رواية صدمة
بقلم رهف عصام
الجزء ١١#..
مصعب:-في شنو يا امي؟!!!
هاجر طوالي مشت كفتتو(كف بسيط عليهو والله)
مصعب بصراخ:-في شنووو!!!!!
هاجر:-شنينة بقرينات يود ي م مربى طلعت روحك من السجن كيف؟!!
مصعب:-ياتو سجن؟!!
هاجر:-م تعمل فيا م فاهم انا عارفة بكل القصة و عارفة انك قتلت مازن!
مصعب اتصنم ف مكانو و م عرف كيف يرد
هاجر:-دهبي وينو؟!!!
مصعب:-يا امي دهبك دخلو شنو
هاجر:-مشيت رشيت الشرطة؟؟؟
مصعب:-يا امي انتي لسه م خرفتي صح؟ياتو شرطة دي البتترشي ....انا م رشيت زول !!
معتصم:-اتفضل قول طلعوك كيف من السجن!
مصعب:-يا ابوي مشيت اشتغلت عندهم!!
رزان طفشت من القعدة ف الاوضة و الشمار حارقها شديد ف مشت قالت تعمل روحا صحت من الكواريك و اتجهت لغرفة مصعب و بقت بتتسمع تاني
هاجر:-تشتغل عند منو؟
مصعب:-اهل مازن!
رزان ف سرها(وبعلي قال ليهم)
معتصم:-كيف يعني تشتغل عندهم تشتغل سواق يعني ولا شنو
هاجر:-ولا شغال تنظيف
مصعب نزل راسو و بقى يتصرف ببراءة:-تقريبا كد....اسوي شنو يعني ي امي انا قتلتو بالغلط لكن مف زول داير يصدقني و قلت اقدم ليهم اعتذار بطريقتي و هم وافقو!
رزان ف سرها:-(واي انا من البراءة و الكضب)
معتصم:-هه
هاجر:-يعني انت م ليك علاقة بالدهب؟
مصعب:-لا...ي امي هسي احتمال ابوي د هو الشالو!
هاجر طوالي اتلفتت على معتصم
معتصم:-ايواااا هسي بقيت انا الشايل الدهب!!هوي ي مرا ارجعي اوضتك خلاص انا قرفت منكم والله...اشيلو ليه؟!
هاجر:-ياربيي شوفو انا مفاهمة شي بس دهبي د يرجع
و طوالي هاجر رجعت و لقت قدامها رزان
هاجر:-يبت بتسوي هنا شنو!؟
رزان:-صحيت على اصواتكم العالية في شنو؟!
هاجر:-مف حاجه يبتي موضوع بسيط يلا ارجعي نومي
رزان:-طيب
هاجر و معتصم رجعو و رزان دخلت لمصعب
رزان:-موضوع الدهب د شنو؟
مصعب:-م عارف
رزان م صدقتو لكن اكتفت بانها تطلع من غرفتو
دخلت اوضتها و بقت بتفكر ف كلام ابوها لما قال.."هسي لو طلع الزول القتلو مصعب من نفس العائلة ديك..."قصدو شنو بالعائلة ديك ياتو عائلة اصلا؟...و هي بتفكر غرقت في النوم....
...........................
بالصباح....
مشت هاجر لقسم الشرطة و لاقت الشرطي
الشرطي:-خير ي استاذة
هاجر:-قبل اسبوع كان ف قضية قتل و القاتل كان اسمو مصعب معتصم عبدالحميد
الشرطي ظهر عليو مقلق حبة:-اا ايوة نعم
هاجر بهمس:-ليه طلعتوه اذا هو مذنب؟
الشرطي بتوتر:-ام المقتول قالت انه دي مشاكل عائلية و بحلوها براهم و هو م حيقتل تاني و حتعاقبوا بطريقتها
هاجر:-ايواا و انا المفروض اصدق
الشرطي:-يا استاذة لو ما عندك سجين هنا ولا اي قضية مفتوحه اطلعي من القسم
هاجر:-اخر الزمن الشرطة تترشي
الشرطي:-شنوو؟!!اي رشوة؟؟
هاجر:-مصعب رشاكم بشوية دهب عشان كد خليتوه يطلع!
الشرطي:-يا استاذة دي كانت قروش كفالة للمتهمة رزان اللي هي اختو ما هو...صح انو مف كفالات لجرايم القتل بس اكتشفنا انو السكينة اللقيناها جمب المقتول كان فيا بصمات لليد اليمين...في حين انو المتهمة رزان بتستخدم يدها الشمال...لاحظت ليا لما جيت بيت صحبتها عشان القي القبض عليها كانت بتقطع بالسكين بيدها الشمال...
هاجر:-يبقى ب كد اصلا م محتاجين قروش كفالة عشان تطلعوها!القروش دي عشان مصعب..اعترف!
الشرطي:-اكرر و اعيد يا استاذة لو م عندك سجين هنا ممكن تتفضلي و الا بنادي للحرس
هاجر:-طب بس ممكن استفسر عن اسم المقتول
الشرطي:-مازن
هاجر:-الاسم الكامل لو سمحت
الشرطي:-م عندك حق
هاجر يئست من الموضوع و قررت ترجع البيت لانه مستحيل تقدر تعرف اذا دي نفس العيلة ولا لأ..اما مصعب حتوريهو الويل الليلة
