رواية صدمة
بقلم رهف عصام
الجزء ٢#..
مشت رزان مع رغد لبيتا و دقت لامها من هناك و قالت ليا انها بايتة مع رغد لانه عايزة تقرا معاها...
و مصعب كان بتسمع و هو بضحك و عرف انها عملت كدا عشان خايفة منه....و قال ف نفسه مف مشكلة يوم واحد و بكرة بتجي...
ف بيت رغد....
رغد:-متاكدة انه مات؟؟
رزان:-اي اتاكدت من نبضه
رغد:-اخوك د لازم يتعاقب الليلة قبل بكرة
رزان:-انا هبلة كان مفروض ادق على الشرطة الوقت داك...لكن كان همي ف نفسي و كنت خايفة من مصعب شديد.....زائد انو م كان ف وعيو يعني كان ممكن يقتلني انا برضو
رغد:-اصلا لو كنتي دقيتي للشرطة كنتي حتكوني مقتولة من قِبَل اخوك بدري بس
رزان:-زائد انه ابوي كان حقول اني دمرت سمعة العائلة و الكلام د لو انحبس مصعب
رغد:-ياخ
رزان:-هه مالي انا حسستيني اني بين الحياة و الموت...لا هو بالجد انا بين الحياة و الموت
رغد:-طب قومي نشوف حاجه ناكلها و تدريجيا حنلاقي الهموم طارت مننا
رزان:-م عندك شي غير بطنك انتي
رغد:-يلا قومييي
رزان:-يلا....
....................
في مكان الجثة..
عوض..
ماشين انا و صحبي ف الطريق فجاة الاقي ليك زول ميت ف طرف الشارع!
جينا جاريين ليهو طوالي و لقيناو ميت م قعد يتنفس...دقيت لصحبي التالت عشان اكلمه بالحاجه الشفتها
عوض:-مصعب!!
مصعب:-خير في شنو
عوض:-اتخيل المنظر...اتخيل شفت لي جثة واقعة قدامي حاليا
مصعب:-م جادي!!طب صورها
عوض صورها ليو و طبعا اخونا مصعب انصدم لما شاف الصورة
مصعب:-اا اا امم...شوف دق للشرطة
عوض:-اي اصلا حاضرب ليهم
مصعب قفل الخط بعد عرف انو دي جثة مازن القتلو امبارح لما كان شارب.....بقى خايف شديد كيف حينهي الموضوع د..بس بعداك لقى ليو طريقة بقدر يخلي بيها التهمة كلها تمشي على رزان بدلو..
قبل م عوض يدق للشرطة مصعب ضرب لعوض و كلمو يجيب السكينة سريع و بدلها بالسكينة الكانت شغالة بيا رزان ف المطبخ بس طبع فوقها من الدم حق المقتول مازن...(استغل حته انو امس هاجر كانت بتعلم رزان كيف تقطع السلطة و هي ماسكة السكينة بيدها اليمين..لانها اشولنجية زيي كدا..و مصعب قتل مازن بيدو اليمين)..و كلم عوض انو هو القتلو..و عوض لا فرق معاو الموضوع لا شي
ضرب عوض للشرطة و جو لموقع الجريمة و ختو السكينة ف كيس عشان يتحققوا من البصمات...
.............................
اليوم البعديو ....
قامو رغد و رزان و بقو بتجهزو للجامعه...و اثناء م بتجهزوا دق باب البيت
مشت رغد تفتح الباب و انصدمت لما لقت الشرطة و معاهم مصعب و عوض
الشرطي:السلام عليكم
رغد بخوف:-اا و عليكم السلام....دايرين امي و ابوي و لا منو
مصعب:-عايزين رزان
كانت رزان بتقطع ف العلاقة الفي بلوزتها بالسكينة و لقت قدامها الشرطة...الشرطي كان بعاين ليها و هي بتقطع ف العلاقة بدقة..
مصعب:-يا فارس(اسم الشرطي)اهندي القاتلة
الشرطي:-رزان اتي متهمة بجريمة قتل
رزان بصدمة و رمت السكينة :-انا؟؟؟!!
رغد:-د شنو الكلام د هوووي الود د بكضب
مصعب:-يا فارس حتصدق كلامهم و تكذبني انا؟؟انا متاكد!!(طبعن مستغل حته انه فارس صحبو و بيوثق فيو زيادة ع البصمات اللقوها ف السكينة بترجع لرزان)
الشرطي:-قولي العندك ف المحكمة و هسي حنعتقلك
رغد بقت تكورك:-لاا مبتعملو كد...سيبوها هي م ليها ذنب!!هو المذنب الحقيقي!!
رزان ساكتة و مصدومة معارفة تقول شنو...كلبشوها و ودوها و رغد م قدرت تستحمل الصدمة ف داخت قبلها
يتبع#...
يا ترا رزان حتطلع من المشكلة دي ولا لا؟و هل حيكشفو مصعب على حقيقتو و يسجنوهو؟...تابعو الاجزاء الجاية..
