رواية صدمة
بقلم رهف عصام
الجزء ١٤#..
رجع مصعب البيت متاخر و لقى قدامو امو..
مصعب:-خير ان شاء الله
رزان كانت قاعدة ف الكنبة ماسكة تلفونا و اضانا معاهم
هاجر:-شف مين رجع..الشايل دهبي و ماشي دافعو كفالة
مصعب:-اي!!!انتي هسي هامك الدهب!!!م هاميك انه انا كنت حتحبس ف السجن!!!!يعني لو كانو حبسوني و م لحقت اشيل الدهب م كنتي حتجي تدفعيو عشان تطلعيني!!!
هاجر:-اهتم بيك اساسا ليه و انت و صحبتك ديك سبب مشاكلنا كلها ف الدنيا دي من زمان!!!
رزان ف سرها:-مشاكل شنو يربي
مصعب:-وطي صوتك... رزان!!
هاجر لفت ولقت رزان قاعدة ماسكة تلفونا
هاجر:-رزان قومي على اوضتك
رزان:-ليه؟
هاجر بصراخ:-يلولو اضنينك قومي قلتا!!!!
رزان طوالي جرت فوق
لفت هاجر لمصعب و تمت كلاما و رزان واقفة ف طرف السلم بتتسمع
مصعب:-على فكرة انا ولدك المفروض الام يحن قلبا على ولدا لكن اتيي
هاجر:-الحنية معاك م نفعت اصلووو!!!...و بعدين لو كان دخلوك السجن اكيد كان طلعتك لانك ولدي و من لحمي و دمي لكن انا هسي زعلانة منك شديد لانك سرقتني يا مصعب!!!
مصعب:-الوقت داك كنتي مافي كنت حستأذنك كيف!!
هاجر:-اسكت عليك الله...اسكت اساسا الكلام معاك م بنفع و حتفضل زي م انت و م حتتغير...
مشت هاجر و لقت رزان واقفة.
هاجر:-يا بت واقفة لشنو!!!
طلعت هاجر لرزان فوق و رزان جرت طوالي لاوضتا..
دخلت ليا هاجر
رزان:-يا امي الشمار حارقني م ممكن مش انا وحدة من عيلتكم لازم تشاركوني اسراركم!!
هاجر قفلت باب الاوضة و قعدت جمب بتها:-رزان المواضيع دي م قدرك اتي لسه صغيرة
رزان:-انا م صغيرة خالص ع فكرة!!
هاجر:-لا صغيرة والله
رزان:-طب و ناوين تكلموني ب"الحصل زمان" متين
هاجر:-حتفضلي صغيرة لحد م تموتي على الكلام د
رزان:-ليييه!!!!!!!!
هاجر:-لانه الموضوع د م ينفع يتحكي و م اسمعك تاني تقولي لي عايزة تعرفي الحصل زمان شنو!!يلا نومي!!
رزان:-ياليييل...خلاص حردتو معايزة اعرفو زاتو...
هاجر:-كد احسليك والله يبتي...تصبحي على خير
رزان:- وانتي من اهلو
طفت ليها النور و طلعت..
رزان كانت نايمة و فجاة صحت و هي مخلوعة...جاها نفس الكابوس البجيها يومي
رزان:-يا الله متين حيبطل الكابوس د يجيني متين
.....................................
الصباح..
في جامعة سمر...
كانت سمر ماشة على المحاضرة و لقت قدامها لدن
سمر:-هيي لدن انتظري
لدن اتلفتت ليا:-اممم
سمر:-سورييييييي
لدن:-م وقتو ماشة المحاضرة
سمر:-يخ بليززززززززز سامحيني والله م كنت قاصدة اطلعك من بيتي اصن انا حمارة و كلبة و زفتة و تفوو عليا و كلووو بس سامحيني يخ
لدن:-بقدر آبى انا..خلاص بطلي تشتمي ف روحك عارفنك حمارة و تفوو عليك و كلو
سمر:-هويها
لدن:-ارح المحاضرة
سمر:-يلاا...
ف المحاضرة..
سمر:-قادرة تفهمي شي؟
لدن:-القال ليك فاهمة شي بكضب عليك
سمر:-عايزة اقول ليك...اتشاكلت مع سماح امبارح
لدن:-يبت اتي قصتك شنو كل يوم بتتشاكلي مع زول
سمر:-م بقدر احكي ليك القصة هسه الدكتور حيلاحظ...بعد نطلع تمام
لدن:-سمح
بالجهة التانية......
رزان:-رغد انا اتخلص من الكابوس البجيني يومي د كيف
رغد:-تاني جاك؟؟
رزان:-اي ياخ
رغد:-لازم تفسريو
رزان:-فسرتو و طلع لي انه في حقيقة كبيرة ف حياتي انا م مكتشفاها و لو اكتشفتها حتأثر ف صحتي النفسية لو م كنت قوية
رغد:-وااات!طبعا الكلام د حيكون ليو علاقة بالسر بتاع اهلك
رزان:-اكيدد...احساس امبارح امي كانت بتتشاكل مع مصعب و قعدت تقول انه هو سبب مصايبهم كلهم من زمان و معاو صحبتو كد
رغد:-معناها هو حيكون ليو يد كبيرة بالحقيقة الم مكتشفاها دي
رزان:-يب يب..
رغد:-الصبر لمن نعرف الحيحصل
يتبع#..
يربي قصة زمان دي شنو؟؟و صحبة مصعب دي منو و هل هي في حاليا؟؟و وينها؟؟و هل القصة دي ليا علاقة بسمية؟تابعو الاجزاء الجاية..
