အပိုင်း (၃)
မင်းသားတပါး၏လက်ထပ်မင်္ဂလာပွဲဖြစ်သည့်အပြင် မင်းကြီးကိုယ်တော်တိုင် လက်ထပ်မိန့်ချထားသော မင်္ဂလာပွဲဖြစ်သည့်အတွက် ထိုမင်္ဂလာပွဲ၏ အခမ်းအနား အပြင်အဆင်တို့သည် ကြီးကျယ်ခမ်းနားလှသည့်အပြင် အလွန်စည်ကားသိုက်မြိုက်လှပေသည်။ ရှည်လျားလှသောတနေ့တာ၏အပြီးတွင် ဤအထီးကျန်လှသော အခန်းတွင်းသို့ကြည့်ရင်း ရှီချန်အန်းတယောက် ဝမ်းသာရမည်လား...၊ ဝမ်းနည်းရမည်လားပင် မသိတော့တော့ချေ။
ပထမမင်းသား...ရှောင်းချင်းယန့်...သူက လူကောင်းတယောက်...ဒါမှမဟုတ် နားလည်တတ်မည့်လူတယောက်ဖြစ်လျှင်ကောင်းမည်။ ဒါ့အပြင် ထူးထူးဆန်းဆန်းဝါသနာမပါသည့်သူဖြစ်လျှင် ပိုကောင်းမည်။* ဒါပေမယ့် အဲ့ဒီလူက သူ့ကိုသာ စက်ဆုပ်ရွံရှာနေမည်ဆိုလျှင်လည်း သူ့အနာဂတ်အတွက် ကောင်းမည့်လမ်းမမြင်ပေ.....။
*(ပြောချင်တာက သူလက်ထပ်လိုက်တဲ့သူက လိင်တူစိတ်ဝင်စားတဲ့သူမဟုတ်ရင်ကောင်းမယ်ဆိုပြီးတော့ပါ။ ဒါပေမယ့် အဲ့လိုမဟုတ်ပြန်ရင်လည်း သူ့ကို ပစ်ပယ်ထားနိုင်တဲ့အတွက်ကြောင့်လည်း အဆင်မပြေနိုင်ပြန်ပါဘူး။ ဘာပဲဖြစ်ဖြစ် သူ့အတွက် အဆင်မပြေနိုင်စရာတွေကြီးပါပဲ...a sad reality....)
"သခင်လေး....အဲ...ကြင်ယာတော်....အဲ....သခင်လေး တခုခုစားပြီး စောစောနားပါတော့လား...''
ချွန်းယွီရဲ့နှလုံးသားဟာ စိတ်မကောင်းခြင်းများစွာ ကြီးစိုး၍နေသည်။ သူမသခင်လေးက မင်းသားတပါး၏ဇနီးသည်ဖြစ်၍နေလေပြီ။ ဒါပေမယ့် အဲ့ဒီမင်းသားက သူ့ဇနီးသည်ကို မသိချင်ယောင်ဆောင်ကာ ပစ်ပယ်ထားလေသည်။*
*(တကယ်က အခုမှလက်ထပ်ပြီးကာစ နေ့တောင်မကူးသေးဘူး...)
ဒါပေမယ့် သခင်လေးက ဘာပဲဖြစ်ဖြစ် ယောက်ျားရင့်မာကြီးတယောက်ဖြစ်ပြီး မိန်းမတယောက်နဲ့ လက်ထပ်၊ ကလေးတွေမွေးပြီး ပျော်ပျော်ရွှင်ရွှင်နေသွားရမယ့်သူ ဖြစ်ရမှာ...။ အခုတော့ တခြားယောက်ျားတယောက်နဲ့ လက်ထပ်ဖြစ်ပြီး အဲ့ဒီယောကျ်ားရဲ့မျက်နှာတော်ကိုပဲ ကြည့်ပြီး နေ့တိုင်း ရှင်သန်သွားရတော့မယ်......။ ဝမ်ရယ်*ကို ကြည့်ရတာ စိတ်သဘောထားသိပ်ကောင်းမယ့်ပုံ မပေါ်ဘူး...။ ဟင်း...သခင်လေး ဘယ်လိုများ နေထိုင်သွားရမှာပါလိမ့်......။
ČTEŠ
ကြင်ရာတော် ချန်အန်း The Rich And Honorable Chang An(MyanmarTranslation)(Unicode)
RomanceAuthor(s) - Five Cloud (五朵云) Year - 2017 Status in COO - 80 Chapters (Completed) Associated Names - 富贵长安 English Translator : Xah Xiaoran (@Momochingu) Myanmar Translator: Mioki Midori Description သူ၏မိခင် ကွယ်လွန်ပြီးနောက် ဖခင်၏ လျစ်လျူရှုစွန့်ပစ်...
