حتي آخر العمر ✅✅✅✅✅

Part 23

كان يجلس في غرفته منذ ان عاد من النادي بحجة انه متعب فقد قرر ان ينتظر كلمة والدتها في موضوع ارتباطهما قبل ان يفاتح والدته وشقيقته التي يعرف رائيها مقدما في ذلك الموضوع...

كان يتصنع الانشغال بقراءة احد الكتب عندما قطعت خلوته كعادتها ودون استئذان ...

غوري : لقيتك دخلت اوضتك وما خرجتش تاني قولت اجي اغلس عليك ...

ترك ما بيده وابتسم اليها واشار اليها ان تدخل وتجلس امامه ...

شيفاي : تعالي وغلسي عليا زي ما انتي عايزة ...

دخلت واغلقت الباب وجلست امامه علي حافة السرير ...

غوري : ها قولي بقي عملت ايه النهاردة ...

شيفاي : عادي ...

غوري : هو انت هتبتديها بعادي بتعتك دي يبقي فيه حاجة ومش عايز تقولهالي ... صح ...

ابتسم وهز راسه متعجبا ...

شيفاي : هو انتي ايه ما وراكيش حاجة تشغلي نفسك بيها غيري... ما تسيبك مني وتركزي مع كابو احسن ...

غوري : كابو ... طب وحياتي تقفل علي الموضوع دا وخليني ساكتة بلاش تفتحني ...

شيفاي : اوبااااااااااااااااااااا ... دا شكل الحكاية وراها حكاية ... ايه اللي حصل قولي ...

رفعت ارجلها لتجلس القرفصاء ...

غوري : تصدق ان الاستاذ كابير عامل مقموص وزعلان مني كمان ولما بيشوفني في الشركة ما بيفكرش حتي يقولي ازيك والا وحشتيني ...

فتح عيناه مستغربا ...

شيفاي : وليه المعاملة اللي مش حلوة دي ... اكيد عملتي حاجة ضايقته والا فرستيه زي عوايدك ...

غوري : انا ... دا انا حتي من ساعة ما جيه وقعد معاك انت وماما والموضوع بقي رسمي وانا اتفقت مع نفسي اني اتغير وما احاولش اضايقه والا اتصرف بالطريقة اللي مش بيحبها ...

شيفاي : يا عيني علي العقل ... كان فين دا من زمان ...

غوري : شيفاي انت كمان ...

شيفاي : خلاص انا هسكت اهو وانتي كملي اللي حصل بينك وبين كابير وليه واخد موقف منك بالشكل دا ...

غوري : عشانك ...

مستغربا ...

شيفاي : عشاني ...

غوري : ايوة ... عشانك وعشان انيكا ...

فتح عيناه بقوة اكثر ... ولكنه وقبل ان يقول شيئا وجد عقله يستوعب السبب الذي يمكن ان يكون وارء ضيق كابير من غوري ويجمعه هو و انيكا ايضا ...

نظر اليها بعيون ضيقة نوعا ما ... وهز راسه ...

شيفاي : فهمت ...