رواية صدمة
بقلم رهف عصام
الجزء ١٠#..
سمية:-اياد!!
سماح:-اي يا امي
سمية:-د الجابو شنو كمان
سماح:-اكيد جاي عايز يخطبني
سمية:-لكن ابوك م دق لي ولا قال لي كلام زي د
سماح:-بتصل بتصل
سمية:-نشوف...اتكلمتي مع اياد؟
سماح:-لا ولا حتكلم معاو و لا حخطبو و لا حعرسو يا امي م عايزة اعرس ياخ
سمية:-لكن المفروض بعدا تعيشي حياتك يبتي
سماح:-يا امي اتي معقولة تكوني عايزاني اعرس و امشي من البيت د؟عايزة تبقي براك؟!!كفاية اخوي ماف ياخ م عايزة امشي انا كمان
سمية:-يعني د كلو عشاني انا؟
سماح:-لا لكن انا م عايزة ابعد من البيت د..
سمية:-خلاص نشوف الموضوع د بعدين يلا امشي ارتاحي ف غرفتك بتكوني تعبانة
سماح:-يلا ...
دخلت سماح غرفتا و بقت بتتكلم مع سمر كالعادة
مشى الوقت من غير م سماح تحس و هي بتتكلم مع سمر فجاة دقت ليا مروة
سماح:-دقايق يا سمر مروة بتدق حرجع ليك هسه
سمر:-امم...
سماح:-ايوة الو
مروة:-اي افتحي لي الباب م لقيت الجرس
سماح:-سجم خشمي الساعة كم...اا قصدي دقايق جاياك
سماح ف سرها(وبعلي المغرب جا متين)
لملمت سماح صور اختها الصغيرة الكانت مجدعاها ف السرير و ختتهم جوا الدولاب..و بعداك طلعت لمروة
فتحت الباب و قالت ليا:-اهو يبت الجرس
مروة:-شكلو غريب ليه محشور جوا كد
سماح:-يزكية بتضغطي من هنا و بتتفتح كاميرة المراقبة من هنا عشان نعرف الفي الباب منو
مروة:-واو مؤَمَّنين شديد
سماح:-لازم...اتفضلي
سماح خشت و معاها مروة ...لاقتهم سمية ف الطريق و سلمت على مروة...لاحظت ليا شغالة تعاين ف منظر البيت و العفش بطريقة غريبة م عجبتها
سمية:-اا دايرة شي يبتي؟
مروة:-سماح كاسة موية لاني عطشانة شديد
سماح:-طيب امشي فوق بتلاقيك اوضتي طوالي بعد الاوضة المفتوح بابها ديك على يمينا مسافة اجيب ليك موية
مروة:-طيب
طلعت مروة و هي لسه بتعاين ف منظر البيت و عاجبها شديد...اما سمية م ارتاحت ليا
شافت مروة الغرفة الكان بابها مفتوح ديك...خشتها ع اساس هي غرفة سماح...استغربت لما لقت ليا سرير شفع صغار و جمبو العاب كد برضو بتاعت شفع...و فيا فرش وردي و كل الغرفة كد زهرية....
مروة:-معقولة سماح تقعد ف غرفة زي دي د شنو د
سماح جات خاشة ليا:-د شنو د بتسوي شنو هنا
مروة:-يلا حاولي اقنعيني انه دي اوضتك
مروة:-يبت اتي جنيتي ولا شنو طبعن لا.. قلت ليك الغرفة الجمبا
مروة:-هي صحي نسيت كلامك كنت مندمجة مع منظر البيت بيتكم سمح شديد ع فكرة
سماح:-ثنكسسس...يلا تعالي هناك نحضر فيلم نسبة لعدم الموضوع
مروة:-ارح
ف اثناء م هم بحضرو...
سماح رن تلفونها...سماح:-دي سمر
سمر:-يبت مالك م رجعتي لي
سماح:-والله نسيت معلشش مروة جاتني و بتاع و نسيت والله
سمر:-جاتك وين؟
مروة جرت التلفون من سماح:-يعني حجيها وين يعني
سمر:-اا اتي معاها ف بيتاا..خياناات
مروة:-و انتي طبعن قطعتي علينا الفيلم
سمر:-ايوااا و كمان فيلم..اوكيي يا سماح
سماح جرت التلفون:-يبت هيي في زول مانعك الجية م تجي
سمر:-لالا الحمد لله انا عاملة خيانات برضو و معاي لدن
سماح:-بتعمل معاك ف شنو
سمر:-بنتفنن ف المطبخ
سماح:-هخخخ انتبهو م تحرقو المطبخ
سمر:-لالا متخافي علينا يلا تمي فلمك..سلام
قفلت سمر الخط و سماح و مروة رجعو يحضرو الفلم
