رواية صدمة💔
بقلم رهف عصام✍️
الجزء ٢٠
انتهت المحاضرة الاخيرة و رغد مشت طوالي لبيت رزان
وصلت و دقت الباب
بعد زمن فتح ليا مصعب...كان ظاهر عليو محبط كد و ببكي
رغد:-في شنو؟
مصعب مسح وشو:-مف شي خشي مش جاية لرزان
رغد:-اي مالا م بترد على التلفون وليه م جات الجامعه
مصعب:-البت حالتا م كويسة و قاعدة ف اوضتا
رغد بخلعة:-ليه مالا؟؟؟؟!
مصعب:-امشي شوفيا بس
دخلت رغد و مشت لغرفة رزان
دخلت ليا و اظن رزان م حست عليها
كانت رزان قاعدة ف سريرها متكتفة ف روحا و ماسكة مخدتها و بتتحرك قدام و ورا و اظن دموعا نشفت من كتر م بكت
جرت ليا رغد طوالي و بقت تكورك:-رزان في شنو؟؟؟!!
رزان م كانت بترد عليا و بس شغالة تتحرك قدام و ورا
رغد:-رزان ردي!!...في شنو الحاصل شنو!!اتي بتبكي و مصعب ببكي في شنو!!
رزان برضو م ردت
مشت رغد تشوف هاجر وين
مصعب و هو قاعد ف الكرسي:-بتفتشي في منو
رغد:-وين خالتو هاجر؟
مصعب:-م قاعدة...مشو هي و ابوي مشوار
رغد:-طب في شنو قول!
مصعب:-يخ اسالي رزان ياخ
رغد:-م قعد ترد!!
مصعب:-عنها م ردت
رغد:-هويها!!في شنو!!
مصعب قام من الكرسي و هاج:-يخ شنينة بقرينات م تنقي ف راسي كل دقيقتين في شنو في شنو!!!!!رزان عرفت انه هي م اختي!!!عرفت انه هاجر م امها ولا معتصم ابوها!!!عرفت انه دي م عيلتا!!!عرفت انه احنا متبنينها و عرفت انه اهلها الحقيقيين هم ناس سمية!!!
رغد:-انا جادة معاك و م قعد اهظر رزان مالا😊💔
مصعب هاج اكتر:- ولااا انا بهظر!!!!
رغد:-...(بس مصدومة)
مصعب بعد هدا شوية:-شوفي انا اسف لاني كوركتا فيك بس انا براي مصدع و م قادر اتكلم و حصلت حاجات كتيرة ف البيت امبارح و مبقدر اقولا كلها هسه بس...الممكن تعرفيو انه رزان دي كانت دايما بتحاول تعرف السر المخبينو عنها ف العيلة و د هو السر و عرفتو...و بس يعني..
جا مصعب عايز يمشي لكن وقفتو رغد:-و انت مالك طيب بتبكي؟
مصعب بتلبك:-حيكون عشان شنو يعني عشان رزان طبعا
رغد:-م حصل اعتبرتها اختك حتى بالغلط...
مصعب:-انتي م فاهمة شي بس امشي..
رغد:-فاااهمة عفكرة واعية على ايشي قدامي...رزان دي محصل خليتا ف حالا دقيقة وحدة...دايما جاري وراها انت و المشاكل و جايب ليا البلا ف حياتا...انت انسان ظالم شديد والله!!!
مصعب طنشها و كمل طريقو...هو اصلا كان بكره رزان لانو كانو ناس بيتو بلومو صحبتو مريم على كل الحاصل د يعني هو كان بكرها عشان بحب مريم....بس بعدا كلو مريم سابتو ولا كانو حاصل شي و نستو و كمان قالت ليو بكرهك...يعني هو كان مدي مريم قيمة كبيرة و هي للاسف طلعت م مدياهو اصلا اي قيمة...قرر يشيل كل الكره الفي قلبو اتجاه رزان لانو بعدا مف سبب يخليو يكرها..
اما رغد مشت لرزان
دخلت رغد لرزان وبقت بتتكلم:-صحي الكلام القالو مصعب؟؟؟صحي طلعت امك سمية و اختك سماح الكلام د صح؟!!!!!
رزان رجعت تبكي تاني
رغد:-رزان يخ قولي كلمة بس طمنيني انك كويسة
رزان:-انا كويسة الحمد لله كويسة...كويسة شديد...شديد جدن...جدن كتير كويسة لمن غلط
رغد:-يخ يا رزان جادة معاك قولي لي الكلام د جد؟
رزان:-اي🙇♀️
رغد معرفت تقول شنو بس سكتت مسافة وبعداك رجعت تتكلم:-عرفتي كيف يعني فجاة كد قررو يكلموك بالحصل!
رزان:-لا🙇♀️جات بت كد و حكت الحصل
رغد:-بت مين
رزان:-اعتقد صحبة مصعب من زمان....جات و حكت كل الحصل زمان و بعداك مشت
رغد:-طب احكي لي يخ الحكتو ليك يلا
رزان حكت لرغد كل السمعتو من مريم....
رغد كانت مصدومة شديد و معرفت ترد بشنو
رزان:-و بس يعني
رغد:-و...و..
رزان:-معارفة تقولي شنو صح🙇♀️💔اساسا مف شي يتقال بعدا🙇♀️
رغد:-رزان هدي...كويس انك عرفتي الحقيقة اهو كنتي عايزة تعرفيا من زمان!
رزان:-م كنت قايلاها كبيرة للدرجة دي🙇♀️💔
رغد:-المهم انك عرفتيا....
مسكت رغد يد رزان و بقت بتطمن فيا انه م ححصل بعدا الا الخير
رغد:-صحي مصعب مالو؟
رزان:-مالو
رغد:-يبت شغال يبكي من قبيل..عشانك؟
رزان:-لا طبعا...عندو صحبتو ديك مريم عرفت انه هو قاتل مازن و قطعت علاقتا بيو...يستاهل
رغد:-م تقسي عليو ذنبو شنو هو...على فكرة هو برضو بحبك...يبت م شفتي يوم شلخك ف راسك د زعل عليك كيف...لانه م كان واعي على روحو..
رزان:-ههههههه
رغد:-جادة معاك
رزان:-مالك و مالو انتي
رغد:-🙂
رزان:-...
رغد:-امك مشت وين
رزان:-معارفاها اساسا انها طلعت🙇♀️
رغد:-اتي قاعدة ف اوضتك دي من متين؟؟
رزان:-من امبارح💔😓
رغد:-يبت اتي م ماكلة شي؟
رزان:-في ذمتك د وقت افكر فيو بالاكل
رغد:- لو انا متا برضو تاكلي...دخل الاكل شنو!!قومي يلا قومي الا تاكلي هسه معندي شغلة
رزان:-رغد زحي مني يخ منفسي💔
رغد:-بزعللللل
رزان:-ازعلييي و بعداك
رغد:-رزان اتي م واعية على روحك بتقولي ف شنو فاا قومي وانتي ساكتة
رزان:-يخ ابيت
رغد:-زط يا زولتي
طلعت رغد برا و رزان حست روحا غلطت انها اتكلمت مع رغد بالطريقة الناشفة دي
قامت عشان تشوفا...
طلعت و لقتها قاعدة ف المطبخ😂😂😂
رزان:-يبت د شنو د بتسوي هنا ف شنو
رغد:-يعني حأمثل فيا دور الزعلانة و اطلع برا البيت و اخليك ف حالتك دي؟ارجعي اوضتك يلا وانا حسوي ليك اكل و شفتي الليلة كلمتي هي الحتمشي و انتي حتاكلي😘💔
رزان:-طيب خلاص ارتحتي😂😂
رغد:-اي يلا امششي
رزان:-مشيت اهو..
بعد زمن جا مصعب خاشي المطبخ عايز يشرب موية...و هو طالع نادتو رغد:-مصعب!
مصعب لف:-؟؟
رغد:-انا اسفة
مصعب:-على؟
رغد:-على الكلام القلتو قبيل...م كنت عارفة انه الموضوع فيه صحبتك و...
مصعب:-م مشكلة اساسا م ركزت شديد
و طلع مصعب طوالي
رغد:-يخ فيني شنو انا...لشنو لما اتكلم معاو بتلبك مالي يخ🤦🏻♀️
.......................................
في بيت سماح،،
رجعت سماح من الجامعه و لقت قدامها امها متلبسة و ايشي و منتظرة بتها عشان يمشو لبيت رزان
سمية:-اخيرا جيتي
سماح:-في شنو؟
سمية:-نسيتي انه ماشين لبيت رزان!
سماح:-اا لا م نسيت ارح بهدوم الجامعه..صحي يا امي وينو اخو رزان؟
سمية:-م بعرفو مالو م جا الليلة بس هسي بنمشي و بنشوف الحاصل شنو
سماح:-طيب يلا
طلعو سماح و سمية متوجهين على بيت رزان
لما وصلو،،
دقو الباب
مصعب:-يخ في شنو كل دقيقتين زول بجي
مشى مصعب فتح الباب و لقى قدامو سمية و سماح
مصعب و هو متلبك:-اا...الحقيقة هي...م قدرت اجي لانه...
سماح:-ايوة تم جيب ليك كزبة...قاااعد في بيتك و مع د كلو م جيت
سمية:-احنا م جايين عشانك وينا رزان
مصعب:-اا لااا مبتقدرو تشوفوها لاااا
سمية:-ليه؟؟
مصعب:-لانووو نايمة
سماح:-اجيي يا دا جايين لحد هنا عشانا و تقول لي نايمة طب بسيطة صحيها
دخلت سمية على طول من غير موافقة مصعب زاتو و سماح برضها...
سمعت رزان الاصوات فاا طلعت و رغد برضو
لما طلعت رزان لقت قدامها سمية و معاها سماح
سماح:-اوو رزان كيفك
رزان كانت متصنمة محلها م عرفت تعمل شنو...تسلم على سماح ولا ترجع اوضتا ولا تحضن سماح و توريا انها اختها معرفت تسوي شنو بضبط فاا اكتفت بانها تكون ساكتة و واقفة محلها مصدومة ...مقدرت تحبس دموعها لما شافت امها فاا بكت...
يتبع#..
رزان ممكن تقول لامها انو هي بنتها ولا حتفضل السكوت؟و هل مصعب حيقدر يطلع من صدمة انو مريم خلتو و كرهتو؟تابعو الاجزاء الجاية..💛
