رواية صدمة
بقلم رهف عصام
الجزء ٤٠ و الاخير🔥
البارت التاني#..
اياد كان منتظر سماح تطلع من الحمام...م عرف ليه هي طولت كدا...هو كان متفق انو يلاقي زول ف الوقت د و احتمال كدا يكون اتاخر عليهو..لازم يعقدو سريع سريع عشان الحفلة تبدا و هو يستاذن الوقت داك يتم شغلو و يرجع تاني..شوية كد و لقى سماح وصلت...بقى بشاكل فيا و يقول ليا ليه اتاخرتي و كدا بس م ردت عليو..اتلفتت ف الصالة تشوف رزان وين بس م لقتا...خافت تكون بتغلط لو طنشت رزان بس هي م بتقدر تنتظر عايزة تنتهي سريع سريع عشان تعرف اختها منو...قالت م مشكلة بتعتذر لرزان بعدين لانو هسي ف شي اهم(البت غبية خلاص)
رجعت رزان الصالة و اتفاجات لما لقتهم خلاص انتهو و عقدو...ختت يدينها فراسها و سماح انتبهت ليها...جات عليها طوالي و بالجمبة كدا انتبهت انو اياد طالع من الصالة
سماح:-اياد ماشي وين؟
اياد:-هنا بس برا الصالة عندي صحبي عايزني و راجع
سماح:-كويس
رزان بعد م اياد مشا:-سماح م قلت ليك تنتظري يخخخ ليه م سمعتي كلامي!؟
سماح:-رزان انا والله نفسي اقول ليك شي بس م بقدر لانو م بيدي و هسي انا العرس د برضو م بيدي انا مجبورة بس مجبورة...و كنت حنفذ طلبك بس في موضوع مهم شديد عشان كد بصراحه م قدرت اوقف العرس..لكن انتي كنتي عايزة تعملي شنو؟
فجاة جات مروة اتدخلت و هي متضايقة شديد و كانت بتصرخ:-يا غبية يا الم بتفهمي دمرتي حياتك بيدينك كدا احنا كنا عارفين بالموضوع كلو و كنا بنحاول نحميك من الوحش داك الاسمو اياد بس انتي ببساطة دمرتي كل شي و مشيتي للموت بيدينك و عرستيو!!!
سماح انصدمت من كلام مروة و قالت:-عايني انتي منو اول عشان تتكلمي معاي بالطريقة دي م بسمح ليك امشي من هنا...و بعدين حقيقة شنو العرفتوها؟و انتي اصلا دخلك شنو بالله م تتحشري
قاطعتها مروة و هي هايجة:-يحشرو فيك عمود يا سماح اسمعي كلامي للاخر المرة دي!!!و الباقي كلو م بهمني حتقولي شنو و حتصدقي ولالا بس لازم تعرفي
سماح بدا عليها التوتر بس م اظهرت اما رزان فضلت ساكتة و انتبهت من طريقة كلام مروة قدر شنو هي بتحب سماح و خايفة عليها
مروة:-انتي عرستي اياد عشان بس تعرفي اختك منو صح!!(و بهياج اكبر)اختك عرفت بالموضوع د كلو و حاولت انو تخليك تلهي اياد عشان تقدر تحل المشكلة و ينتهي كل الحاصل د!!!و بكدا انتي بتعرفي منو اختك من غير م تضطري انك تعرسي الوحش دااااك!!!!
هدت مروة شوية و اخدت ليا نفس عميق و سماح طبعا م فاهمة شي بس كل دقيقتين بتعاين لرزان و رزان زاتا بتعاين ليا و تبكي
الناس سمعت كواريك مروة ف وقفو الاغاني و كلهم اتلمو و بقو بسمعو ف كلاما...
مروة رجعت تهيج و تصرخ:-من يوم خطوبتك و اختك عارفة بالموضوع د و فكرت انو لو كلمتك انو هي اختها احتمال م تصدقيها فا قالت تجيب ليا اي اثبات و تستعين بزول ممكن يساعدها ف الموضوع د و فعلا مشت استعانت بوحدة بتعرفها من زمان و هي كانت سبب ف انو بعدت منكم و اتبنوها!!و خلاص كنا ماشين كويس و كانت ممكن تفيدنا و على اساس الليلة هي المفروض تجي هنا و تكشف كل شي قبل م انتي تعقدي بس لاا هي م جات و احنا م عارفين للان ليه هي م جات قلنا م مشكلة بنحل احنا المشكلة دي!نلاقيك طنشتينا ولا كانو قلنا ليك شي و مشييييتي عرستيو خلاص!
سماح كانت بتبكي بس و من شدة م مروة كانت بتكورك و هايجة هي م قدرت تستوعب شي
رزان بتمتمة:-م...مر..مروة خلاص ه..هد..هدي م بالطريقة دي م تكوركي فيا هي كككيف حتعرف احنا كنا عايزين نقول ليا شنو؟
مروة رجعت هاجت تاني:-لو بتعرف لو م بتعرف م تعمل كد و تتجاهلنا ياخ هي ليه بتحب تجيب المشاكل لروحا!!!!هسي حتحل المشكلة دي كيف وريني!!!!تاني اياد م حيطلقها لو شنو الشنو!!!
سماح بصراخ:-طب انتي ليه مهتمية بامري د شديد؟
مروة:-واضحة شديد لاني بحبك و بعتبرك صحبتي و بخاف عليك من اي شر و اذى يعني حيكون شنو!!!
سماح بقت ساكتة..
اما باقي المعازيم شافو انو احسن يطلعو فاا كلهم طلعو الا البسيطين..فضلو خالة سماح و بناتها و سمر و اسلام ..
مروة:-عايني خلاص طيب اسفة لاني كنت بكورك فيك بس م قدرت استحمل الشي الشفتو يعني معلش
سماح بعد م شبعت بكى:-اسكتيي ياخخ(و حضنتا طوالي)
سمر بقت تعاين ليهم و هي مبتسمة بس للان ولا زول ناقش اي شي من الكانت بتقولو مروة
سمية:-مروة ياا بنتي والله انا شاكة في انو زول فينا فهم شي من الكنتي بتقوليو عليك الله ورينا الحاصل شنو براحه
سماح:-دقيقة مروة انتي قلتي انو اختي كانت بتقول لي الهي اياد؟بس انا بتزكر انوو...و فجاة سكتت
و كلهم سكتو...بقت سماح بس بتعاين لرزان و مصدومة لمن راسها لف و بقت مقادرة تشوف شي قداما..
..........................................
