رواية صدمة
بقلم رهف عصام
الجزء ٥#..
رجعو رزان و رغد ل بيت رغد
اول م دخلو شافتهم امنة
امنة:-رزااااان....(طوالي جرت عليا و حضنتا)كيفك يبتي كويسة؟؟؟احسن؟؟؟
رغد:-امي هي لسه م تمام و محتاجه وقت
رزان:-انا عاوزة اشوف امي
امنة:-ليه جبتيا هنا يرغد امشو لهاجر...و انا بجي معاكم
رغد:-طيب يلا
امنة:-دقايق بس البس توبي و اجي...
مشت ام رغد شالت ليا توب لبستو و نزلت ليهم و طلعو.....
وصلو رزان و رغد و امها لبيت رزان...رزان دقت الباب ووهي حاسة نفسها مخنوقة شديد و عايزة بس تشوف امها
هاجر م كانت في وقت حكمو على مصعب بالسجن....
هاجر بصوت مبحوح:-بتييييي
رزان طوالي وقعت ف امها
بقو قاعدين ع الحال د لمدة نص ساعة تقريبن...
امنة:-اهندا يا هاجر خلاص بتك و طلعت مالك
هاجر:-اشتقت ليك ياخ
رزان:-انا اكتر والله...امي يوم واحد قعدتا ف السجن بس و حسيت روحي مخنوقة ليه كد؟؟
هاجر:-لانك م ارتكبتي اي جريمة و دخلتي
رزان بخوف:-طب ي امي انتي عارفة حاجه عن موضوع الجريمة يعني مثلا منو القتل؟؟؟
هاجر:-انا اصلا معارفة موضوع الجريمة دي شنو
رزان اطمنت انه امها معارفة انه ولدها هو العمل كدا
هاجر:-صحي مصعب وينه قبل شوية لاحظت ليو جا طالع مستعجل
رزان:-معارفة
رغد:-باركي ليو ي خالتو لقى ليو شغل
رزان بتحاول تلمح لرغد بانه تسكت
هاجر:-جد؟؟؟؟
رغد:-ااي
رزان قامت و قالت:-لالا يا امي الخبر لسه م مؤكد...طيب امي و خالتو م حصل قعدتوا سوا اقعدو اشربو شاي و انا ماشة مع رغد...
مسكت رغد من يدها و دخلت بيا غرفتا...
رزان:-اتي هبلة و لا هبلة؟!
رغد و هي بتضحك:-مالك يبتي محقول ليا طبعا اتوظف عند منو و كد
رزان:-برضو..
رغد:-يبت هيي احنا كدا ورطنا مصعب ..لما يجي امه حتسالو اتوظفت شنو؟؟حيقول ليا اشتغلت حبشية
رزان:-يعني دايرة تحرجيووو
رغد:-اي م يستاهل عليك الله؟
رزان:-يستاهل اكتر من كدا والله
رغد:-..
رزان:-تعبااااانة
رغد:-قولي لي عملو ليك شنو ف السجن؟
رزان:-م تزكريني ياخ كانت ازفت ليلة..قاعدة ف ظلام ضايعة بس
رغد:-
رزان:-المهم طلعت
رغد:-امم...المهم انا جعانة
رزان:-يبت اتي معندك شغلة غير الاكل
رغد:-م ماكلة شي من الصباح....انتي ماكلة؟
رزان:-اكل شنو
رغد:-اوعك تكوني اكلتي من اكل السجن
رزان:-لااا
رغد:-طب قومي ورح نتفنن
رزان:-تعبااااانة
رغد:-اه نسيت....طيب مسافة ترتاحي انا حاتفنن
رزان:-اوكييي
مشت رغد عشان تظبط الغدا
رغد طلعت برا الغرفة و سمعت صوت دق باب...مشت فتحت و لقت مصعب
مصعب جا خاشي طوالي
هاجر:-مصعب كنت وين؟؟؟
مصعب:-مع صحبي
رغد:-اهااا مع صحبك قلت لي
مصعب:-اتي الجابك هنا شنو؟؟؟
رغد:-م بتعرف تتكلم مع الضيوف
مصعب:-للاسف وريني
هاجر:-مصصصصعب
مصعب:-يا امي رزان هنا؟؟
هاجر:-اي ف غرفتا
مصعب:-طيب...جا مصعب متجه لغرفة رزان لكن وقفه صوت هاجر:-قالو لي لقيت شغل
مصعب بتوتر:-اا شنو نعم؟؟؟
رغد:-الشغل
مصعب بنظرة حاقدة لرغد:-اا...ايي لقيت
هاجر:-اها وين؟
مصعب:-هو اا مم لسه م مؤكد هو المدير عنده شركات كتيرة و اا هو صحبي و حشوف لي شركة اا اشتغل فيا و كد
رغد:-اا شركة قلت لي
امنة:-يرغد
رغد:-ماشة اسوي الغدا
مصعب:-اقعدي قبلك مناقصين نتسمم
رغد:-ذكرني اديك بعدين طبقين....سلام
و مشت رغد جري للمطبخ
هاجر:-طيب يمصعب اول م يشغلوك بجي معاك اشوف مكتبك تمام؟ و مبروك يولدي
مصعب:-الله يبارك فيك....يلا ماشي لرزان.....
امنة:-م ملاحظة انه شَكَلْ مصعب و رغد د قاعد يكتر
هاجر:-اممم من يومهم بتعاورو زي الشفع...
امنة:-بتي دي لسانا طويل و دي حاجه بتغيظ مصعب شديد
هاجر:-اي اي...
.................................
جا مصعب داخل لرزان و هي بدورا انصدمت...لقاها بتبكي
رزان:-داير شنو؟؟؟
مصعب:-مالك بتبكي؟؟؟
رزان:-واو همك؟؟
مصعب:-ابدا بسال عشان اضحك عليك بس
رزان:-اطلع مفاضية ليك
مصعب:-جيت اقول ليك شي...مبقدر اشتغل مع المرا دي
رزان:-خلاص خليا تضربك يومي بالساطور بدل تشتغل
مصعب:-جادي انا...
رزان:-وانا برضو
مصعب:-انتي دايرة تقعديني وسط ناس قتلت ليهم ولدهم واعية انتي؟؟؟
رزان:-انت كنت عايز تقعدني وسط ناس كلهم بقتلو و بسرقو و م فرقت معاك تفرق معاي ليه؟؟؟
مصعب:-يخ م ممكن معاك خلاص انا اسف
رزان:-؟؟؟؟قلت شنوو؟؟؟م سمعت والله عيد كلامك د قلت شنو؟؟؟اسف؟؟؟؟
مصعب:-م تتعاوري
رزان:-والله انت العوير....بعدين تتحمل غلطك لانه كبير و احسن ليك تمشي تتوب لانه انت هسي عملت حاجه حرام تمام؟؟؟؟
مصعب:-الحاجه دي بقررها انا م انتي
رزان:-طيب ممكن تطير من هنا؟
مصعب:-م حبا فيك قاعد هنا...
جا مصعب طالع طوالي و اخلاقو خلاص وصلت المنتهى....
رزان بصراخ:-دقااااايق تعال هنا
مصعب راجع:-في شنو اتي كمان
رزان:-حنمشي انا و ات نشوف البيت بعد الغدا
مصعب بنرفزة:-طيب اففف
و جا طالع......
اما رزان رجعت تبكي و بعدين نامت...
بعد ساعتين تقريبا صحت رزان فجاة و هي مصدومة و بقت بتبكي...شوية كدا و جاتها رغد:- في شنو مالك كانك مخلوعة؟؟؟؟و صحيتي متين؟
رزان:-اسي
رغد:-طب مالك؟؟؟الحلم داك تاني؟
رزان:-ماف غيره
رغد:-يبت اتي لازم تشوفي ليك شيخ يفسر ليك الحلم د....و لا امشي كلمي امك ياخ م تخافي
رزان:-لا م حقول لزول خليو يجيني تاني و تالت مفارقة ف شي
رغد:-
رزان:-يخ انا جعانة وينه غداك الدايرة تتفنني فيو؟؟
رغد:-كنت جاية اناديك هسي انتهيت...يلا قومي
رزان:-اوك...
مشو رزان و رغد لهاجر و امنة و معاهم مصعب عشان يتغدو...
رغد:-مصعب زيد زيد......سم المورفين كبيتو خصوصي عشانك
مصعب:-خلي الظرافة...
هاجر:-د شنو د كابة سم ف الاكل؟؟!
رغد:-اي و سم مورفين كمان
هاجر طوالي تفت اللقمة و رغد فقعت ضحك
رغد:-يا خالتو صدقتي انا بهظر ساي....يعني حكون عايزة اسمم الم عندي غيرهم و عايشة ليهم؟؟
امنة:-انا قابضاك اتي قاصدة مصعب صح
مصعب ورغد طوالي تفو الاكل و قالو بخلعة:-وتتتت؟؟!!!!
امنة و رزان و هاجر قعدوا يضحكوا
رغد:-والله كنت جعانة لكن اتو م عندكم غير تسدو للواحد نفسو من الاكل
مصعب و هو قايم برضو:-الحمد لله
رزان:-شبعت انا برضو
امنة:-يا جماعه انا قلت حاجه؟؟
رزان:-لالا والله م عشان كد بالجد شبعت
مشت رزان المطبخ و لقت مصعب
رزان:-يلا عشان نمشي
مصعب:-جاهز انا م محتاج شي
رزان:-طيب
مشت رزان فوق عشان تلبس العباية
رغد:-ماشة وين؟؟؟
رزان:-ماشين انا و مصعب لبيت سمية
رغد:-طيب ماشة معاكم
رزان:-ورح اجهزي سريع
رغد:-طب اديني اي لبسة من عندك مبقدر امشي بهدومي دي اتبهدلت بشغل المطبخ
رزان:-عَزِّلي ايشي سريع مارقين احنا هسه
رغد:-اوكي اوكي
مصعب جا داخل:-اتي لسه م جهزتي؟؟؟؟
رزان:-يلا طالعة هسه بس رغد كمان جاية
مصعب بصوت واطي:-البت دي ليه محل م انا بمشي ملاحقاني
رغد:-عشان انت تسال
مصعب بنهرة:-يبت اتي اضانك دي فيا شنو سمعتيني كيف
رغد:-قول م شاء الله
مصعب:-ليك اتي؟؟؟؟؟
رزان:-خلاص خلاص اتو الاتنين راسي راسيييي
مصعب طوالي طلع و رزان طلعت وراو....و بعد شوية لحقتهم رغد...
يتبع#.......
الحلم البجي لرزان كل مرة حيكون شنو ف رايكم؟تابعو الاجزاء الجاية..
