صدمة

الجزء ٧

رواية صدمة
بقلم رهف عصام
الجزء ٧..

دقو باب الغرفة،
فتحت سماح الباب و لقت قدامها رزان و رغد و طوالي جات دايرة تقفلوا ف وشهم:-شايفاكم متصرفين كانه البيت بيتكم!!!!!
رزان:-سماح اسمعيني عليك الله انا.....
سماح:-م دايرة اسمع شي و اطلعي من هنا!!
جاتهم سمية و معاها مصعب و قاطعتهم:-سماح!!اللي قتل ولدي هندا م دي القتلتو البت دي بريئة و م ليا اي ذنب كان هي كان صحبتا المعاها دي
سماح:-اكيد كانت عارفة انه اخوها حيعمل كد
سمية:-يبت د كان متهمها بالجريمة دي و مدخلها السجن على جريمته هو كيف تقولي انها كانت عارفة!!!
رغد ف سرها:-(لا هي بالجد المرا دي عندا انفصام ف الشخصية)
سماح:-امي م دايرة اسمع شي
سمية:-وانا قلت انه البت دي م ليا علاقة بكل الحصل و حتستقبليها ف غرفتك هي و صحبتها لحد م ننتهي...
سماح بنرفزة:-خلاص خلاص تمام...
مشت سمية مع مصعب... و رزان و رغد دخلو مع سماح...
رغد بوسوسة لرزان:-م عندنا كرامة احنا
رزان:-كيف يعني
رغد:-طاردننا و دخلنا
رزان:-
سماح:-منتظرين يعزموكم عشان تقعدو؟؟؟
رزان مشت قعدت جمب سماح
سماح:-يبت اتي مالك لصقة كد
رزان:-اسمعيني و المرة دي مف مقاطعه!!انا لا عملت شي لا قتلت زول اخوي د العمل الجريمة دي كلها و بعدين لصقها فيني و بعدين طلعوني ببراءة و انا بالجد حزنانة على مازن لانه انا كنت بعتبروا اخوي و مستحيل افكر ف يوم من الايام اقتل اخوي!!
سماح:-مستحيل تعترفي انه اخوك مصعب غلطان كمان
رزان بهمس:-لو بعتبروا اخوي
سماح:-هاا؟؟؟
رزان:-ولا شي قلت اني م لي علاقة بكل الحصل و انا بالجد اسفة و م كان قصدي ازعجك...سلام
قامت رزان و بعديا طوالي قامت رغد...
سماح:-دقيقة
رزان اتلفتت..
سماح:-خلاص تمام انا مصدقاك لكن شيلي فكرة نبقى فريندز لابينا صداقة لا عداوة تمام؟
رزان بتهنيدة:-امممم
و طلعو طوالي
لاقو ف الطريق سمية
سمية:-في شنو طلعتو ليه؟اكيد سماح قالت ليكم تطلعو صح انا بوريها قليلة الادب دي
رزان:-لالا هي م قالت شي انا طلعت براي..
رزان موجهة الكلام لمصعب:-نحنا حنرجع بركشة ات ارجع براك بعدين لما تنتهي
مصعب ف سره:-(طيري طيارة تشيلك)..طيب
طلعو رزان و رغد من البيت و سماح مشت فتحت تلفونها و بقت بتتكلم مع صحبتها..

طيب تعريف الشخصيات:-
سمية:-ام مازن و سماح و عمرها ٥٥سنة...عندها بت توفت من زمان و كانت عايشة ف صدمة بس طلعت منها الحمد لله..
معتصم:-راجل سمية...م قاعد معاهم ف السودان سافر فرنسا طوالي من بعد حادثة بتو اساور اللي ماتت..عمره ٥٩ سنة..م شغال بعيلتو شديد يعني حتى اساور لما ماتت م اثر فيو الموضوع...
سماح:-ممكن نقول انها ملكة جمال فرنسا...غير انها سمرة شوية لكن من اجمل خلق الله...عمرها ٢٢ سنة و بتقرا طب في جامعة التقانة...مع انها سمحه لكن م بتحب الحنكشة و حركات البنات العبطة ديل...بس برضو بتهتم بروحها شديد
مازن:-انسان هادي شدييد لمن عوارة..عمره ٢٧ سنة و خلص الجامعه و بدا يشتغل ف شركة .... قتلو مصعب لانه كان قايلو بحب رزان(والله د الاحنا عارفنو لحد الان)
سمر:-دي صحبة سماح..و عمرها ٢٢ سنة..م بتقرا معاها ف نفس الجامعه لكن صحبات من ايام الثانوي...بتقرا ف جامعة الخرطوم طب برضو...بتعرف عن سماح ايشي و سماح بتعرف عنها ايشي برضو..برضو سمحة شديد لكن م قدر سماح
مروة:-م حعرفكم عليها عديل لكن كل الممكن تعرفوه انه عمرها ٢٢
طيب نرجع للاحداث...
سماح:-هه اتخيلي منو جانا الليلة عشان يعزينا
سمر:-ميين؟
سماح:-القتل اخوي هه
سمر بصدمة:-شنو!!!..منو د كمان !!!كيف اصلا بتجرا كيف خليتو يخش بيتكم؟!!امشو بلغو عنه سريع م تخلوه!!
سماح:-م بعرف امي قالت اطلقو سراحو ولا شنو لكن المهم انا متاكدة انه في رشوة ف الموضوع
سمر:-طب انتي م عندك اي دليل ضدو!
سماح:-انا يدوب عرفتو الليلة اكيد م عندي شي
سمر:-واي انا اكيد م حتخلوه
سماح:-لا طبعن امي م جابتو بيتنا ساي..جابتو عشان يشتغل
سمر:-م تخلي امك تقرر عنك...هي اكيد م طالعة من الصدمة لانه دي الصدمة التانية بالنسبة ليا!!
سماح:-كل البعرفو ي سمر اني يستحيل يستحيل استحمل اشوفو ف البيت ثانية وحدة ياخ كل م اشوفو حتذكر اخوي!
سمر:-عشان كد بقول ليك لازم تطلعيهو سريع
سماح:-مبقدر امي ماسكة سلطة البيت من م ابوي سافر...اتخيلي يعني ابوي عرف انه مازن مات و م فرقت معاو شديد زي لما ماتت اساور!!
سمر:-يخ انا والله مستغربة من ابوك د شدييد...يعني بعد م هو لسه معاكم م هاميو امركم...م شغال بيكم ليه كد؟!!
سماح:-امكن لانه بكره امي....يعني اصلا من زمان هو بكرها مف شي جديد...انا م عارفة الناس دي حاسدانا على شنو التقول عندنا شي!
سمر:-الناس دي بتحسد على القروش م بهما شي تاني...اي زول بشوف البيت و الحته الانتو ساكنين فيا دي طبيعي يحسدكم...ناسيين انه اهم شي هو العيلة مع القروش
سماح:-امم..شكلو لما اموت انا زاتي ابوي م حفرق معاهو
سمر:-يخ بجي بديك كف من جوا التلفون بطلي تجيبي سيرة الموضوع د تاني!
سماح:-طيب خلاص..بس دي حقيقة برضو
سمر:-غيري الموضوووع...ارح قيم ليدو يطلعك من المود د
سماح:-غايتو بتحبي تتغلبي
سمر:-لالا مف كلام زي دا انا حغلبك هسه اصبري بس يلا اقفلي الخط
سماح:-نشوف

يتبع#...

تتوقعو سماح و سمية يتجاوزو موت مازن زي م اتجاوزو موت اساور ولا لا؟تابعو الاجزاء الجاية..