احببت عنادك... بقلمي/هاجر هشام

البارت 108

في صباح يوم جديد
في فيلا حمزه وناديه
صحي حمزه دخل خد شاور ولبس بدله كحلي شيك
مبينه ضخامه عضلاتو ومزوداه وسامه ،ودخلت ناديه الاوضه وهي معاها صينيه الفطار ،راح حمزه وخد منها الفطار
حمزه :انا مش قولتلك متعمليش حاجه وارتاحي
ناديه بحب: حبيبي انا راحتي هي وانا بخدمك
حمزه حط الفطار ع التربيزه ولفلها :اوعي تقولي الكلمه دي تاني انتي ملكه ،مش خدامه ،مفهوم
ناديه ابتسمت بحب: مفهوم ي حبيبي
حمزه بغمزه: بس اي الروقان دا لابسه وجاهزه من بدري ومحضره الفطار كمان ،انتي خارجه ولا حاجه
ناديه برقه: ايوا خارجه مع حبيبي
حمزه بغمزه :لا انتي بالرقه دي مش هتخرجي مع حبيبك لان حبيبك هيحبسك هنا وفي حضنه وبس
ناديه ضحكت:ههههههه تاني ي حمزه
حمزه بخبث وهو يقبلها برقه وهو بيتكلم:تاني وتالت ورابع ي روح حمزه
شالها حمزه بخفه وهو يتجه ناحيه السرير
قفل حمزه الفون
حمزه بغمزه: اديني قفلت الفون خالص عشان محدش يزعجنا
ناديه ضحكت:هههههه انت فظيع والله
حمزه وهو يقترب منها ويفك حجابها : طبعا ي روحي لازم ابقي فظيع ،هو حد يبقي معاه الجمال دا وميبقاش فظيع
ناديه مكنتش مصدقه انها عايشه المشاعر دي ،كانت دايبه معاه وفي حضنه ،وهي عاشقه لكل لمسه حب وحنان منه،

حمزه كان بيقرب منها بحب ورغبه مش قادر يكتمها ،كان باصصلها وهو تايهه في بحر عينيها الي تسحر وتدوب اي حد يبصلها ،لكن محدش يقدر يبصلها غيرو ،هو وبس

قطع لحظتهم رنين هاتف ناديه
فاقوا الاتنين ع صوت الهاتف وناديه كاتمه ضحكتها بالعافيه وهي شايفه حمزه وهو هيموت من الغيظ
حمزه بغيظ: يعني انا اقفل تليفوني. يقوم يرن تليفونك
ناديه ضحكت  : ههههههههههههه ،استني هشوف مين
حمزه بغيظ:والله ابدا ،انا هقفلوا
ناديه ضحكت بصوت عالي : ههههههههههههه
حمزه بغمزه: ضحكتك دي بتقولي اقفلوا فعلا
قفل حمزه الفون  وحطوا ع التربيزه باهمال
وقرب منها لكن سمعوا خبط ع الباب
ناديه انفجرت من الضحك وهي مش قادره تمسك نفسها
حمزه اتنفس بغضب وبصلها بغيظ
حمزه بغيظ: قومي هي باينه من اولها اصلا
قامت ناديه دخلت الحمام وهي بتضحك ،وهو قام لبس هدومه بسرعه وهو هيموت من الغيظ وفتح الباب وكانت سعاد
حمزه بغيظ: خير ي سعاد
سعاد : فيه انسه تحت بتقول انها صاحبه مدام ناديه اسمها سيلين
حمزه: ااه ماشي شوفي تشرب اي ع ما ناديه تنزلها
سعاد :حاضر ي بيه
نزلت سعاد وقفل حمزه الباب ،كانت ناديه خدت شاور وخرجت وهي لابسه البرنس
ناديه باستغراب: مين ي حمزه
حمزه :دي سيلين صحبتك
ناديه باستغراب: وهي عرفت عنواني منين
حمزه: الي يسال ميتهوش وبعدين انتي مستقليه بياا ولا اي
ناديه قربت منه ولفت ايديها حوالين رقبته برقه: لا طبعا ي حبيبي انا اقدر ،عمري مااستقل بيك ي حبيبي
حمزه وهو يعض ع شفايفه : طب ما تسيبك من صاحبتك ونكمل الي كنا بنعمله
ناديه وهي كاتمه ضحكتها : لا طبعا ميصحش
حمزه بغيظ: ماشي البسي وانزليلها وانا هدخل اخد شاور والبس عشان اروح الشركه ،انتي كدا مش هتعرفي تيجي معايا
ناديه : اه مش هينفع ،مش مشكله مجتش من يوم
حمزه : ماشي ي حبيبتي لو احتاجتي حاجه عندك سعاد تعملهالك انتي متتحركيش كتير عشان البيبي
ناديه بحب: حاضر ي حبيبي
باسها حمزه ع خدها برقه ودخل الحمام وهي لبست فستان سماوي ولبست الحجاب  ونزلت سلمت ع سيلين
سيلين وهي تحضنها :اي ي بنتي اختفيتي مره واحده ومحدش عارف عنك حاجه  هو الحمل بيعمل كل دا
ناديه : ااه والله ي سيلين تعبانه اووي اول شهور دي صعبه تعب ع طول
سيلين : الف سلامه عليكي ي حبيبتي
ناديه : الله يسلمك