رواية صدمة
بقلم رهف عصام
الجزء ٣#...
رجعت ام رغد البيت بعد م مشت الدكان و انصدمت لما لقت باب البيت مفتوح ورغد واقعة ف نص البيت!
جرت طوالي لرغد و بقت تحاول تصحيها....رشتها بموية و رغد بدت تتفاعل معاها و صحت تدريجيا
امنة(ام رغد):-رغد قومي!!مالك في شنو..منو الجا هنا!!صحبتك وين؟!
رغد:-امي..امي جو الشرطة يا امي...جو الشرطة
امنة:-متين؟؟وليه؟؟؟
رغد و هي بتشهق:-شالو رزان يا امي ....حيسجنوها يا امي حيسجنوها...
قامت رغد و طوالي جرت برا و امها بقت لاحقاها و هي م فاهمة شي....
ف مغفر الشرطة#...
مسكو رزان بكل عنف و طلعوها من عربية الشرطة و دخلوها و معاهم مصعب طبعا....رموها ف السجن بلا رحمة و قفلو عليها و طلعو...
جات رغد و لقت مصعب و الشرطي و م معاهم رزان
رغد:-رزان وين!!!بسرعة يلا!!
مصعب:-رزان ف المحل اللي من المفروض تكون فيهو
رغد:-حتندم يا مصعب و اتذكر كلامي دا!!
جات رغد ماشة منهم تفتش ياتو غرفة حبسو فيا رزان..
مصعب:-يا فارس طلب بس ....انا اصلا عارف انه البنات ديل خطيرين و ممكن هسي دي تعمل ايشي عشان تطلع رزان من السجن...فاا م تخليهم يتلاقو و م تخليا تشوف رزان امنعها!!لانه لو اجتمعوا ديل بعملو ايشي....هسي بكون عندا طريقتا الخاصة عشان تطلعها....بس احذر منهم و انا حذرتك....
الشرطي طبعا غبي و م عنده فهم و صدق مصعب و مشى لرغد...د كله عشان مصعب صحبه من زمان
رغد لقت رزان ...كانت متحطمة كليا....قاعدة ف الغرفة و متكتفة بنفسها و الدموع شغالة صب عديل...كوركت ليها:-رزااان!!
رزان اتلفتت و لقت رغد و طوالي قامت من الارض و جرت ليا
رزان:-رغد طلعيني من هنا يرغد....م عملت شي اقسم بالله م عملت
رغد:-عارفاك يبتي اي عارفاك مف داعي تبرري...حطلعك انا و م تخافي حتطلعي ....
و اثناء م رغد بتتكلم قاطعها الشرطي:-وحتطلعيها كيف؟؟؟م تكوني ناوية تطلعيها من غير م تستخدمي القانون؟!لانه صحبتك دي م حتطلع الا بعد ١٥ سنة
رغد:-بس هي م غلطت للمرة المليون!
الشرطي:-بعصبيتك دي انتي ممكن تعملي اي حاجه ف انا م ضامنك...نادى الشرطي اتنين من الحراس عشان يطلعو رغد برا
رغد:-هيي بياتو حق...م عندك حق .....اجي اشوفا وقت م دايرة!!
الشرطي:-وانا قلت انتي م حتشوفيا الا بعد ١٥ سنة!يلا طلعوها
مسكو الحراس رغد عشان يطلعوها و هي بتحاول تفلت منهم لكن م قادرة...و رزان بتكورك ليا:-رغد م تمشي يرغاااااد!!!!!!
و رزان خلاص انفاسها دايرة تطلع من محلها...
طلّعو رغد برا و رموها ف الشارع و هي متحطمة كليا
قامت رغد و فجاة لقت امها يادوب وصلت
امنة:-رغد في شنو هنا مالك جيتي المغفر ياخ نفسي قام علي و انا جارية وراك
رغد:-رزان سجنوها
امنة:-وليه؟؟؟
رغد:-اخوها اتهمها بجريمة قتل...المشكلة هو اللي قتل...و لما شالو السكينة لقو فيا بصمات رزان....معارفة كيف
امنة:-يا بتي ليه بتورطي نفسك مع عيلة زي دي...ديل عندهم مشاكل م بتخلص ياخ انا م دايراك تتضرري...يخ اقطعي علاقتك بالبت دي و خلي همومك تخلص ياخ
رغد:-امي انتي كيف بتقولي لي الكلام د؟!!!رزان دي صحبتي من م كنت ف الاساس...كيف يعني انساها؟؟؟؟؟؟؟؟؟!!يخي بلاها بموت!!اصلا بلاها حياتي م عندها معنى....
امنة:-يخي براحتك قدر م نصحناك م نافع معاك شي
رغد:-امي انا هسي حاثبت براءتها كيف
امنة:-عرفني شنو انا
رغد:-م هو انا م لي ف الحاجات دي...عشان كدا عايزة بدل نطلعها ببراءة بنقدر نطلعها ب...ب بكفالة؟؟
امنة:-طيب طلعوها
رغد:-لكن يا امي اوضاعهم المالية م كويسة....هي رزان كانت بتشتغل ف العمر د...انتي عارفة الزول القتلو مصعب د ياهو اللي رزان كانت بتشتغل عنده!!كان قايلهم بحبو بعض و الكلام د..لانه كل م يجي للمكان الكانت بتشتغل فيو بلاقيا بتتونس معاو و..
قاطعتها امنة:-يبت اذا هي متهمة بجريمة قتل م بتقدرو تطلعوها بكفالة...نشوف بكرة بس بحصل شنو يلا ياخ راسي مصدع
رغد:-طيب
يتبع#..
كيف حتقدر رغد تطلع رزان من السجن؟تابعو الاجزاء الجاية..
