صدمة

الجزء ٤

رواية صدمة
بقلم رهف عصام
الجزء ٤#..

رجعت رغد مع امها البيت و امها مشت تسوي الفطور..
اما رغد طلعت فوق الاوضة و بقت تفكر ف طريقة تطلع بيها رزان من السجن..
جات امها قاطعتها و هي داخلة بصينية الفطور
امنة:-رغد م اكلتي شي من الصباح
رغد:-م نفسي
امنة:-هاكي بس اللقمة دي
رغد:-امي تعالي شوفي الطريقة دي مناسبة و لا لا و هل بقدر اطلع بيا رزان من السجن
دخلت امنة و قعدت جنب رغد
رغد:-اسمعيني ي امي...
امنة:-والله الفكرة حلوة و ممكن تنجح بس انتي انتبهي انه م يكشفك تمام؟
رغد:-طيب...يلا انا ماشة
امنة:-يبت م هسه افطري اول
رغد:-لا لا يا امي لو اتاخرت حيشك...يلا باي
امنة:-طيب انتبهي على نفسك.....

مشت رغد لبيت رزان و دقت الباب...
فتحت ليا ام رزان و هي منهارة و بتبكي بعد سمعت الخبر من مصعب
رغد:-خالتو م تبكي عليك الله رزان دي م حتقعد وقت طويل انا حطلعها...بس عندي كلام مع ولدك د
هاجر(ام رزان):-مالو ولدي مصعب؟؟
رغد:-لالا مفيو شي بس رزان قالت لي اوصل ليو الكلام د
هاجر:-طيب
رغد دخلت لمصعب و لقتو ماسك اللابتوب و اظن بيتكلم مع صحبو
لما خشت قفل اللابتوب و هي طوالي بدت تجوط فيو:-م ندمان على الشي السويتو؟؟!!
مصعب:-يا بت م تلحقيني م فاضي ليك
رغد:-مدخل اختك و اللي هي صحبتي السجن و م دايرني اتكلم؟؟؟!!!
مصعب:-اظن هي اختي و بعمل فيا الدايرو
رغد:-لكن المفروض انه كل زول يتعاقب ع جرايمه و رزان م سوت شي و انت القتلتو!!!!!
مصعب طوالي قام من الكرسي و قال:-هوي يا بت هوي م تحشري انفك الوسخانه دي ف اموري انا اسوي الدايرو و وقت م داير و ااي رزان حتخش السجن على جريمة انا سويتها و حتتعاقب على عملة انا عملتها م تدخلي فاهمة!امشي انبحي ف مغفر الشرطة عشان يسجنوك انتي كمان
رغد (طبعا كانت بتسجل ف كلامه):-انت حتجي معاي المغفر و حتقول الكلام د هناك م هنا
مصعب:-و البخليني اقول شنو؟؟
رغد:-م شايف امك بتبكي كيف يحقير
مصعب:-و م تبكي اعمل ليا شنو؟؟؟؟م مستخدمة دموعي م شغلتي فيا
رغد:-استغفر الله العظيم ....و طوالي طلعت

اتوجهت رغد لمغفر الشرطة و دخلت و هي معاها الدليل ف يدها
الحاكم:-حكم على رزان المتهمة بجريمة القتل السجن 10 سنوات لصغر سنها
رزان و خلاص هلكانة و منتهية و الدموع نشفت ف سرها:-يارب نجيني من الانا فيو د!
طوالي جات رغد و قالت:-دقيقة...انا معاي دليل بثبت انه رزان م مذنبة و م عملت اي شي و انه مصعب هو المذنب
طبعا صاحب مصعب (عوض)كان قاعد و طوالي دق لمصعب:-الو
مصعب:-خير
عوض:-الحق ف مشكلة حتحصل هسه
مصعب:-وت؟
عوض:-البت الاسما رغد ديك جات المغفر
مصعب:-..اها و بعداك
عوض:-جات و قالت انه عندها دليل بيثبت براءة رزان و انه انت المذنب...و شايفها معاها تلفون مسجلة فيو فيديو اظن
مصعب بدهشة:-وتتتت؟؟؟!!!!!طب انا جاي هسه
عوض:-سرريع...
رغد:-انا قبل شوية كنت مع مصعب و اعترف بكل جرايمه و هندا الفيديو
الشرطي شال التلفون و شغل الفيديو
طيب فتحت الفيديو و انسمع كلللله
جا عوض ناطي:-م تصدق الكلام د كله البت دي ممكن تكون مدبلجة الفيديو و شايلة اصوات و خاتاهم مع بعض
الشرطي:-الفيديو د م بنفع معانا لو سمحتي بكون مفبرك
رغد:-لو سمحت يا استاذ عايزة كلمة معاك...على انفراد...
المهم..
الشرطي:-ايوة
رغد:-عفكرة عندنا محامي ممكن يقلب عليكم شغلكم فوق تحت...لانه اولا هل لقيتو دليل قوي ضدها؟
الشرطي:-السكينة و البصمات
رغد:-ممكن تكون السكينة دي مستعملة ف ايشي غير انه قتلو بيا مازن يعني!!
الشرطي:-...
رغد:-و ثانيا عملتو محاكمة؟؟
الشرطي:-...برضو ساكت
رغد:-لو بكلم المحامي و بصل الكلام د ل....ممكن تنفصل من شغلك عفكرة!!
الشرطي اتوتر و اتلبك
ف الاثناء ديك جا مصعب:-......
دار نقاش بين مصعب و الشرطي على انفراد..
بعداك رغد جات:-
الشرطي:-حنطلع رزان امرك
رغد طوالي مشت جرت لرزان:-يرزان حبيبتي حيطلعوك!
رزان:-احلفي!
رغد:-والله العظيم هندا خلاص حتطلعي متخافي
طلعو رزان و طوالي جرت لرغد و حضنتها و الدموع سيدة الموقف...
و بعداك جات سمية(ام مازن المقتول)و يا فرحة م تمت
جات على مصعب:-علفكرة انا عارفة انه انت المذنب!!
مصعب:-انتي منو؟!
سمية:-انا ام مازن القتلتو انا الام القتلت ولدها!!!
رزان جات ف نصهم:-يا خالة ممكن نحل الموضوع د بيناتنا
عاينت سمية لرزان و بقت بتضحك و قالت بصوت واطي:-بتشبهيها
رزان:-منو هي
سمية:-لا ولا حاجه.. د اخوك؟
رزان:-ا ا اي
سمية:-حتتعاقبو شديد...لازم ينسجن
رزان:-عليك الله يا خالة ....اسفين شديد و بنقدر نصلح كل الحصل...بس امي لو عرفت انه اخوي حينسجن ممكن تنجلط و تموت..عليك الله حسي فينا
سمية حاسه روحا انجذبت لرزان لكن م اظهرت:-و انتو م حسيتو ف ام الحتقتلوهو؟!!!لا اخوك لازم يتعاقب لو م اتسجن لازم يتعاقب!!
عاينت لمصعب بكل عصبية و نزلت عليو ضرب و هي بتبكي و رزان بتحاول تزح فيا و بالعافية زحتها
رزان:-خلاص شغليهو عندك!!
سمية:-منو؟
رزان:-هو!!
مصعب:-انا؟!!!
سمية:-حتشتغل عندي يواطي يحقير لاخر عمرك و حتضوق عذاب م حصل ضقتو!!
مصعب:-رزاننن
رزان بتحميرة:-صح يمصعب حتشتغل مش!
مصعب بتنهيدة:-مممم.
سمية:-تجيني ف بيتي على الساعة...و لو اتاخرت حتنسجن ع فكرة
و طوالي سمية طلعت
و الباقين رجعو بيوتهم
يتبع#...

كيف ح يكون حال مصعب و هو بيشتغل ف بيت سمية؟و هل هو قتل مازن قصدا؟تابعو الاجزاء الجاية...