رواية صدمة💔
بقلم رهف عصام✍️
الجزء ٣٧#...
كانت هاجر قاعدة ف اوضتها براها و راقدة ف السرير ..بتتذكر اليوم المشؤوم..اليوم اللي لاقت فيو...اهل سماح...سمية و معتصم💔.
فلاشباك قبل ١١ سنة#..
طلعو هاجر و مصعب و رزان للسوق يشترو ملابس للعيد...معتصم وصلهم و اداهم القروش و رجع البيت..
هاجر:-مصعب امسك اختك دي كويس و م تطلعو من المحل د..اختار ليا جزمة حلوة و استنوني اوعى تطلعو كلمتك!
مصعب:-سمح ي امي👍🏻
طلعت هاجر و مصعب بقى بتكلم مع رزان:-رزان تعالي هنا نشوف ليك جزمة اتحركي😑
رزان:-شيلني تعبتة م قادرة امشي😭
مصعب:-يشيلك السيل😀يلا اتحركي
رزان:-ابيتت انا حاطلع من هنا
مصعب:-رزان استني اوعك تطلعي م سمعتي امي قالت ليناا شنو
رزان:-ماااام اثكتتتت م عايزة اتكلم معااك
جرت رزان طوالي برا المحل و فجاة كدا اطقشت بمرا واقفة قدامها و وقعت..بقت رزان بتبكي و بتكورك:-مامااااا😭😭
قومتها المرا الكانت واقفة قدامها و اول م شافتها بقت بتبكي و بتتمتم:-ا...ا...ااساور؟!!!😭😭😭😭
رزان:-ماماااا😭😭(طوالي مسكت المرا القدامها و حضنتها و بقت بتبكي)(يلا المرة دي سمية)
سمية:-م تخافي انا معاك م تبكي خلاص(و بقت بتمسح ف وشها)
سمية:-وينك يبتي لي ٣ سنين ماا شفتك ليه تحرميني من شوفتك😭😭قالو لي انك متي بس انا م صدقتهم ولا حصدقهم نهاائي😭
فجاة كد جات هاجر و لقت سمية و رزان حاضنين بعض..استغربت شوية و جات جمبهم..سمعت سمية و هي بتتكلم:-يا اساور م بتعرفي كنا خايفين عليك كيف😭بعد الحادث الحصل ليك اتي و اختك لما وقعتك ف الشارع و تاني م لقيناك😭😭💔ليه خليتي قلبنا يغلي عليك كدا يا بتي ليه بس😭
انصدمت هاجر و اتخلعت شديد م قدرت تصدق انو معقولة المرا دي تطلع هي ام رزان الحقيقية!فكرت ف البداية انو خلاص تديها لسمية و تخليها تعيش معاها و يرجع الموضوع طبيعي لكن م قدرت تخلي رزان خصوصا انو اتعلقت بيا شديد و بقت بتعتبرها بنتها و اكتر...طوالي جات لسمية
هاجر:-اتتي منو؟
رزان اول م سمعت صوت هاجر وراها زحت من سمية
رزان:-دقيقة اتي م امي..هندي امي!!زحي منيي😭😭
رزان طوالي جات على هاجر و حضنتا
سمية بقت بتتكلم و هي بترجف:-دقيقة لا فاهمين غلط دي بتي!!يا اختي الله يرضى عليك دي بتي😭اا..انا اسمي سمية محمد احمد و راجلي اس...اسمو معتصم احمد عبدالواحد..و دي اسمها اساور معتصم احمد عبدالواحد❤❤😭
هاجر:-كيف يعني؟..معليش الكلام د غلط...لانو دي بتي انا😶و اسمها رزان معتصم عبدالحميد**...يلا استاذن
مشو رزان و هاجر و سمية حاولت تلحقهم بس م قدرت لانو كان في زحمة...شوية كدا و جاتها سماح..كان عمرها ١١ سنة
سماح:-ماما في شنو مالك بتبكي بسم الله!!
سمية:-شفتها شفتها يا سماح شفتها والله😭😭
سماح:-منو هيي؟
سمية و هي بتتبسم:-اساور اختكك❤❤شفتها هسي كانت هنا و حضنتني و قال لي ماماا❤❤😭
سماح:-امي انتي بتتخيلي ماف اي زول هنا يلا تعالي😢💔
سمية:-والله العظيم جات ما قعد اتخيل😭😭
سماح:-طيب يا امي يلا تعالي عليك الله😭❤
سمية:-بس هي هنا لاا م بمشي لاا😭😭😭💔
سماح بعد تعب قدرت تجيب معاها امها و تهدِّيها و بعداك رجعو بيتهم..اما هاجر مشت كتبت ف الدفتر بتاعها اسامي اهل رزان...سمية محمد احمد...و معتصم احمد عبدالواحد..و ورت راجلا و مصعب بالموضوع و كلمتهم انه م يقولو لرزان ابدا انه اتبنوها ولا اي زول يعرف بالموضوع د..
