر راح يسال البواب
اسر : لو سمحت حضرتك
البواب : ايوا يااستاذ انت كمان خير
اسر : هي الانسه الي لسه طالعه دي متعرفش رايحه فين
البواب بقرف : طالعه للاستاذ حسين
اسر بصدمه : طب وهو حضرتك بتكلم بقرف كدا ليه
البواب بقرف: اصل الشقه دي مشبوهه والراجل دا اعوذوا بالله عليه راجل مش محترم وكل يوم جيب ستات هنا
اسر بصدمه : انت بتقول اي
البواب : في اي يا ااستاذ
اسر : لا مفيش طب هو فين شقته
البواب : الدور الرابع اول شقه ع ايديك اليمين
اسر وهي يجري : طب شكرا
طلع اسر  ووووووواستوب
💝💝💝💝💝💝💝💝💝💝