رواية صدمة💔
بقلم رهف عصام✍️
الجزء ٢١#..
سماح:-الوو رزان يبت بتكلم معاك ردي😂👋🏻
رزان كانت بتعاين لامها بس م منتبهة لسماح
سماح ف سرها:-(امي و رزان قصتهم شنو كل وحدة فيهم بتعاين للتانية كد؟؟)
سمية قربت من رزان و سلمت عليها
رزان حضنتا طوالي من غير م تتكلم زاتو
سمية:-خير يا بتي مالك
رزان:-عارفاني بتك يعني
سمية:-اا؟؟شنو؟؟
رزان:-اا لا ولا شي..كيفك يا خ..خالتو💔
سمية:-انا تمام الحمد لله و انتي كيفك
رزان:-تمام تمام
سماح:-يعني انا م كنت بتكلم معاك ولا بتسفهيني
رزان:-لالا معلش م كنت قاصدة...
جات رزان سلمت على سماح و بعداك قعدو و هي الوقت كلو بتعاين لسمية م شالت عيونا منها...و سمية نفس الشي
سماح:-يجماعة في شنو انتي امها و انتي بتها و انا معارفة😂😂😂💔
سمية:-لالا والله بس بتشبه اساور شديد يسماح
رزان:-اساور؟
سماح:-امم د اسم اختي المتوفية الله يرحما💔
رزان:-...
جات رغد سلمت عليهم و رزان جابت ليهم عصير
رغد:-سبب الزيارة السعيدة شنو
سماح:-والله امي فجاة قالت لي عايزة تشوف رزان قمت جبتا😂🖤
رغد عاينت لرزان و لقتا زعلانة شدييددد و كانو نفسها تقول لسمية انها بتها بس مقادرة💔
بقو بتونسو كدا و رغد جابت ليهم عصير..
بعد فترة كد جو هاجر و معتصم خاشين وولقو سمية وسماح قاعدين
جات هاجر سلمت عليهم و هي خايفة و نفس الشي معتصم
بعد قعدو..
هاجر:-ان شاء الله خير🖤
سماح:-اي مف شي زيارة ساي والله😂🖤
سمية:-بس خلاص بعدا لازم نمشي لانه اتاخرنا
هاجر:-شنو لكن يدوب احنا جينا
سمية:-المرة الجاية بنجي نقعد اكتر يلا مع السلامه
هاجر:-الله يسلمكم
طلعو سماح و سمية ..و رزان طوالي مشت اتحبست ف غرفتا💔 .
بعد ساعة كد..
رغد:-رزان..افتحي الباب انتهيت من الاكل🌚
رزان جات فتحت الباب و رجعت تاني
رغد:-يخ لمتين حتقعدي مصرصرة وشك كد ياخ الحصل حصل و انتهى!م تفكري في الفات فكري في الجاي!فكري كيف حتكلمي سمية انه هي امك و انه سماح اختك فكري حتختاري تكملي حياتك وين ف البيت د ولا بيت سمية!
رزان:-م هو د الشي المحيرني!!حقعد وين!!عايزة امشي اقعد مع امي لكن معايزة امشي لانه عندي هنا ام برضو!
رغد:-يزولة تمشي تعيشي مع ناس سمية بعد يعرفو الحقيقة...كفاية لازم تمشي تقعدي مع امك الحقيقية الانحرمتي منها بعدا
رزان:-حكلمها متين لكن
رغد:-خلي خالتو هاجر تكلما
رزان:-اي كد احسن
رغد:-يبت المحظوظة حتعيشي ف القصر داك😂🔥🔥🔥🔥
رزان:-د الهاميك🤦🏻♀️😂💔
رغد:-يهمني شنو بسسس...
.....................................
مروة كانت بتفكر ف سماح و انو هي طلعت يعني بتجبها جد جد و الا م كانت بالغت كدا و اشترت ليا ايفون..ف نص سرحانها تلفونها ضرب..لقتها سمر
مروة:-خير مالك داقة لي؟
سمر:-عايزة اشوفك
مروة:-وين و ليه؟؟
سمر:-تعالي ف الحديقة الفي شارع"""
مروة:-موريتيني ليه طيب!
سمر:-تعالي و حتعرفي بس
مروة:-طيببببب...
و قفلت الخط..
سمر:-لازم تنكشفي الليلة قبل بكرة قدام سماح..لازم شديد
