رواية صدمة💔
بقلم رهف عصام✍️
الجزء ١٧#..
دخلت سمر بيتا و معاها الاكياس
ثرية:-يا بت د شنو د كلو هي حفلة خطوبة م اكتر
سمر:-برضو مرة وحدة اشتري كل النفسي فيو يعني
ثرية:-م مهم د كلو...صالحتي البت الظريفة ديك؟
سمر:-لدن؟زماااان ياخ😂
ثرية:-تمام كد😂
سمر:-طبعا م نسيتك يعني....د التوب الحتمشي بيو الخطوبة بس لا اعذار
ثرية:-واااي التوب د كان نفسي فيو من زمان🖤🖤🖤🖤
سمر:-عارفاك عشان كد جبتو😂🖤
ثرية:-م في منك اتنين يبتي
سمر:-ولا انتي😀🖤🖤🖤...يلا قومي البسيو نشوفو فيك عامل كيف😀🖤و انا بلبس الفستان حقي😀🖤
ثرية:-يلا😂🖤
.................................
اليوم البعديو بالصباح،
ف جامعه سماح..
سماح:-هلا مروة
مروة:-اوو اهلين...هاا امبارح كتي وين بدق عليك م بتردي
سماح:-ايواا كنتي اتي يعني😂😂كنت ف السوق و م فضيت ارد معلش
مروة:-بتتسوقي للخطوبة ولا شنو😉
سماح:-اي اي😉
مروة:-اها و اشتريتي لي شنو😂😂😂
سماح ف سرها(بتسال من روحا ليه؟..ليه م سالتني اشتريت لروحي انا شنو؟):-سر😉
مروة:-ايواا تمام😂😂
سماح:-يلا نلحق المحاضرة
مروة:-يلا...
.............................
حاختصر الموضوع و نصل ليوم الخطبة
مروة و سماح و سمر و رغد كانو ف قمة الجمال🌞اما رزان صحيح جات معاهم العرس بس الخدش الفي راسا كان مؤثر على منظرها شوية لانها كانت لافة ف راسا شاش..بس برضو كانت جميلة🌞
بس سماح و سمر كانو ماخدين الاضواء شديد اكتر من العاملين الحفلة عشانها زاتو😂(كانو مطقمين🌞💘)
طيب ف بيت رزان...
مصعب كان قاعد بقلب ف تلفونه و بعداك الكهربة قطعت فجاة
مصعب:-يخ د شنو د م صدقت الناس الفي البيت مشو الحفلة و خلوني براي ارتاح تجي الكهربة تقطع ابو الزفت زاتو
طلع مصعب برا و بقى بتمشى فجاة لقى ليو بت كد عمرها في العشرينات لافة ف الركن و ماسكة ليا سكينة زي العايزة تنتحر.
مصعب جا جمبا و بقى يعاين ليا:-يا بت
البت اتلفتت لما شافتو و كان ظاهر عليا مرعوبة و خايفة...اول م شافتو وقعت السكينة و كانت عايزة تجري لكن وقفها
بقى بعاين فيا بدقة كد و فجاة قال بصوت مبحوح:-مريم؟😢
مريم:-انت مين؟و بتعرف اسمي من وين؟
مصعب:-يبت انا مصعب!!!
مريم:-م م مصعب مين؟
مصعب:-نسيتيني بالسرعة دي؟
مريم بخوف:-م..مصعب..اخو...اا..اخو..
قاطعها مصعب:-اي اخو رزان😢
مريم:-المفروض م نتلاقى
مصعب:-لا بالله....كفاية اني م شفتك لي قريب ال١٤ سنة!!
مريم:-و اتذكرت وشي كيف😢
مصعب:-كيف م اتذكرك
مريم:-...
مصعب:-اهلك وين؟
مريم:-...
مصعب:-يبت اتكلمي امك و ابوك وين؟
مريم:-ماتو زمان
مصعب:-شنو!!💔
مريم:-مبقدر احكي ليك ايشي هنا و هسه...
مصعب:-تعالي بيتي
مريم:-كيف يعني !!لو امك شافتني حتعمل فيني شنو!!!
مصعب:-يخ متخافي مف زول قاعد ف البيت اساسا..كلهم مشو لحفلة كد
مريم:-طيب.
...............................
ف الحفلة..
رغد:-رزان م نفسك تمشي تقعدي مع سماح؟
رزان:-لا اعمل معاها شنو
رغد:-يعني تتعرفي عليا...تصاحبيا..كد...طلعت هي بست سمر يعني
رزان:-ويعني...معايزة اقعد معاها حتتضايق و تتذكر اخوها و انا م ناقصة ازيد عليا...زائد انه اصوات الاغاني عالية مبقدر اقعد ف الجوطة دي
رغد:-امم طيب...راحتك بس انا حمشي اقعد معاها😀
رزان:-يبت فرقنا شنو من بعض!!بالنسبة ليا احنا نفس الشي!!
رغد:-يخ م عارفة المهم ماشة
رزان:-طيري
مشت رغد لسماح و سمر و سلمت عليهم و قعدت معاهم
سماح:-اا رزان وين مشفتا؟
رغد:-قالت راسا واجعا و مبتقدر تقعد هنا خصوصا الاصوات عالية و بتاع
سماح:-طب انا لازم امشي اشوفا يعني قالو لي مخدوشة ف راسا
رغد:-تعالي اوديك ليا
سماح:-طيب
مشو سماح و سمر و رغد لرزان
سماح:-اوو رزان كيفك
رزان:-اا سماح...انا تمام الحمد لله و انتي😅
سماح:-بخير والله...سلامتك الفي راسك د شنو؟
رزان:-وقعت و اتشلخت😅
سماح:-انا هسي قلت يكون اخوك السجم داك
رزان:-...(ساكتة)
سماح:-طب تعالي ياخ د شنو الهدوء القاعدة فيو د تعال نرقصصصص مشغلين اغاني ظابطة
رزان:-والله نفسسي لكن مقادرة راسي حيصدع
سماح:-راحتك🙁💔
رزان:-😅
سماح:-امك وين طيب م شفتها
رزان:-اكيد بتكون قاعدة وسط الناس ديل م عارفة
سماح:-لا اتي بتقولي لي الكلام د نظام بعرفا انا او حصل شفتا😂💔
رزان:-رغد وريا بالله
رغد:-طيب تعالي معاي
رغد و سماح مشو يسلمو على هاجر و سمر قعدت مع رزان
سمر:-بقيتي كيف؟
رزان:-احسن والله
سمر:-يبت اتي متاكدة د كلو وقعة ف الارض؟
رزان بتوتر:-اي ليه
سمر:-لا مف شي بس يعني ظاهر عليو مقصود
رزان:-لالا ابعدي التفكير د من راسك منو البعمل فيني كد😂💔
سمر:-بري
...................................
رغد:-هنديييك
سماح:-وينا
رغد:-اللابسة توب احمر
سماح مشت لهاجر و سلمت عليا
سماح:-مش اتي ام رزان؟💛☺
هاجر:-اي بس م عرفتك اتي منو
سماح:-انا صحبتا من بعيد بعيد كد...امي اسما سمية و ابوي اسمو معتصم لو بتعرفيهم(يلا عشان م تتلخبطو ابو سماح اسمو معتصم و ابو رزان برضو🌞معارفة ليه سميتهم نفس الاسم بس خلاص م فاضية اغيرو🌞🙏🏻)
هاجر انصدمت و قربت توقع الكاسة الفي يدها
سماح:-في شنو مالك يا خالتو؟؟؟!
هاجر:-معتصم مين!😳
سماح:-اا معتصم احمد عبدالواحد...+ليه في شنو؟؟؟؟؟
هاجر طوالي اتذكرت...اتذكرت السوق💔..جمب محل الجزم💔..لما شالت من سمية اكتر شي بتحبو💔...اكتر شي كانت مشتاقة ليو💔..اخفت الصدمة الفي وشها و اتكلمت:-اا لا مف شي يبتي بس ممكن اشوف امك و اسلم عليا و كد يعني☺💛
سماح:-طوالي...تعالي معاي اوريك ليا
مشو سماح و هاجر لسمية
سماح:-امي دي خالتو هاجر...خالتو دي امي
سمية:-سماح امشي لصحبتك سمر ولا اي زول انبسطي ف الحفلة يلا
سماح:-طردة؟😂😂😂
سمية:-لالا يبت بس امشي
سماح:-طيب مشيت
بعد م مشت....سمية:-شفتك وين؟؟
هاجر:-اا لا م شفتيني ف حته اا ممكن مشبهاني بس😅
سمية:-لالا والله شايفاك ف حته
هاجر:-امكن مشبهاني بس والله😅
سمية:-طيب اتي ام منو من صحبات سماح
هاجر:-رزان
سمية:-رزان الوحدة دي اخت؟...
هاجر:-شوفي انا والله م ناقصة مشاكل و اساسا ولدي د انا م كنت عارفة عنو شي ولا كنت عارفة حعمل كد والله....انا مربية بتي و ولدي احسن تربية لكن هو براو اختار يمشي ف الطريق الغلط وانا والله..
قاطعتها سمية:-جاية بكل عين وقحة تتكلمي معاي؟حاسة فيني اتي؟
هاجر:-حاسة بيك شديد
سمية:-لو كنتي حاسة بي كنتي سجنتي ولدك!
هاجر:-قالو لي قعد يشتغل عندك!!
سمية:-اممم
هاجر:-والله اعاقبو ليك بالطريقة العايزاها بس من غير سجن
سمية:-اقفلي السيرة الليلة يوم حلو و م عايزة اعكر مزاجي...م شفت بتك
هاجر:-تعبانة شوية ف م قاعدة هنا هسه
سمية:-امم
يتبع#..
مين مريم دي؟و بعرفها مصعب و اهلو من وين؟؟و ليه كانت عايزة تنتحر؟؟هاجر لما عرفت انو سماح ابوها اسمو معتصم احمد عبدالواحد خافت ليه؟؟و قصة السوق جمب محل الجزم دي شنو؟؟تابعو الاجزاء الجاية..💛
