حتي آخر العمر ✅✅✅✅✅

Part 26

كان لايزال ممسكا بالجوال وباله مشغول بما يمكن ان يسفر لقائه مع والدة انيكا ...

شيفاي : يا تري يا شيفاي هتقدر تغيرلها رائيها اللي اكيد هتحاول تحارب الدنيا كلها عشان تحمي بنتها منه ... هتقدر تخليها تشوفك زي ما انيكا شيفاك وتتغاضي عن عجزك اللي ممكن يكون عقبه في طريقك انت و انيكا ... هتعمل ايه يا شيفاي ... هي معاها حق ... هي ام وعايزة تفرح ببنتها وتشوفها سعيدة وفي حمي راجل يقدر يحميها ويصونها مش يبهدلها ... فاهم تفكرها والدور عليا ... ايوة الدور عليا ... لازم أعمل المستحيل عشان توافق ...

ليفيق علي صوت اخته ...

غوري : ايه الاخبار ...

كانت تقف خلفه تحيطه بكلتا ذراعيها من رقبته ...

وضع الجوال من يده علي جنب وامسك باحدي يديها ليديرها اليه ويجعلها تجلس امامه ...

شيفاي : انتي يا بنتي بتطلعي منين بس ...

غوري : بطلعلك من اي حته تتوقعها ... يعني ممكن تلقيني نزل لك من السقف او تلقيني خارجة لك من الاباجورة مثلا او طالعة لك من تحت السرير ... توقع اي حاجة ...

شيفاي : هههههههههههه ... وعلي ايه ريحي نفسك وادخلي من الباب احسن ...

غوري : ما انا قررت كدا برضو ... المهم سيبك مني انا ودخلت منين او فين وقولي عملت ايه مع انيكا ... قالت لمامتها ...

شيفاي : ابتسم وهز راسه بالموافقة ...

غوري : بجد طب يلا قولي قالت ايه ...

كانت علامات اللهفة والترقب لمعرفة ما حدث من والدة انيكا ترتسم علي وجهها ...

شيفاي : مش عارف اقولك ايه ...

غوري : شيفاي بلاش تقلقني وقول مامتها قالت ايه ...

شيفاي : ما هي المشكلة انها ما قالتش حاجة ...

استغربت ...

غوري : يعني ايه ...

شيفاي : كدا قالتلي انيكا ...

غوري : قالت ايه ... شيفاي مالك مش معقول هفضل اجرجر منك الكلام بالشكل دا ...

شيفاي : وايه يعني لما تجرجري مش انتي اللي عايزة تعرفي ...

غوري : كدا ماشي ... انا خلاص مش عايزة اعرف ولا عايزاك تقولي حاجة ...

ووقفت لتهم بالرحيل الا انه اوقفها واعادها مرة اخري لوضعها السابق ...

شيفاي : مفيش فايدة عمرك ما هتعقلي وتكبري ابدا ...

غوري : وانت عمرك ما هتتغير وهتفضل زي ما انت ... اهههههه... الله يكون في عونك ياللي في بالي ...

شيفاي : الله يكون في عونها والا في عون ...

وغمز لها وحرك راسه كما لو كان يشير الي احدا ما ...