صدمة

الجزء ٦

رواية صدمة
بقلم رهف عصام
الجزء ٦#..

ركبو التلاتة العربية..
مصعب:-البسي طرحتك دي
رغد:-ات راجلي ولا من محارمي ونا معارفة؟؟؟؟
مصعب:-رزان قولي لصحبتك تلبس الطرحة والا م بدور العربية
رزان:-رغد البسيا عشان م يهيج مناقصين
رغد:-خلاص طيب

مصعب ف الطريق:-اتي عارفة البيت شكلو كيف من برا؟؟؟؟
رزان:-اي قبل كد رجعت مع ولدها عشان كان في اوراق مهمة دايرني اوقع عليا معاو ف بيتو
مصعب:-اممم قلتي لي اوراق
رزان:-مصعب م فاضية ليك.....ات قايل شنو؟؟؟انه انا بحبو؟؟؟؟؟مازن د انا بعتبرو اخوي بس م اكتر
مصعب:-اخوك قلتي لي
رزان:-اي هو البالجد ممكن يتقال عليو اخ م ات
مصعب:-القال ليك انا اخوك بكضب عليك
رغد:-د شنو الكلام د هييي
رزان:-خليهو م واعي
مصعب:-لا واعي
رزان:-خلاص تمام....و نا م حاعتبرك اخوي....حاعتبرك قاتل اخوي
مصعب طوالي وقف العربية:-ناوية تخليني اقوم عليك ولا الحنك شنو؟؟؟؟
رغد:-يخوانا خلاص ياخ يلا تم مشي
رزان:- م يتم يلا زاتو وصلنا اهودا البيت....
نزلو التلاتة من العربية و دقو الجرس....كان البيت شكلو فخم من برا....البيت كان جايط امكن الناس جايين يعزو سمية عشان موت ولدها....(طبعا هي قالت للناس انه مات بحادث و م ورت اي زول الحقيقة....بس هي و بتها العارفين.
جات بتها(اسمها سماح) فتحت الباب
رزان طوالي شالت معاا الفاتحه و بعدين سلمت عليا
سماح:-اتفضلي
رزان و مصعب و رغد دخلو
مصعب في سره:-لو عرفتنا احنا مين كان كفتتنا و قفلت فينا الباب
سماح:-انتو منو م حصل لمحتكم ف حته
جات سمية من ورا:-ديل ناس مميزين كد
سماح:-؟؟؟؟؟
سمية:-جبنا خدام للبيت يا سماح
سماح:-امي حلفتك بي الله د وش بت خدامة؟؟؟؟و لا م يكون قصدك ديك(و اشرت على رغد)
سمية:-وليه م ممكن يكون الولد د
سماح انصدمت:-هاا؟
رزان:-يبتي القصة كلها انه جاي يشتغل هنا بس و داير يشوف البيت يعني و كد و برضو جينا نعزيكم
سمية:-اا تعزونا قلتي لي
سماح:-امي البت دي بتشبهني شديد
رزان:-اي لاحظت
سمية:-المهم يا رزان حاليا البيت مليان بعد يفضى شوية بناديك.....ونت(اشرت على مصعب)مدايرة اشوفك ف بيتي حاليا تطلع تطير اي حته مسافة م البيت يفضى بعدين تجي بوريك شغلك حيكون كيف....
مصعب بنفاذ عصبية:-اممم
مشت سمية و بتها و مصعب طوالي طلع من البيت بلا سابق ولا انذار
اما رغد بقت بس بتتامل ف البيت الفخم د و رزان مشت تشوف ليا فجة تقعد فيا مسافة البيت يهدا حبة.....
رزان:-رغد ارح هناك شايفة لي غرفة فاضية
رغد:-ارح....
جو ماشين على الاوضة لكن جاتهم سماح:-ماشين وين؟؟
رزان:-لقيت الاوضة فاضية بس دايرين نقعد فيا
سماح:-لا م تخشي الاوضة دي شوفي ليك اوضة تانية
رزان:-لكن....قاطع كلامها صوت جاي من قريب(صوت سمية)....كانت بتكورك
جو جارين التلاتة عليا و لقوها بتكورك و بتبكيييي و بتقول:-ولدييييي!!!!جيبو لي ولدي!!!!!عايزة ولديييي!!!!ذنبو شنو ف الدنيا دي عشان يحصل معاو كد!!!!!
سماح جات جارية ليا:-ي ي امي خلاص كلنا ف النهاية حنموت و د شي مكتوب لين!!
سمية:-م كفاية بتيي؟؟!!!!كمان ولدي؟؟!!!!!!!!م بقى لي ف الدنيا دي غيرك انتي..!!!!م تموتي اتي كمان م تخليني اعيش براي!!جيبي لي ولدي و بتي جيبيهممم!!
بقت سماح بتهدي ف امها و بعد وقت هدت...مشت ودتها اوضتها و الظاهر حجم الضيوف بدا يقل لمن ف النهاية مشو كلهم
رزان:-انا اسفة..م كنت قايلة انه كمان اختك اتوفت..ربنا يرحمها
سماح:-امين..من اليوم داك امي عايشة صدمة و احيانا بنلاقيا بتبكي براها و يوم بتتكلم مع روحا و الله يصبرها بس
رزان:-امين
رغد:-سؤال بس يرب ميكون فيه مضايقة ...كيف توفت اختك؟؟
رزان:-رغددد!!
سماح:-لا لا مف مضايقة....كنا انا و هي قاطعين الشارع....كانت صغيرة عمرها ٣ سنين ونا ٨...جات عربية و
رزان:-اا
سماح:-لا م طقشتنا..انا كنت شايلاها ولما جات العربية رميتا بجهة و جريت بجهة تانية و معارفة ليه عملت كد
رغد:-وجيتو لقيتوها ميتة؟!
رزان:-يرغددددددد
سماح:-انا معارفة.... لما جريت بالجهة التانية اتذكرت اني رميتها بالجهة البيغادي و كنت خايفة لما صحيت م لقيتها ف اتوقعت اني ممكن اكون موتتها فجريت طوالي و كنت خايفة شديد و ببكي و مرتعبة و حالتي كانت حاله و انا خلاص بقيت قاتلة
و فجاة بقت سماح بتبكي و جات رزان تخفف عليها و تهديها و م هدت بالساهل....كانت كل شوية بتردد:-انا قاتلة انا قتلت اختي قتلت اختي!!
رزان:-انتي م عملتي حاجه و لسه كنتي صغيرة م واعية م عليك شي
سماح:-القصة م قصة اني قتلتها القصة ف اني مشتاقة ليا..كان اسما اساور
رزان:-انا لله و انا اليه راجعون..
فترة من الصمت و قالت سماح:-
فريندز؟؟؟
رزان و هي مبتسمة:-فريندز
و جا مصعب خاشي
رزان:-المعازيم طلعو خلاص؟
مصعب:-اي....و موجه السؤال لسماح:-الخالة سمية وينا؟؟
سماح:-دقيقة امشي اناديا
مشت سماح تنادي امها و ف مدة دقيقتين جات معاها...
سمية:-سماح شايفاك صاحبتي البنات ديل
سماح:-ليه في شنو
سمية:-انتي عارفاهم منو؟طب انتي عارفة د منو(و اشرت على مصعب)
سماح:-ي امي م قلتي جاي يشتغل؟
سمية:-د القتل اخوك ي...
قاطعتها سماح بصراخ:-هااااااا؟؟؟؟!!!!!!!!!!!!!!
سماح:-انت القتلتو؟؟؟؟؟!و نتو(اشرت على رزان و رغد)يعني جايين على اساس زعلانين علي و تتبكو معاي ي حقيرات....امي طلعيهم من البيت...امي طلعيهم سريييع اصلا كيف طاوعك قلبك تدخلي الزول القتل ولدك للبيت!!....كل م تشوفيو حتتذكري ولدك!!!!!
سمية:-كل م اشوفو ححس روحي اخدت حق ولدي
رزان قربت من سماح:-دقيقة يا سماح انا....
قاطعة سماح بصراخ:-طيري مني م تلمسيني زحي!!(و بقت بتبكي و طوالي جات جارية)
سمية:-طبعا اكيد م حتستقبلكم متوقعين شنو؟؟
رزان:-انا اسفة
سمية قربت من رزان و بقت بتعاين ليا بدقة شديدة و فجاة بقت بتدمع
رزان:-خالتو مالك في شنو؟؟
سمية فجاة بقت بتتبسم و بقت مبسوطة..
مصعب من بعيد:-؟؟
سمية:-مف حاجه ي بتي بس معلش على كوراك سماح
رغد ف سرها:-(المرا دي مش كانت بتبهدلنا هسي مالا؟؟)
رزان:-ولا يهمك حقها..
سمية:-المهم تعال معاي انت عشان اوريك شغلك...
مشو سمية و مصعب... و رزان و رغد مشو لسماح...
يتبع#...