رواية صدمة
بقلم رهف عصام
الحزء ٨#..
رجعت رزان البيت و رغد رجعت بيتها..
هاجر:-مالكم اتأخرتو مشيتو وين اصلا!!
رزان:-مشينا مطعم يا امي
هاجر:-سجمي مطعم شنو لحد الوقت د...اتو اصلا طلعتو بعد م اتغديتو تاني شنو!و وينو مصعب؟
رزان:-امي د السبب الم خلانا ناكل كتير كنا ماشين ناكل هناك..و مصعب بجي بعد شوية صحبو قال عايزو فاا وصل رغد و وصلني هنا و مشى
هاجر:-لكن الوقت متاخر ياخي
رزان:-يا امي الساعة ١٠ يدوب كدي استهدي باللهانا تعبانة شديد فاا عايزة امشي اوضتي يلا باي
هاجر:-طيب يلا تصبحي على خير
رزان:-م ماشة انوم لكن برضو و انتي من اهلو
مشت رزان اوضتها و بقت بتفكر ف طريقة تخلي الامور م تسوأ اكتر....هسي سماح دي ممكن تعمل مشاكل لانها م راضية بالحاصل و اصلا طبيعي م ترضى...لكن لازم تلقى حل لازم...
......................
بعد م رجع مصعب البيت..
دخل مصعب غرفتو و دق على عوض
عوض:-مالك متصل الساعة ١١!
مصعب:-يا عوض ات مستوعب انه انا حابقى شغال في بيت مازن!
عوض:-طبيعي انت مذنب
مصعب:-ممكن تبطل تتكلم بالطريقة دي قبل م اجي ارتكب فيك جريمة
عوض:-طيب خلاص...القصدي ليو انه احسن من م تخش السجن
مصعب:-ات مستوعب معاي كيف حقدر اقعد ف البيت داك كيف!امي اصلا حتعرف كان م هسه بتعرف بعدين
عوض:-م تشغل نفسك بالموضوع شديد اهم شي انه م سجنوك..لكن والله انا مستغرب كيف م دخلوك السجن
مصعب:-
عوض:-اتكلم سريع
مصعب:-الرشوة يا صاحبي
عوض:-كيف!!رشيت منو!!
مصعب:-شرطة اخر زمن بتترشي..لكن جات على صالحي
عوض:-والله خطير...القروش من وين لكن
مصعب:-دهب امك من بيت امك
عوض:-دهب امي انا؟
مصعب:-لا يعبيط دهب امي انا...اساسا اول م ضربت لي كنت عارف انه رغد حتكون عاملة مصيبة ف اخدت احتياطي...
عوض:-الشرطة بتترشي عاد لكن مف امل نعيش ف البلد دي تاني
مصعب:-لا و هم كمان عشان م لقو سبب مقنع يخليهم يقبضو رزان..و عشان اطلع انا من المصيبة دي كان لازم رزان تطلع برضو ف قلت ادخل القروش ف القصة..انسى غير الموضوع...م حشتغل انا ولد م بت!
عوض:-يخ قفل و نوم هسه نشوف بكرة
مصعب:-طيب
.........................
صحت سماح و مشت تتجهز للجامعه..
سمية كانت ف المطبخ بتسوي ف الشاي و شافت بتها نازلة
سمية:-سماح ماشة وين؟
سماح:-الجامعه يا امي
سمية:-انتي كويسة؟
سماح:-امي انا عايزة اتجاوز موضوع موت اخوي د سريع لاني لو قعدت ف البيت و اتحبست حجيني احباط
سمية:-كد كويس يبتي انا فرحانه بيك شديد والله
سماح:-....بتسوي في شنو؟
سمية:-الشاي...اشربي معاي و بعدين اطلعي عليك الله
سماح:-اصلا م حطلع الا اشرب معاك
قعدو سماح و امها و شربو الشاي
سمية:-البيت د كلو قاعدين فيو انا و انتي برانا ليه كد ياخ...المفروض نكون خمسة م اتنين
سماح:-مشتاقة لابوي؟؟
سمية:-شديد لكن هو و لا جايب خبري
سماح:-م تقولي كد يا امي هو م جايب خبرنا كلنا و اصن احسن م يكون معانا خليو ف فرنسا دايرة بيو شنو
سمية:-اتي م حاسة بالنقص كونك قاعدة ف البيت و معاك امك بس من غير ابوك؟
سماح:-امي انتي ابوي و اخوي و امي و اختي و كلو والله بيكي مكتفية شديد
سمية:-بحبك والله
سماح:-انا برضو...
سمية:-الشاي كيف؟؟
سماح:-طاعممم سطيهو باصبعك ولا شنو
سمية:-اي
سماح:-دايمة
سمية:-جمعا
سماح:-يلا انا ماشة اتاخرت سلام
سمية:-الله يسلمك يبتي...ف سرها:-(والله لو م انتي في يا سماح كان مت زمان)
يتبع#..
