رواية صدمة
بقلم رهف عصام
الجزء ١٥#..
في جامعة سماح..
كانت سماح قاعدة مع اسلام و مروة
اسلام:-م وريناك يا سماح
سماح:-شنو
اسلام:-حنخطب انا و مروة
سماح:-جادين!!
مروة:-يب يب..اقسم بالله كنت حكلمك امبارح لكن معارفة نسيت ليه..
سماح:-ايوة طيب مبروك ليكم ياخ فرحت ليكم شددد...اها و الخطوبة متين
مروة:-بعد ٣ ايام
اسلام:-و انتي اول المعازيم
سماح:-اكيد طبعا حنجي انا و امي...و حعزم سمر برضو لو ممكن
اسلام:-اعزمي صحباتك كلهم عادي..وانتي برضو يمروة طبعا
مروة:-اصصلا
اسلام:-ايوة يا سماح خطبتك متين من اياد
سماح كشرت وشها وسكتت
اسلام:-مالك في شي؟
سماح:-اا لا ولا شي بس...لغينا خطبتنا احنا
اسلام:-اججي لييه و متين؟
سماح:-اظن قبل اسبوع كد
اسلام:-يا بت هو كان بتونس معاي امبارح و شغال لي خطوبتكم حتكون احلى خطوبة زيها م حصل
سماح:-كيف!!...لكن انا قلت ليو اني م حخطبو!!..(اتذكرت سماح انه امها قالت ليا اياد د م حيسكت ليا و شكلو حخطبها بالغصب)
مروة:-شكلو حخطبك بالغصب
سماح:-ولا ع كيفو م حقبل
اسلام:-ليه يا بت هو انسان ظريف والله و على نياته
سماح:-م بتعرفو اكتر مني!!
اسلام:- اا بت خلاص م تكوركي فيني انا م عامل شي اعملي العايزاو و اخطبي الدايراو احنا معندنا شغلة ..صح يا مروة
مروة:-صح
سماح:-يلا سلام
اسلام:-على وين
سماح:-البيت يعني وين
اسلام:-طيب
مشت سماح و اسلام بقى بتونس مع مروة
مروة:-شفت جزمة سماح الجات بيا دي ماركة اصلية معروفة
اسلام:-اا زولة بتعايني لجزمتا مالك
مروة:-البت دي ايشي بتقع عينك عليا فيا سمحة
اسلام:-قولي م شاء الله يالحسودة
مروة عاينت ليو من فوق و تحت و سكتت
.....................................
رجعت سماح البيت و كالعادة مصعب استلم عربيتا و هي دخلت لامها
سماح:-اميي
سمية:-ايوة يا سماح رجعتي متين
سماح:-هسه...يا امي اياد د لسه شكلو عايز يخطبني و م فهم اني م عايزاو
سمية:-عرفتي كيف
سماح حكت ليا السمعتو من اسلام
سمية:-م قلت ليك م حخليك...حتعملي شنو طيب
سماح:-بريي
سمية:-شوفي هو اصلا يعني يستحيل يقدر يعرسك من غير موافقتك فاا م تشغلي بالك لانك يستحيل توافقي مش
سماح:-بالظبط...طالعة فوق انا انوم نعسانة
سمية:-اجيب ليك شي تاكليو طيب
سماح:-لالا تعبانة شديد نوم بسس
سمية:-طيب امشي
مشت سماح اخدت شور و رقدت نامت...
اثناء م هي نايمة دقت عليا سمر...
سماح بنص عين مفتوحة:-امم..الوو
سمر:-يا بت نايمة ولا شنو؟
سماح:-اممممم
سمر:-نوم العوافي
سماح بعد اتذكرت الشكلة الدارت بيناتهم ف المطعم:-عايزة اقول ليك اني اسفة جدن جدن جدن جدن جدن جدن
سمر:-على شنو م فهمت
سماح:-اي اعملي فيا رايحة...يخ ف المطعم..
قاطعتها سمر بنبرة استهزاء:-لا حولا نسيت انو كنا متشاكلين يلا نتم شكلنا ...يبت اتي عبيطة ولا شنو انا ازعل منك؟
سماح:-اوووحبككككككك
سمر:-ميي توو لكن اسمعيني...مروة دي ابعدي منها ياخ نصيحة مني ليك بلييز اتي م عارفاها كويس
سماح:-اساسا هسي كنت عايزة اقول ليك انه هي حتخطب بعد ٣ ايام من اسلام
سمر:-و المطلوب؟
سماح:-عازمني و قالو لي اعزمك
سمر:-اكيد م حمشي..د الناقص
سماح:-ولا عشاني؟
سمر:-سماح متختيني ف حته ضيقة
سماح:-خلص ياخ تعالي مش بتحبي الحفلات...تعالي عشان تاكلي و ترقصي بس م عشان مروة ولا غيرو
سمر:-لا كان كدي خلاس
سماح:-طيب يلا سلام
سمر:-اقطعي وشك
قفلت سماح الخط و تمت نومها
